السلام عليكم ورحمة الله وبركاته
اختي تخرجت من الثانوي وهي محتاره بين الانجليزي والحاسب بخصوص
-ايهما مطلوب اكثر ولها وظائف اكثر؟!
اتمنى منكم الاجابه
وشكرا لكم

وعليكم السلام والرحمة

اولا : الف مبروك لها التخرج .

ثانيا : بالنسبة للتخصص تدخل التخصص الي تفضله وتحس نفسها تقدر تبدع فيه .

كلا التخصصين فيها صعوبه ،، ومن ناحيه التوظيف الوظائف ارزاق وكل شخص مكتوب رزقه ،،

فماتقدر تحكم الحين ع التوظيف بعد مدة خمس سنوات تتخرج تتغير الاحوال .

واذا تفكر بالوظائف التعليمية الحاااسب حصصه قليله ومناهج سهله لكن متعب لان المعامل ماتكون ع الوجه المطلوب .

وممكن على السنوات الجايه يدخلو الحاسب ع الابتدائي .. الله اعلم .

والانجليزي كمان حلو وتستفيد وتطور من لغتها وخصوصا اذا كانت تحب الانجليزي .

مافي اي شخص يقدر يقول لها هذا افضل من هذا ،،

الافضل استخاااره والي ربي ييسر لها دخوله تدخله ولا تفكر بالمستقبل حاليا .

(( دوام الحال من المحال ))

محدثتك تخصص حاسب .

من ناحية التوظيف اشوف الحاسب افصل تخصصي لغة انجليزية وتعينت بعد 3 سنوات ومعي بنات بعد سنه من التخرج اتعينو ماشاء الله

ما أزيد على كلام الأخت ( إسطورة ديزاين )

الإنجليزي و الحاسب من التخصصات الصعبة و اللي تحتاج مداومة في المذاكرة
و الـ2 لهما مستقبل ان شاء الله

ومن هنا إلى 5 سنوات الله أعلم من اللي راح يبقى سوقه قوي !

الإنجليزي بيزيد الإحتياج له ( اذا ) دخل من سنة أولى و له شعبية قوية في القطاع الخاص
أرامكو ,البنوك , الشركات .. اذا تبي وظيفة جيدة أول شيء يسألونها عنه اللغة ؟!

أما الحاسب نفس الشيء بيزيد الإحتياج له ( اذا ) دخل المرحلة الإبتدائية
الحاسب شعبيته أقل شوي في القطاع الخاص من الإنجليزي

.
.

وبشكل عام معلمات الحاسب أقل من معلمات الإنجليزي , بحكم ان حصص الحاسب قليلة

لذا يصعب علينا الحكم لما بعد 5 سنوات إن شاء الله

لكن من تجربتي أشوف الإنجليزي سوقه ماشي أكثر في القطاع الخاص
و الحاسب سوقه ماشي أكثر في التعليم

.
.
أنا حاولت أتناول المقارنة بينهما من نواحي مختلفة عشان أعطيك صورة واضحةقدر الإمكان

أخيراً خليها تستخير و الخيرة فيما اختاره الله

محدثتك تخصصها حاسب

اشوف ادارة اعمال الافضل في ناس تعينت بالرياض بالدفعات الاخيره ونقاطها بالخمسين
لكن الانجليزي اكثر احتياج اكيد لكن بالتعيين مافي تعيين قريب الا لو جابت ممتاز والانجليزي الممتاز فيه صععب لازم تنحذف بالجنوب الاحتياج هائل فيه
انا جلست سنتين اقدم ما انقبلت وبالنهايه حطيت الجنوب وعلى طول طلع اسمي ودعواتك لنا بالنقل

الحاسب والانجلش كلاهما بالتعليمي لهم وظايف كثير ..
لكن خلها تستخير وهي تقرر افضل

بالتوفيق