السلام عليكم ورحمة الله وبركاتة

استفساري ...

انا قدمت على شركة وسويت مقابلة وانتظر بس الكشف الطبي وتوقيع العقد .. بعد ماخصلت المقابلة توظفت في مدرسة اهلية .. وقالي واحد انه اذا سجلووك بالتامينات تروح عليك الشركة اللي سجلت فيها .. هل كلامه صحيح ؟؟؟؟؟؟؟؟؟

يعني لو شافوو اسمي بالتامينات بيقولون هذا توظف خلاص مانحتاجه ؟؟؟

الله يهديك يبني وش قصدك ياحبيبي لو سمحت

المدرسه راح تسجلك في التامينات

حسب اذا كانت الشركة هدفها ترفع نسبة السعودة لديها اكيد يرفضون اما اذا كانت ماهي مهتمة لذلك سوف توظف لديها وانت على راس عمل وتسجل بالتأمينات ايضا عندهم بس بوزارة العمل تبقى ضمن المدرسة حتى يتم استبعادك من التأمينات

على حسب تخصصك واجتياز المقابلة خصوصا لو انت كيمياء الشركات ترغب فيك بقوة

بصراحة ماابغى المدرسة الاهلية .. ابغى الشركة اللي قدمت فيهااااااااااا

طيب متى يطلع اسمي بالتامينات ... اقصد لي فترة معينة وادخل التأمينات ؟ ولا على طوول

اذا سجلوك المدرسه بالتامينات بيظهر للشركه انك موظف وممكن يستبعدونك ..
ولاتنسى ان الشركات الان اغلبها تبي سعوده وتبي سعوديين عشان تربطهم بالتامينات ..

ثاني شي اذا المدرسه سجلتك بالتامينات بيظهر على طول بموقع التامينات انك مسجل معهم وايضآ بتجيك رساله على جوالك انهم ربطوك بالتامينات ..
وعشان تتاكد انهم سجلوك بالتامينات ولا لا اكتب بقوقل البحث عن موظف سعودي مرتبط بالتامينات وحط رقم هويتك الوطنيه وبيظهر لك اذا كنت مسجل او لا ...


والاهم من ذا كلهه انك اذا سجلت بالتاميان ثم رحت بتشيل اسمك عشان تسجل بالشركه ماراح ينشال اسمك على طول ... لازم تنتظر 3 شهور كامله لين ماتنزل من التامينات

وممكن بالحاله هذي تروح عليك الوظيفه اللي بالشركه ..
يعني لحق على عمرك واترك المدرسه قبل يربطونك وان شاء الله مايكونون ربطوك الى الان ...

وبالتوفيق ,,,,,,,,,



اختــك /
موظفهه سابقه بوزارة العمل واي استفسار انا جاهزه

وعليكم السلام ورحمـة الله وبركـاته

بـكل إختصار وإيجاز

فـي كلامك ذكرت أن عملية المقابلة الشخصية تمت بنجاح وتنتظر الكشف الطبـي وتوقيـع العقد

بمجرد ما يتم الأتصال بك لتوقيع العقد تـأكد .. راح يطلبون منك إخلاء طرف من آخر شركة أشتغلت فيها الي هـي المدرسة

تروح المدرسة تاخذ إخلاء طرف وتطلب إسقاط أسمك من التأمينات الأجتماعية ويطبعلك الورقة كل هذا في وقتها وأنت واقف ولا تاخذ وقت

وصلى الله وسلم على نبينا محمد

بالتوفيق

تعقيب على الرد اللي قبلي ...

اخلاء الطرف ماياخذ وقت صحيح لكن علشان ينزل اسمه من التامينات يتطلب الانتظار 3 اشهر
لان الاسم ينزل تدريجيا ,,, وليس وهو واقف

قدمت إستقالتي من شركة قبل يومين وبنفسي أسقط أسمي من التأمينات في اليوم الثالث

لدي أسم مستخدم المنشئة وكلمة المرور

ورابع يوم متوظف لدى الشركة الأخـرى وتم ربطي بالتأمينات في خامس يوم وتأكيد على الموبايل

مع أحترامي لك ثلاثة أشهر تبع ايش

ممكن يكون أسمه مسجل لدى مكتب العمل فقط وياخذ فترة بأن الشخص مسجل لدى المنشئة الفلانية

لكن يتم ربطه بالتأمينات دايركت لدى المنشئة الأخرى