{وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْناً عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ }لقمان14

عارفه في كل بيت فيه مشاكل وكل مشكله لها حل وانا من نوع اكره الكلام في أي شئ خاص وما طرحت مشكلتي هنا الا خوفي من الله وخوفي على أمي الا صرت اشتاق إليها في وجودها معي اشتاق الى ثقتها ضحكتها اشتاق الى كل شئ كانت عليه قبل عشر سنوات
وأنا مشكلتي مع أمي هي التدخين (معسل) و شرب الشاي والاكيد في البعض بقول عني مكبرة السالفة او ماعندي سالفة ،،،،،،،أحس وصلة الى مرحلة مرضيه مثل الادمان او مرض نفسي خصوصا انه الان تعاني من سعال قوي وحتى وهي نايمة تسعل لدرجة أن بتصحى من نومها وحتى لما أكون نايمة معها اصحى من نومي ولما بخصوص الحركة لما تركب الدرج أو تهرول تتعب وتنافخ وخصوصا لما اجلس جنبها اسمع نفسها فيه صفير ويزيد لما تسوي أي مجهود ،،،،
ومشكلة الشاهي تسوي دلة تقريبا سعتها 2 لتر وتحط فيها يمكن كوب سكر تقريبا حجم علبة زبادي وتشربها تقريبا لوحدها لان ماجد في البيت يحب الشاهي وطبعا المشروب الجانبي وقت الغداء والعشاء وفطور ومويه قليل تشرب يمكن كوب أو كوبين في اليوم

ولما أتكلم معها بخصوص صحتها تهاوشني وما تترك أي مجال أتكلم معها واحيانا على قولتهم تعطيني على قد جوي
كانك يابو زيد ماغزيت ،،،،،،،، وآخر المطاف أني أروح الى غرفتي عشان ماتصير مشكلة كبيرة ،،،،،،،

أبوي متوفي من تسع سنوات الله يرحمه مع انه ماكان يدخن ولا يحب التدخين وامي كانت تدخن قبل لا تزوج وبعد الزواج تركته وقليل مادخن بس نهاية الاسبوع لما نروح بيت جدي (أهل امي) بعد وفاة الوالد رجعت و زادة في التدخين
،،،،،،،، انا أكبر بين اخواني وحاولت ولما شفت انه مافي فائدة من كلامي و خوفي عليها فتحت الموضوع مع جدتي و خالاتي اتضح الامر عادي عندهم لان هم نفس الشي يدخنوا وحتى ثنين من اخواني صاروا يدخنوا وثالث في الطريق
وخلال خمس سنوات ماضيه صارت في عيلة حالتين وفاة ب سرطان في الرئة


مع العلم انه أمي دارسة بس ما خلصت جامعة وكان راح تدرس انتساب بس وفاة الوالد الله يرحمه خلاها تترك كل أحلامها وطموحها ،،،،، وحتى علاقتها بصديقاتها صارت شبه مقطوعة وصار عندها اكتئاب وصارت تتعالج منه بس وقفته ،،،،ً

والله يا اخواني موب عارفة ايش أسوي صرت أحيانا أقول إليها ماراح اسامحك يامي لو يصير فيك شي ،،،،
و الا يوجع أكثر اني متخرجة من كلية طب الاسنان موب عارفة القي حل الى اقرب واعز شخص لي وربي راح يحاسبني ويمكن ادخل النار على كلمة اقولها لها تجرح قلبها من خوفي عليها

اتمنى انكم تقترحوا علي بحلول أو فكرة
واسفة إذا كان موضوعي موب مرتب أو غير متناسق