اختبار كفايات تشوفي على موقع قياس متى موعد تخصصك

النقاط اما تشوفي موقع جدارة هم يحسبون لك ويقالون لك اخر واحدة توظفت كم نقاطها
او في المنتدى في منشورات لحساب النقاط


المناطق انتي تختاري عادي التربوي تختاري المناطق للي تقدري تروحين لها

https://www.btalah.com/t452515.html

دا لحساب النقاط

[align=center]طيب يا اختي الله يجزاك خير حبه حبه عشان افهم معليش سامحيني
انا الان طالبة تربوي لسا ما اتخرجت
ايش الخطوات بالتفصيل ايش اول حاجه اعملها لو خلصت تربوي
وهل اختبار كفايات المعلمات قبل ما اقدم على الديوان وانتهي من التربوي
وكليه الحاسب كم اخر نقطة اخدوهااا
وكمان ايش نقاط وكيف تحسب وهل معدلي مو كويس ولا تمام
وهل شهادة كامبردج فقط اختبار واخد شهادة تزيد نقاطي وهل يشترط اخدها عند سحب الوثيقة
واخاف تتاخر الشهادة كامبردج وقت التسجيل بالديوان ومتى يفتح التسجيل
انا ما عندي اخوات يساعدوني ويفهموني كل وحده نفسي نفسي وما يحبوا الخير ليا
فيا ريت تساعديني او احد يساعدني ويفهمني كل شيء بالتفصيل بدي افهم معليش ما استوعب كويس بالمصطلحات والتسجيل ومواعيد متوتره جدااااااا لانو معدلي نازل فياريت تساعدوني كيف اطور نفسي وكيف احصل على شهادات لديوان الخدمة معتمده وما هي كتب اختبار كفايات المعلمات للحاسب الالي ومن فين اجيبها وشكرا لك وكمان ايش يعني مرتبه خامسه وسادسه وكم راتب الموظفه الاستاذة [/align]

السلام عليكم ورحمة الله وبركاته ..

حبيبتي لاتتوترين البنات الله يجزاهم خير ماقصروا وأنا بساعدك بكل اللي أقدر عليه وهدي أعصابك عالآخر والناس اللي تحبطك وتتمنن عليك إرميهم وراء ظهرك وأثبتي نفسك عالعمووووم ..انتي الى الآن ماخلصتي التربوي لاتشغلين بالك بالنقاط ومدري أيش هاذي أخر شي بعد ماتخلصي التربوي راح يحسبوها لك المطلوب منك الآن كالتالي :

* التسجيل لإختبار كفايات المعلمات بشهر واحد يفتح بإذن الله المطلوب منك تسجلين وتدخلين بياناتك كامله وإذا ماعرفتي أي شي بطريقة التسجيل أرسليلي وأنا بسجلك بإذن الله ..

*بالنسبة لك ماخلصتي التربوي ووثيقتك راح تستلميها بشهر 8 تقريبا بكل الأحوال تسجيل القياس ماله علاقه بالتربوي لاتربطينهم ببعض يعني سجلي القياس واختبري وراح تطلع نتائج الأختبار بشهر 5 تقريبا بعدها بفتره راح يفتح التسجيل بجدارة عشان تحديث البيانات للي مسجلين أو تسجيل جديد للي ماسجلو بالمره زيك المهم ذاك الوقت تسجلين بياناتك كاملة وبدقه على موقع جداره اذا كنتي وقت مايفتح التقديم مخلصه التربوي عالأغلب لأنو السنه هاذي فتحو تسجيل جدارة بنهاية 8 راح تكتبين تربوي وقت التسجيل .. عشان تكون نقاطك أكثر فرصة تعيينك بتكون أكبر بغض النظر عن معدلك بالتربوي.. معدلك بالتخصص + أجتيازك للقياس +شهادة التربوي + أقدمية التخرج +الأماكن الشاغره بالاضافه للدبلومات والدورات .. هاذي هي اللي تزيد نقاطك .. أما معدل التربوي مايطلون فيه هم عليهم بالشهادة تربوية أو لأ هذا اللي أعرفه .. هم راح يحسبون لك النقاط بعد ماتسجلي بياناتك لاتشغلين بالك وتقعدين تحسبين وتوكلي على الله ..

*بالنسبة لإختيارك للرغبات المكانيه وقت التسجيل انتي تختاري الرغبات اللي تبغين يعني تختاري مثلا مكة , الطائف, جده الأقرب لك اذا ماتبغى تروحي بعيد .. وقت مايفتحوا التسجيل راح ينزلون احتياج الأماكن وكل منطقه محتاجه كم وحدة بالتخصص اذا ماعندك مشكله مع البعد إختاري الأماكن اللي فيها احتياج وراح تكون فرصتك بالتعيين أكبر بكثيررررر ..

أخيرا .. شدي حيلك وركزي على إختبار القياس وإطلعي على الأسئله للسنوات الماضيه وشوفي كيف طريقة اختبار القياس لأنه صار أهم شرط من شروط التعيين وكيف طريقة التقديم بجداره ..
وأنا بعطيك خبر اذا فتح التسجيل ان شاء الله ..

موفقه بإذن الله والله يرزقك من واسع فضلة ويغنيك عمن سواه .. أي سؤال لاتترددي أنا بالخدمه ..

تبين شهادات ترفعك دوري لمجال يناسب تخصصك

وش تخصصك؟؟؟