السلام عليكم


انا جاني عرض ارامكو و بغيت اعرف نظام الاجازات كيف؟

ابغي اعرف الاجازة السنويه كم؟
الاجازة العرضية؟
اجازة الاعياد؟
اجازة الامومة ؟
ساعة الرضاعة؟

عدد ساعات العمل ؟
نظام شفتات او صباح ؟
كم مقدار بدل النقل ؟

علما باني جاء تعييني بالظهران وانا ساكنه بالاحساء
وعطوني قريد 9 وانا متوقعه 11 بما اني بكالوريوس وخبرة عمل 6 اشهر بوزارة الصحة

وتعيينت بقسم الخدمات الطبية المساندة واسم البوزيشن ديتاري اسسنت 2
بغيت اعرف شنو المهام الوظيفية لها ؟

عذرا على الاطالة
استخرت وقلت اخذ رايكم

واي معلومة لو بسيطة بتفيدني لاني ماعندي خلفية ابدا عنهم

وشكرا

وعليكم السلام

الف مبرؤؤك

حسب معلوماتي البسيطة انه صاحب البكالوريوس يتعين على قريد 11 لكن قريد 9 حلوة وماتتفوت وفيه واحد برضه تعين على قريد 9 وهو جامعي وغيره

الراتب الاساسي بس غير البدلات لقريد 9 هو 8,940 هذا الراتب الاساسي في عام 2012 لكن اللحين زادوهم ماشاء الله

بالنسبة للاجازات ماعندي علم فيها

طبعا الشفتات مميزاتها انك تاخذ بدل شفت 10% وغير الاوفر تايم .. ونظامه اعتقد تدوام 7 ايام في النهار واجازة 3 ايام و7 ايام ليل واجازة 4 ايام والله اعلم

عموما ارامكو ماتتفوت الله يوفقك
ادعيلي يقبللوني لي شهرين مسوي فحص تدرج وظيفي ماردوا علي الله يسهل الامور

الله يوفقك يارب كرر مقولة القديمة اذا جيت تقدم على الوظايف (على بابك ولا خاب طلابك يارب)..

بالنهاية كلها ارزاق مقسمة ..

الحمد لله على كل حال سواء قريد 9 او 11 هذا نصيب

لعل ان تكرهوا شيئا وهو خير لكم ..

للعلم الراتب 8000 صافي بدون زيادة

واذا كانو ماكلين حقي الله لايبيحهم

ألف مبروك ... بالنسبه للي يقول زادو الرواتب .. هالكلام غير صحيح .. سلم الرواتب هو نفسه من 2010 ما تغير .. اللي زادوهم فقط هم طلاب الاي تي سي .. وزياده ألف ريال فقط .. يعني بدال ما كان يستلم 6 الاف صارت 7 الاف

البكالوريس .. المفروض يتعين على قريد 11 .. وهالقريد معناته تعيشين بعز .. لان اللي تحت قريد 11 عايشين بعنصريه من كل النواحي بدل السكن والمميزات الثانيه(سياره-مدارس خاصه-اجازات طويله-كورسات خارج المملكه) كلها موفره لـ11 وفوق

عالعموم داومك راح يكون صباحي فقط .. وما عندك الا راتب اساسي- بدل نقل 10% من الراتب الاساسي .. بدل سكن(ثلاث رواتب نهايه السنه) -راتب دبل برمضان-راتب دبل بونص بشهر 7 ميلادي

وبالنسبه للاجازات .. لك 22 يوم بالسنه ... و10 ايام بعيد الحج والفطر لكل الموظفين اللي يداومون بأنتظام(صباحي)


اجازات الامومه والحمل .. اتوقع يحسبونها لك اجازات مرضيه(من المستشفى)


أنا قريد 8 .. وينفع نتوسط منك أذ نبي ننقل لمستشفى هههههههه