اذا وظيفتك حكومية وكويسة لاتقدم استقاله اختبر قدرات الجامعيين وتوفل والمطلوب بالقسم اللي انت حابة وادرس موازي واظن جامعة الملك سعود منزله قسم للمالية
لان تخاف تروح وترجع ومو مضمون تحصل وظيفة
محدثتكم ماجستير ادارة عامة وعاطلة

الله يجزاك الف خير
والله يرزقك من حيث لا تحتسبين
لكن المشكلة الي واجهتني هي اني تعليم عن بعد
والبرنامج المقدم من جامعة الملك سعود حاطين شرط تعجيزي وهو بان يكون الطالب منتظم
عاد حست ولفيت كل مكان ما حصلت غير المعهد المصرفي ومعهد الادارة لكن اغلب الي يدخلون هم من خريجي الثانوية العامة
لان الفرص في السعوديه في مواصلة التعليم تعتبر قليلة ما عدا برنامج البكالوريس المقدم من اغلب الجامعات وهو يعتبر تحسين وضع موظفين الدولة لترقيات اما اذا مالك رغبة في الترقيات وحبيت تواصلة فعز الله بتواجه انواع الصعوبات غير انك تطلع تدرس براء وتجي شهادة مثلك مثل اي شخص كان طالب منتظم
وما نستغني عن نصايحكم وتوجيهاتك لاني والله مو عرف شي غير الي ذكرته لكن عسى الله يوجهني للافضل وباقل الخسائر
--- لان كل خدمتي في الدولة سبع سنوات وانا عازب والمخاطره لوحدي افضل من ان يكون لدي اسره ولك ما جمعته من توظفت باطلع ادرس فيه لعل الله يرزقني بفرصة افضل من الي انا فيها لان ظيفية لا تسمن ولا تغني من جوع المرتبه الرابعه ---

لالالا تترك وظيفتك
ترا في ناس جايبين شهاده من برا وجالسين
لكن في اقتراح
قدم اجازه بدون راتب وادرس برا
عندك ماليزيا عشان المعيشه رخيصه نوعا ما
وعندك الامارات
اما تترك وظيفتك انا ضد وبقوه
لاتتسرع استخير

الله يعافيك اخوي مصور سعودي
والحمد الله الرزق على الله والعمر يمشي والصغير مو مثل الكبير في التعليم والحمد الله عمري 27 وان شاء الله لو ربي كتب لي الخير في الدراسة في الخارج عمري قريب من درجة ابتعاث الماجستير اجلس سنة واضمن نفسي
وبخصوص الاجازة الاستثنائيه عندنا في الوزارة ما تعطى غير للي بيطلع من زوجته او اخته اقريبه له لدراسة في الخارج او امرافق لشخص مريض
الفرص صارة صعبه يا أنك تجلس تجاري نفسك ويطوف علي سن التعليم او المغامره ولرزق على الله لان وظيفتي مو ممتازه وتعبتر عايديه لكن تعتبر وظيفة حكومية لا تطوير ولا ابداع
فالموضوع ما فتحته الى لااخذ توجيهتكم او نصايحكم ولاني يا اخسرة وظيفتي او اغامر لتعليم وللعل الله يرسل من هو اعرف وادارء مني في مطالب الحياة والنظرة المستقبلية

طيب ياخوي شوف واحده من اهلك تبتعث وروح معها
او تزوج جامعيه وابتعثوا
في بنات كثير ودهم يبتعثون بس اهاليهم رافضين وعندك منتدى مبتعث شوفهم
ترا ماهي صعبه والله منها تونسك عشان الغربه^_^
الله يوفقك

بالحبيب لا تستقيل ولاهم يحزنون
اول شي تسويه قدم على جداره بالبكالوريوس
واختبر قدرات الجامعيين واختبار كفايات اللغه الانجليزيه
وضبط لك سيره ذاتيه بخبرات ودورات وشهاده شكر
وقدم بشهر خمسه على جامعه الملك عبدالعزيز انا ادرس فيها وأنا موظف حكومي
وقبلت في الابتعاث ومارحت فضلت الوظيفية والدراسة هنا عندك أكثر من تخصص وكلها بتقبلك
إذا جبت درجه كويسه في القدرات والدراسة جمعه وسبت مرتين بالشهر بس
التخصصات اللي تقبلك ماجستير اداره أعمال تتفيذي وأداره عامه تنفيذي
وفيه برنامج جديد تقديمه الحين والدراسة الترم الجاي بإمكانك تقدمه عليه الحين إذا عندك اختبار قدرات
ولغه وهو قريب من تخصصك اسمه ماجستير التمويل الإسلامي
وعلى كل ادخل موقع جامعه الملك عبدالعزيز عماده الدراسات العليا فيه جميع المعلومات
وفيه منتديات فيها كل المعلومات
موفق

نسيت أقول لك لو كان البكالوريوس انتظام لقلت لك ابتعث برا وانت مغمض طمعا في الوظيفه الاكاديمه

استخير الله وانا اخوك ونصيحة لاتترك وظيفتك عصفور باليد ولاعشرة على الشجرة حاول بكل الطرق تكمل الماجستير وانت على راس العمل او انه تجيب لجهة عملك قبول مبدئي من اي معهد برا وتقدم بموجبه اجازة بدون راتب او زي ماقال الاخوان خد لك جامعيه وابتعث معها والله يعين الجميع