نتائج وظائف وزارة الإعلام بعد اسبوعين

عاطل الدلم · #**1001** (**permalink**) 15-03-2009, 06:12 PM

مساء الخير
لا جديد ...
الاشاعات
فقط
الله يوفق الجميع

عاطل ورافع راسي · #**1002** (**permalink**) 15-03-2009, 07:06 PM

أستغفر الله العلي العظيم

عنيد الجرح · #**1003** (**permalink**) 15-03-2009, 11:40 PM

يا شباب مافيه خبـــــر عن وظيفة مراقب مطبوعات

ما ادري زادوا عدد الوظائف والله كيف ..؟؟

صبري تعب · #**1004** (**permalink**) 16-03-2009, 12:13 AM

والله شكل هذي الوظايف ماهي نازله للإسبوع ذا ولا اللي بعده ولا بعد شهرين . ياناس أنا مقدم على دبلوم مدة سنه كامله وقربت أخلصه والأخوان اللي بالوزاره نايمين بالعسل لا والموظفين بالوزاره يرفعون الظغط اول مايرد ع التليفون وتجيبله طاري الوظائف حولك على طول على واحد مايرد ولا قال الإسبوع الجاي والله من قبل 3 اشهر وهم كل ما كلمتهم قالوا الإسبوع القادم والله حتى اني مره مكلمهم قال واحد فيهم اليوم ع انموقع . والله ماهم دارين الله وين موديهم . علشان كذا انا اقول لاتعلقوا آمالكم على هالوظائف وافقدوا الأمل فيها مثل مافقدته .
صبر جميل والله المستعان

المحب الكبير · #**1005** (**permalink**) 16-03-2009, 12:48 AM

الله يكون بالعون

الإكسيررر · #**1006** (**permalink**) 16-03-2009, 01:08 AM

يامراقب مطبوعات

تكتب هكذا( ولا كيف ) وليس (والله كيف)

المشكلة اثنين كاتبين نفس الشي !!

صن شاين · #**1007** (**permalink**) 16-03-2009, 01:18 AM

اليوم أتصل علي أخوي من الرياض من هاتف ثابت وغير صوته وقال لي الأخ ........ قلت له نعم قال معاك عبد الله الطلحة من وزارة الثقافة والإعلام (يوم سمعت طاري الطلحة بغى يغمى علي) قلت هلا والله أستاذ عبد الله ، قال: مبروك أخوي أنت من ضمن المرشحين لوظيفة مراقب مطبوعات تعال لنا الأسبوع القادم كمل لنا إجراءات ترشيحك : قلت أنا من شدة الفرحة الحين أركب طيارة واجيكم ، قال لي جيب معاك كرت العائلة حق أبوك ، وجيب لنا صورة شخصية لأمك 4 في 6, صراحة يوم قالها حسيت إن الشغلة فيها إن ، قلت طيب وش تبغى بصورة أمي ، قال : لازم تجيبها علشان تتوظف ولا مالك نصيب عندنا . ( عرفت إن الموضوع فيه لعب) بدأ أخوي يضحك ويحاول يمسك نفسه , قال لي . بعد ما تمالك نفسه وجيب صورة شخصية لشيبة عرعر وبعدين جلس يضحك ههههههههههههههههههههههههههههههههههههه
وقال : مشيتها عليك يالدلخ أخس يالخبل . يعني لو خذت الموضوع بجد كان الحين أنت في الرياض , أنتبه وأنا أخوك لا يلعبون عليك الرجاجيل.(وقفل السماعة)
يالله والله ياشباب بغيت أبكي من شدة القهر وخصوصاً يوم قال معاك عبد الله الطلحة

( صورة مع بصلة لوزير الثقافة والإعلام للحال الذي وصلنا إليه)

عنيد الجرح · #**1008** (**permalink**) 16-03-2009, 02:01 AM

اقتباس:

المشاركة الأصلية كتبت بواسطة الإكسيررر

يامراقب مطبوعات

تكتب هكذا( ولا كيف ) وليس (والله كيف)

المشكلة اثنين كاتبين نفس الشي !!

طيب وين المشكلة ..

باحث عن الترسيم · #**1009** (**permalink**) 16-03-2009, 02:35 AM

اقتباس:

المشاركة الأصلية كتبت بواسطة الرجل الحر

هلا والله بخوي تاز مان
الله يسمع منك ومن دعوتك الحلوة مثلك , والخير إن شاء الله جاي .

أخوي مستكن صدقني كلامي في محله إن شاء الله وأتمنى من العلي القدير التوفيق لي ولك ولجميع من في المنتدى .
وتقوم إن شاء الله بالسلامة من العملية , وعطنا أخبارك حتى نتطمن عليك , وعلى فكرة ركبتك حافظ عليها وإبتعد عن اللي بالي بالك ترى وراك جواز بكرة إنتبه .

اخي العزيز : الإكسيررر
تحية طيبة
أول حاجة أدعيلك من كل قلبي إنك تتوظف وظيفة حكومية وما تنحد على بند الأجور .

من ناحية رواتب بند الأجور وهي كالتالي :
بند ( أ ) شهادة إبتدائية والراتب مابين 1400 إلى 1700 وعمله سائق .
بند ( ب ) شهادة متوسطة وثانوية والراتب مابين 1800 إلى 2800 وعمله مراسل أو سكرتير .
بند ( ج ) شهادة جامعية والراتب مابين 3000 إلى 3500 وعمله مريح شوي .
بند (ج ) شهادة جامعية قسم هندسة والراتب مابين 3500 إلى 4100 ويتشرط عليهم بعد .

أما من ناحية التقديم فهو والله العظيم جدا جدا جدا سهل إذا كان لك معرفة بعد الله سبحانه وتعالى في اي وزارة تخلص أوراقك في يوم واحد وتباشر في نفس اليوم لأن التقديم من رئيس القسم يأخذ أوراقك ويختم عليها ويعطيك ورقة للكشف الطبي وورقة للبنك تفتح حساب وورقة للأحوال المدنية تحول مهنتك من متسبب إلى موظف , وبعدها تعطيه الأوراق ويقولك إستلم عملك في المكان الفلاني .

وعلى فكرة وظائف بند الأجور لا تروح لا وزارة مدنية ولا لأي مكان , بل في نفس المكان اللي أنت مقدم عليه .

الطلبات كالتالي :
1) شهادتك .
2) السجل الأكاديمي إذا كنت جامعي .
3) حسن سيرة وسلوك .
4) صورة من بطاقة الأحوال .

وأي إستفسار أنا حاضر لجل عيونكم ياطيبين .

هههههههههههههههههههههههههههههههههههههههههههههههههه ههههههههه

شر البلية مايضحك

تكفى يامدير شئون الموظفين وظفني على بند الاجور انت يالواااااااصل

هههههههههههههههههههههههههههههههههههههههههههههههههه ههههههههه

باحث عن الترسيم · #**1010** (**permalink**) 16-03-2009, 02:51 AM

اقتباس:

المشاركة الأصلية كتبت بواسطة الرجل الحر

إلى الأخ الغالي باحث عن الترسيم
إذا تسمح لي بعد إذنك يعني ياغالي أبي أشرح كل كلمة من كلامك أوكيه , نبدأ بإسم الله وحفظه :

هلا والله

هلا بك اخوي العزيز الرجل الحر وانا مثلك ابي اعلمك قدر نفسك عشان ماتغتر كثير اوكي مع احترامي لك

أبشرك معين من الله خير وإسمي إن شاء الله يبي يطلع وقالولي بعد إذا باشرت في عملك ترفع شهادتك الماجستير للوزارة ويعادلونها لك وتأخذ المرتبة الثامنة ( كش في عينك ياحسود ) .

الله يرزقك انشاء الله ،والله يحسد من حسدك لكن ابي اقولك شي ان الغرور يدمر صاحبه وانت اغتريت زياده مع ان كل كلمه قلتها نصب في نصب

أول حاجة يشرفني أن أكون مثل أي واحد في هذه البوابة وجميعهم على العين والراس , ولكن ياغالي system الوزارة أو عفوا ابي أكلمك بالعربي يمكن فهمك على قدك نظام الوزارة يمنع أي موظف وعلى قولتك في شؤون الموظفين إنه يبيح بأي شئ يخص الوظائف للمتصلين ولكن إذا كنت زميل عمل يعطونك عيونهم بعد .
وشغلة يوم تقول إنك مو من الوزارة أنا متأكد إنك مو من الوزارة لأن موظفين الوزارة لبقين ومثقفين وفهمهم ليس بمحدود مع إحترامي الشديد لك .

لا بالنسبه لأجابتك هذي ابي اكون معك صادق الحين انا موظف في الوزاره واداوم فيها بالرياض وبالتحديد في الإذاعه عشان تكون مرتاح لكن انا ما احب اكون مثلك انقل اخبار غير صحيحه بالمعنى الصريح نصب وكذب ودجل ... لأن اللي متابعين الموضوع كلهم محتاجين وكذبك عليهم خله حيرتهم تزداد يوم عن يوم .
اما بالنسبه لثقافتي فأنا احب اتفاهم مع اللي مثلك باللهجه العاديه عشان تفهم علي صح مع احترامي الشديد لك عزيزي الرجل الحر .

أساسا ياغالي عبدالله الطلحة مقفل جواله فكيف إتصلت عليه , الظاهر إن أحلامك كثيرة ما أبي اقول عليك كذاااااااااب .
وبعدين يا اخي الكريم ما أحد ضربك على يدك وقال إسمع كلامي وإشاعاتي أنا حر وإسمي الرجل الحر أكذب اطلع إشاعة شئ ما يخصك عجيب والله .

اول شي ابي اقولك ان ما اتصل على الأخ عبدالله الطلحه ولا عمري كلمته انا اجيه في مكتبه في الوزاره تبي تعرف مكتبه وين يكون أنا اقولك مكتبه هو اول مكتب على يسار مكتب مدير شئون الموظفين

بالعكس ياغالي فيه أحد يزعل من أخوه الصغير .

مع احترامي لك الشديد انا ما اتشرف اكون اخ صغير لك طبعا بتقول ليه انا اقولك لان الأخ الاكبر يكون صادق في كل شي مع اخوانه لكن انت بصراحه ومع احترامي الشديد لك ماصدقت ولا في كلمه

ولك أيضا مني أجمل تحبة ياقلبي , وأتمنى أن تكون من المقبولين حتى تتعلم مننا أو بالأصح من وزارة الاعلام حسن التخاطب مع الاّخرين .
مع تمنياتي للجميع بكل توفيق .

امنيتي ايضا للجميع بالتوفيق اما بالنسبه إني اتعلم اعتقد انك انت اللي تبي تتعلم الصدق لأنه بصراحه اي شخص في الأعلام لازم يكون صادق مع ان اكثر الاعلامين غير صادقين فيما يقولون .

شكرا لك الرجل ( الحر ...!!!)

اتمنى انك مره ثانية ماتزعل واتمنى يتقفل الموضوع هذا لأنه بصراحه يمكن يجيب لأحد المقدمين والمشاركين والمتابعين للوظائف عن طريق المنتدى امراض مستعصيه جدا

تحيتي

نتائج وظائف وزارة الإعلام بعد اسبوعين

إستفسارات ونتائج وظائف القطاع الخاص

أفيدكم علماً بإنني أحد المتقدمين إلى وظائف وزارة الإعلام , وكما تعلمون إنهم أخبرونا ان إعلان النتائج سيكون في نهاية شهر 6 وهاهو الشهر مضى دون أن تظهر...

نتائج وظائف وزارة الإعلام بعد اسبوعين

تسجيل الدخول

نتائج وظائف وزارة الإعلام بعد اسبوعين

إستفسارات ونتائج وظائف القطاع الخاص

أفيدكم علماً بإنني أحد المتقدمين إلى وظائف وزارة الإعلام , وكما تعلمون إنهم أخبرونا ان إعلان النتائج سيكون في نهاية شهر 6 وهاهو الشهر مضى دون أن تظهر...

نتائج وظائف وزارة الإعلام بعد اسبوعين