يالطيف...يابنات لاتدعون على مسلم...ماراح تستفيدون شي..يروح ويجي العن منه
ادعوله ربي يهديه للحق ...

اسأل الله يولي وزارة التربيه من يقوم بها خير قيام ويكون قد حمل الامانه ويأخذ بيد الخريجين والخريجات لكل خير ومنفعة البلاد والعباد ويكفينا شر الفاسدين والغير مؤهلين اصحاب القرارات العمياء التي لا ترى الا نفسها فقط

حسبنا الله ونعم الوكيل

ربي اني مسني الضر فانت ارحم الراحمين

حسبنا الله ونعم الوكيل

كل يوووم ادخل المنتدى ادور اخبار زينه
تحطيم وسد نفوس
صدق ماعندهم عقول تخيلو دوله نص شعبها تعليمهم متوسط ولا ثانوي ولا عندهم ثقافه بنرجع للجاهليه
ما بيدخلون الجامعات عشان ما يطالبونهم بوظايف يبونا نشتغل خياطات ومكانيكيه
اخر حل توصلو له ماتدخلووون الجامعه
هههههههههههههههه

بالعكس قرار يابنات راح يخدمنا
اختي معلمة لها ست سنوات تقول عندهن معلمات كبيرات بالسن بس ماخلصو ال30 سنه باقيلهم كم سنه وباين انهم مره تعبانات مايقدرو يطلعون الادوار العلوويه والان فصول اولى بالدور الارضي وهم اللي يدرسو ها ومستحيل يعطونهم فصول بالادوار اللي فوق اغلبهن مايقدر يطلع درجان
وعجبهم القرار ذا ان خمس سنوات اللي فاضله تتقاسمها مع معلمة تعاقد وبعد خمس سنوات يرجع راتبها كامل حتى المعلمات يقولو ياريت يطلع الكلام صحيح ان طلع صحيح بيقدمو تقاعد بشهر محرم

وترا الكبيرات بالسنه يبون الراتب كامل عليهن اصرار عجيب رغم تعبهن
اختي تقول عندهم مدرسه والله تحزن تقول نحاول نقنعها تتقاعد مو راضيه رغم تعبها الشديد تقول اختي ياريت يطلع صح المعلمه هاذي تكسر الخاطر كله عشان يجيها 20 الف
وبالنسبه للي تسأل كم تاخذ المتعاقد اذا كان راتب المعلمة الاساسيه اللي تبغى تتقاعد 20 الف
انا اتوقع مايقل عن 7000 هذا كلام اختي لي
ويارب يستعجلو عشان نتقاعد ونسلي نفسنا على مايجي التعيين

المشكلة ف القوانين الوضعية لش ما تتغير حاطين خدمة المعلمة30 سنة المفروض 20سنة مثل باقي القطاعات المشكلة نسوا ان بعد 20سنة راح يطلع جيل جديد يخدم نفسه ووطنه ما يفكروا الا بمصالحهم وخوفهم على الكرسي والراتب ......

حجة الميزانيه تروح لرواتب الموظفين و طلعوا بقرار التقاعد احنا مابنرفضه لانه ظاهره الرحمه والمصلحه وحسن التقسين والتدبير وغيره

الوزاره جالسه تصرف بدلات توصل ل300 الف في يوم واحد لواحد مايستاهل ولاسوا سي ولا انتج شيء وتةقع علبها الوزاره وشله معه توصل بدلاتهم خارج الدوتم الى مئات الالاف وبحسبونها من ميزانية الرواتب ويضحكون على الناس ان الرواتب اخذت حيز في الميزانيه
هذا من غير الرواتب الوهمبه اللي يصرفونها بأسماء متعينات وتبلعها ادارات التعليم

كل هذي الامور طفحت عالسطح وتخلي الواحد من جد يكره اقتراحاتهم اللي تظهر خرصهم للمصلحه وغيره

اما ان التعليم العالي يضبط نفسه هذي نكتة الموسم

وياخوفي يكمل التعليم العالي النكته ويقول تم !

وقسم تحطيم وتكسير مجاديف على اصوله
حتى اللي ودها تحقق حلم طفولتها مايمديها توصله
الا وقد شيب راسها وقد معها عوال .. الله يهبها في وجهه في هذا اليوم

طيب والحل

كانه يصرف من راتبه موراتب الدوله حسسسد مايبغى احد يدخل الجامعه حسبي الله ونعم الوكيل

هذا التصريح قديم من عام 1432 في جريده عاجل بلاش يابنات التكلم عن موضوع قديم لان هذا التصريح وجد معارضه شديده لانه غير منصف باستثناء التقاعد المبكر وتوظيف معلمه جديده بمميزات الراتب المعتاد عليه