السلام عليكم ورحمة الله وبركاته
ياطولين الاعمار انا رجال ناوي انشاء الله ادخل كلية الملك فهد الامنيه
وانا الان متخرج من الثانوي والي اعرفه ان الكليه ماتقبل الى الجامعيين
على كلن انا حاط عيني على قطاع الشرطه فقط لا غير وسمعت ان التخصص عند دخول الكليه له دور في اختيار القطاع
فابغى اسالكم وش التخصص الي على طول يكون تعينه في الشرطه مثال يعني الي تخصصه حاسب الي يكون في المرور فابغى اعرف التخصص المطلوب في الشرطه وهل يوجد تخصص اذا خلصت الجامعه ادخل الكليه الامنيه واتخرج على طول ملازم اول في قطاع الشرطه والسلام مسك الختام

وعليكم السلام ورحمة الله وبركاته
اخوي انت اول شي كمل دراسة بالجامعة واذا تخرجت فكر بالكلية الامنية غير كذا لاتعب حالك وتفكر ومن هنا لين تخلص من الجامعه ممكن تغير رايك

وعليكم السلام ورحمه الله وبركاته

خلي أخر أمالك الكلية ياغالي شد حيلك بالجامعة وجيب درجات حلوه وبإذن الله مقبول فيها

وتقبل جميع التخصصات

أهم شيء المعدل

بالتوفيق

يعطيكم العافيه اخواني بس الى الان ماحصلت الاجابه على سوالي ارجوا من الاخوان الي عندهم الاجابه على سوالي مايبخلوا علينا في انتظار اجاباتكم

[align=center]يـسعد مسـائك

يا أخوي محد يقدر يعطيك تخصص تطلبه الكلية بكثرة (مستــحيل )

لأن التخصصات اللي تطلبها الكلية تختلف

قبل العام دخلوا عدد كبير حاسب واللي قبله شريعة ..والخ

أنا عندي أخوي خريج كلية الشريعة في آم القرى (انقبل)

واخوي هـندسة ممتاز جامعة الملك عبدالعزيز ولا قبلوه الأمنية !!!

كل سنة طالبين عدد من التخصصات

أنت اختار التخصص اللي تحبه وراح تجيب فيه معدل

لو واحد قال لك مثلاً : فيزياء مطلوب راح تدخله وانت ماتحبه ولا شاطر فيه بس تبيه عشان الأمنية
وهذا شيء خطأ راح تتخرج بمعدل لا يؤهلك للأمنية وممكن عندك الكشف الطبي والمقابلة ماتجتاز فيها


لكن إذا دخلت تخصص متفوق فيه يتيح لك فرص وظيفية كثير

القطاع الخاص والحكومـي وكلية الضـباط والشركات الكبرى ..ألخ





///

شوف قصتي أنا تخرجت من الثـانوي العام وسوينا تجمع هنا بالمنتدى

والحمدلله انقبلت في القبول المبدئي بكلية الملك خالد العسكرية

وكنت للأسف ضامن الدخول كل شيء تمام المقابلة والكشف الطبي مانقصت ولا درجة وسحبت على الجامعة

واخر الشهر انكرشت وراح علي تسجيل الجامعة ولا قبلوني الفصل الثاني



والآن ندور جـندي سلـتوح

فعشان كذا لا تحط أمالك فيها

ادرس وأدخل التخصص اللي تبيه والسهل عليك وأجتهد وبعد التخرج فكر في الأمنية


والله يوفقك يـارب

[/align]

اتوقع راح يبطلون قبول ثنوية عامة في سنوات القدامة

ويقبلون كلية التقنية و كليات المجتمع الى حاصلين شهادة جامعية متوسطة

و خريجين جامعات

اعرف واحد ملازم اول تخصصه كان لغه عربيه

يالغالي في الغالب التخصص ماله دخل في التعيين بالقطاع (أعرف واحد شريعه حطوه في المخدرات و واحد ادارة أعمال حطوه في المباحث)
أهم شي القبول بالكلية لأنه فيه عقبات تواجهك القبول المبدئي فيه اشخاص معدلاتهم 4 ولا أنقبلو مبدئي
وموجودين هنا في المنتدى بعدها الطول والوزن بعدها تدقيق الشهايد طبعا على حسب تخصصك وعلى حسب درجتك في القدرات ودرجتك في تخصصك بعدها إذا عديت هاذي المقابله 1 بعدها فحص الطبي بعدها مقابلة2 بعدها اختبار لياقة بعدها الفرز النهائي
يعني لاتفكر بالتخصص فكر بالقبول الاول كل هاذي عقبات وفي كل عقبة ينقص عدد المتقدمين
ينقبل مبدئي 6 الاف ولا يبقى وينقبل نهائي الا 1200 أو 1300

أتمنى لك التوفيق بحياتك