تسجيل الدخول
|
|||||||
تأسس الموقع عام
2006
Site was established in 2006
|
|||||||
| السيره الذاتية وطلبات التوظيف نأمل من الفتيات عدم نشر إيميلاتهم |
| أضف رد |
|
|
LinkBack | أدوات الموضوع | انواع عرض الموضوع |
06-07-2008, 11:10 AM
|
||||
|
||||
|
ببساطة....كل ما تريد معرفته عن ال Cv
السلام عليكم ورحمة الله وبركاته الاخوة والاخوات اعضاء المنتدى الكرام نظرا للنقص الشديد في معلومات اغلبنا عن ال C V وعن طريقة كتابتها وكمان انواعها والاخطاء المعتادة فيها وكمان الاشياء التي يجب الحذر منها ......الخ فانا قررت اني اعمل موضوع شامل-ان شاء الله - عن كل ما يتعلق بال C V وده بيعتمد على العلم والخبرة والتجارب وان شاء الله هقسم الموضوع حسب نوع ال C V اذا كانت لشغل او لتدريب بانواعهم المختلفة - يعني ايه C.V. ؟ -- هيا اختصار لكلمة Curriculum Vitae ومعناها السيرة الذاتية - هل في معنى تاني لليرة الذاتية ؟ --في كلمة Resume - ايه الفرق ما بينهم ؟ -- هما بيقولوا ان ال Resume معناها Updated C.V وانا شايف ان بكده مفيش فرق قوي لان ال C.V لازم تبقى على طول Updated بس كان لازم اقول كلمة Resume لان في اعلانات بيبقى مكتوب فيها Send your Resume وعلشان مفيش حد يتلخبط كده دي معناها دلوقتي بس هنقول النقاط الاساسية لل C.V وبعدين نتكلم عن كل حاجة بالتفصيل 1 - Personal Data 2 - Career Objective 3 - Educational Achievements 4 - Curriculum Activities او Activities 5 - Computer Skills 6 - Proffisional Cources 7 - Training Experince او Work Experiance 8 - Languge Skills 9 - Refrence دي كده النقط الاساسية ناخدهم كل واحدة بالتفصيل اول حاجة هيا 1 - Personal data ودي البيانات الشخصية كلها وبتشمل **** (بيكون مكتوب بخط كبير وواضح) Address Telephone : Home Mobile Date of birth or Age Marital status (الحالة الاجتماعية اعزب متزوج) Gender (النوع) male or female Military service (للشباب فقط) الخدمة العسكرية Driving License (رخصة القيادة) دي كده كل البيانات الشخصية اللي ممكن تتكتب ما اعتقدش ان في حاجة ناقصة تاني حاجة هيا 2 - Career Objective او Training Objective على حسب انت بتقدم ال CV ليه لو خلصت وعايز تقدمها لشغل يبقى طبعا تكتب Career اما لو لسة طالب يبقى وعايز تدريب يبقى تكتب Training ودي بقى بتكتبها كمان على حسب التدريب او الشغل يعني مثلا عايز تتدرب في الدعاية بتكتب مثلا Seeking training as medical Rep او مثلا عايز تقدمها في مصنع sekking training in Quality control or production يعني هيا ما لهاش صيغة ثابته انت بتغير فيها حسب انت بتقدمها لايه كده خلصنا النقطة التانية النقطة التالتة وهيا 3 - Educational Achievements ودي طبعا مش محتاجة توضيح بس انت المفروض بتكتب اخر حاجة حصلت عليها يعني اخدت بكالوريوس صيدلة او لسة طالب في الكلية وبيقال انه مش بيفضل انك تكتب التعليم الثانوي والاعداي والكلام ده اغلب الناس بتفضل اخر حاجة انت فيها بس بتكتب بالتفصيل يعني مثلا student in the 3rd year-faculty of Phar***y- Cairo Uni او لو متخرج بتكتب سنة التخرج والتقدير ولو ليك ترتيب يبقى خير وبركة كده خلصنا النقطة التانية ودلوقتي هنتكلم عن حاجة تانية غير النقاط الاساسية(هنرجعلهم تاني) وهيا موضوع الصورة في ال CV وهيا ان موضوع الصورة ليه طريقتين المدرسة الامريكية : ودي بتمنع وضع صورة في ال CV وده مش بنتعامل بيه في مصر المدرسة الاوروبية : ودي بتأكد على وضع صورة في ال CV وده اللي بنتعامل بيه في مصر ودول الخليج يبقى كده بقى من الواجب اننا نوضع صورة حديثة في ال CV وفي اوقات اعلانات بتكتب send your CV with Recent Photo يبقى احنا كده ماشيين صح نيجي بقى للنقطة الرابعة وهيا 4 - Curriculum Activities او Activities ودي واضحة الى حد كبير وبكتب فيها الانشطة اللي مشارك فيها وليها فايدة وليها علاقة بالشغل او التدريب يعني مثلا انا كنت في فريق promotion اللي في ايجي فارمازون طبعا دي تفيد لو مثلا مقدم لشغلانة في الدعاية ممكن مثلا اكتب اني مسئول التدريب او الموارد البشرية او المؤتمرات في اسرة معينة او مشروع معين في الكلية او خارجها وبيفضل اني اختار الحاجة المفيدة من وجهة نظري للشغل زي الدعاية او التدريب لانه بيعطي فكرة لصاحب الشغل اني على دراية ولو كانت محدودة بمجال معين ممكن يفيدني في شغلي وبرضه يا جماعة دي مالهاش صيغة ثابتة دي بتفرق من شخص لاخر ومن نشاط لاخر ومن شغل لاخر تمام كده النقطة الخامسة وهي Computer Skills دي بقى نقطة عامة جدا ومهمة جدا في اساسيات معينة لازم تبقى موجودة-اساسيات- اول حاجة طبعا انه بيجيد التعامل مع الكومبيوتر عامة Windows تاني حاجة واهم حاجة حاليا هي انه بيجيد او على الاقل بيعرف يستخدم الاوفيس (Office) واهم تطبيقاته هي ال 1 - word وده مهم طبعا حتى لكتابتك ال CV بتاعتك 2 - Power point وده مهم علشان لو اشتغلت في شركة وطلبوا منك تعمل Persentation يبقى لازم تعملها عن طريق ال power point مش هتخلي حد يعملهالك 3 - Excel وده بقى مطلوب جدا دلوقتي خاصة ان تقارير اي مبيعات بتبقى عن طريق Excel sheet مفيش حد دلوقتي بيكتب بايديه حتى الصيدليات ثالثا هو استخدام الانترنت Internet وده بقى مفيش فيه مشكلة حاليا وبرضه مطلوب علشان لو طلبوا منك بحث معين تعرف ازاي تجيبه دول كده اهم حاجات بتبقى مكتوبة في ال CV بس طبعا في ناس بتبقى واخدة كورسات تانية في برامج تصميم او برمجة ودي بتفرق اكيد لو مقدم لشغل في مجال الكومبيوتر او ال IT بس بفضل يا جماعة انك ما تكتبش حاجة مش مفيدة للشغل او التدريب كده خلصنا النقطة دي دلوقتي وصلنا للنقطة السادسة Proffisional Cources ودي اصبحت فيصل بين الاشخاص حاليا لو متساويين في حاجات كتير لان في شركات بتحب تاخد واحد جاهز او عنده خبرة في المجال اللي مطلوب مثلا واحد هيشتغل في الدعاية عايز مثلا كورسات في ال Selling Skills وكمان ال Communication skills على الاقل بتفرق في ال Interview في المصطلحات العامة لمجال الشغل وكتابة الكورسات ليه طريقتين اما الكتابة بالاحدث فالاقدم او الاهم فالمهم والافضل هيا كتابة الاهم فالمهم اني اكتب اولا الكورسات اللي ليها علاقة بالمجال اللي مقدم ليه او ابدأ بالكورسات الكبيرة اللي ليها اسم كبير يعني مثلا دبلومة من AUC او من Training center كبير وليه اسم علشان دي بتلفت النظر جدا وكمان بكتب اسم الكورس بس( من غير تفاصيل ) والمكان اللي اخدته منه وبلاش البهرجة في الكورسات يعني مثلا مش احط اللوجو بتاع الكورس او مكان الكورس حتى لو ميكروسوفت لانه بيدي انطباع مش كويس يبقى احنا قولنا الترتيب حسب الولوية واكتبهم ازاي دلوقتي يا جماعة هنتكلم على هيئة ال CV يعني الشكل العام واستخدام الالوان اولا بالنسبة للنسخة ال Soft copy ودي اللي بتبقى محفوظة على الجهاز ودي اللي بتتبعت في Mails بتبقى اما ملف ورد (word) او على هيئة pdf بس الاسهل طبعا الورد انا السخة الHard copy يفضل تبقى الوان وممكن طبعا ابيض واسود لانها لما بتتبعت فاكس بتظهر ابيض واسود بس لو اتقدمت يدا بيدا او اتبعتت في جواب يبقى افضل لو الوان بالنسبة لالوان الكتابة في ال CV بتبقى اسود او كحلي او ازرق بس طبعا ما ينفعش فيها اي الوان تانية او الرمادي علشان بيتعب العين كمان يفضل تبقى ليها برواز (Frame) بس يبقى عادي من غير بهرجة دلوقتي نرجع تاني للنقط الاساسية والنقطة السابعة Training or Work Experince انا بكتب اما work or training طبعا على حسب الشغل لو لسة طالب او حديث التخرج بكتب Training اما لو شغال قبل كده بكتب Work وهنا برضه ليها ترتيبين اما حسب الاهم فالمهم او حسب الاحدث فالاقدم بس هنا الافضل هو الاحدث فالاقدم (عكس الكورسات ) وبيتكتب مكان ال Training ومدته ونوع ال Training مثلا June to July 2007 training as YYYY in XXXX company كده كتبت المدة ونوع التدريب ومكان التدريب الهوايات في ناس بتقول ان الهوايات اللي بتتكتب في ال CV بتفتح مجال للكلام في ال Interview يعني ممكن من خلالها الInterviewer يقدر يعرف هل الشخص ده ليه اهتمامات تانية ليه ثقافات معينة ودي بتفرق في النظرة العامة للشخص ال Personality وعلى فكرة ده السائد وفعلا اكيد هنلاقي ناس تانية بتقول ايه اللي هيفرق معايا لما اعرف هواياتك ؟؟؟ بس بصراحة دي بتبقى من ناس مش محترفة في تقييم ال CV او في ال Interview لان برضه تقييم ال CV والInterview ليه قواعد معينة وليه كورسات بتتأخد عامة يفضل انك تكتب هواياتك بس الهوايات اللي ممكن ترفع منك زي القراءة -ممارسة الرياضة-الرسم ..... يارب الجميع يستفاد من الموضوع
|
|
17-07-2008, 03:10 AM
|
||||
|
||||
|
و عليكم السلام و رحمة الله و بركاته يعطيك العافية
|
|
20-07-2008, 02:12 PM
|
||||
|
||||
|
سلمت يداك يالغالي
|
|
21-07-2008, 05:41 AM
|
||||
|
||||
|
يعطيك الف عافيه
|
| أضف رد |
|
(( لا تنسى ذكر الله )) |
|
|
|
|
العرض العادي
