السلام عليكم ورحمة الله وبركاته

كيفكم يازكرت

انا قدمت على الدفاع الجوي وخلصت كل الاجراءات ولا بقي الا قرار التعيين اذا انقبلت ..
وقدمت على الصواريخ الاستراتيجيه وجتني اليوم رساله منهم ان تم قبولي مبدئي ولازم اتصل عليهم اليوم الاربعاء من الساعه 1:30 ظهرا الى 9:30 مساء او بكرا الخميس من الساعه 8 صباحا الى 2 ظهرا لتحديد موعد الحضور وانا شهايدي الاصليه بالدفاع الجوي وش الحل ... اخاف اسحبها من الدفاع ويروح علي ولا انقبل بالصورايخ


وايهم افضل قوات الدفاع الجوي أو قوات الصواريخ الاستراتيجيه من حيث : الراتب , اوقات العمل , الترقيات , كم مدت الدوره للصواريخ الاستراتيجيه , واماكن التعيين وياليت تذكرون الاماكن اللي يوجد فيها قوات الصورايخ الاستراتيجيه

|| علماً اني مقدم على وكيل رقيب فني ||

قوة الصواريخ الاستراتيجية يرمونك بمناطق لا يعلم بها إلى الله

انا انصحك تكمل بالدفاع الجوي لان قواعده كثير وبجميع مدن المملكة كالرياض وجدة والدمام والمدينة غيرها من المناطق

من ناحية الرواتب ايش رتبتك ومتى قدمت وايش مؤهلك

انا اعطيك بعض المعلومات عن الوكيل رقيب فني

دوامك من الصبح إلين الظهر وتضرب الباب جمعه وسبت اجازات الاعياد اجازات راتبك فوقال 7500 ريال ترقياتك ماشية اذا كنت منضبط في عملك

الصواريخ الاستراتيجية راتب اعلى ممكن لا يقل عن 8500 لاكن مناطق نائية بكل معنى الكلمة

القواعد الاستراتيجية غير معروفة وتحوي معلومات سرية وظيفة خطرة لا اعلم اي شيء عن دواماتهم قطاع جديد تقريبا والترقيات فيه ماشية زي الحلاوة

الابتعاث للصين وباكستان

دورتهم 5 شهور مع الفرد الاساسي

في الاخير ما اقول إلى بالتوفيق لك وانا لو مكانك مدام ضمنت الدفاع الجوي ف خلاص كمل فيه

انا لو مكانك باخذ الدفاع الجوي لان فيه احتمال كبير اتوظف داخل مدينة ك جدة الرياض

لاكن الصواريخ انا اضمن لك 100% ان التعيين لن يكون داخل مدينة بل خارج المدن وبمسافة لا تقل عن 400 كم

اتوقع رواتب الصواريخ اعلى لاكن على حساب اشياء اخرى وتعب

صواريخ الاستراجيه شغل استلامات 7ايام عمل 14يوم مسلم ولد خالتي فيها راتب العريف 7800 الحين عنده ابتعاث في بريطانيا اتمنى للجميع التوفيق

هذي القوه منذ 1407 واذا حاب تستفسر عن هذا القوه بشكل اكبر ادخل على الرابط التالي http://twitmail.com/email/817280112/...تيجية-السعودية

ماقصرتو ياشباب الله يديكم العافيه ,,!

والله يكتب اللي فيه خير ..!