استهدوا بالله يابنات وطولوا بالكم .. وإن غداً لناظره قريب ..إن شاءالله نتوظف أملنا بالله كبير.

ولسه كمان ننتظر الى 15 محرم
والله ياجماعة الخير الأنتظار صعب

لا وزارة العمل قبلتني ولا الاحوال المدنية
ولا الجامعات وحتى الكليات بالقرى ماقبلتني
والخدمه المدنيه ماعطتني وجه

ااااخرررر امل لي هو ديوان المظالم

مع العلم ان عندي خبرة ومعي شهادة ماجستير
واخرتها صرت اقدم بالبكالوريوس
حسبي الله ونعم الوكيل

الله يفتحها علينا من واسع فضله
طيب وش 4 الاسماء النازله يالبت تنزلونها هنا نشوفها

ياميسر الامور يسر امورنااااااا

وش الاسماء الي نزلت ووين نزلت

كل تأخيرة وفيها خيرة
ياااااااااارب يريح قلوبنا ويرزقنا عاجلا ليس اجل
فعلا الانتظار صعب لكن الامل بالله كبير

بنات لو سمحتوا بطلوا افلام وتأليف
كم وحده من كلمتك ماراح تنام ولا راح تاكل وبينشغل بالها
وبرضو اتركوا عنكم الحلطمه
بتدعين وتتحسبين روحي افرشي سجادتك مو لازم علني ندري هنا وكلكم ضحايا ومساكين والواسطات لعبت فينا!!!!
شوية ايجابيه ارجوكم وين التفاؤل يامسلمات؟
وين حسن الظن بالله؟
يختي حتى لو مانقبلتي تراها وظيفه مو الجنه والا النار
وتأكدي انها خيره وربي بيختار لك الاحسن يمكن هالمكان مايناسبك
يمكن لو جلستي فيه ماترتاحين

لاحظوا كل هذا واحنا لسى مانعرف النتيجه ماتدرين انتي انقبلتي او لا
يمكن قاعدين يزخرفون اسمك الخدمه المدنيه وانتي هنا تتحسبين
لاتستعجلون على رزقكم

وزارة العمل قدمنا قبل ديوان المظالم
وانتظرنا وقت طويل لين جاء وقت الاختبار
وانتظرنا نعرف نتيجة الاختبار
والحين منتظرين المقابله
وبننتظر النتيجه

والحمدلله عايشين حياتنا ولا جلسنا نتحلطم ياربيه انا ضحيه الواسطه بتاخذ مكاني


وسعوا صدوركم الله يعافيكم واللي بترد تقول شيء يفيدنا والا الله يعافيها تسكت لاتزيد التوتر اكثر

خذوا ورده عشان محد يزعل