أنا عندي حساب في كذا بنك واريد طريقة شراء اسهم وبيعها بشكل سريع ماهي طرق شراء الاسهم أنا اللي أعرفه
1- عن طريق زيارة مقر البك
2- الصراف ( ما ادي وش نظامه )
3- الانترنت ( ما ادري وش نظامه )
4- يقولون عبر الهاتف ( ما ادري وش نظامه )
نرجو الشرح وترى المبلغ بسيطه جدا
مثال أشتري اسهم 50 سهم في 500 ريال وابيعها بعد ربح ريال بالسهم
550 هذا قصدي وابي اعرف كيف اشتري وابيع بهذه الطريقة وجزال الله مجيب العلم وجعله في ميزان حسناته

السلام عليكم اخوي انت تقصد المضارب ولا الاكتتاب المضارب انواع فيه مضارب لحظي وفيه مضارب يومي وفيه مضارب اسبوعي وفيه مضارب شهري انت وش بتكون اذا مضارب تحتاج تفتح حساب وانا اشوف افضل بنك بنك الجزير لكن يحتاج لك راس ماله 100 الف ريال
حاول تتسلفها من احد ايدع المبلغ وبعد مايعطونك الجهاز اسحبه ورده لصاحبه
ومنصتهم على كيفك وسهله تقدر تشري وتبيع في الاسهم وعندهم تبيع السهم ينزل في حسابك باقل من 18 دقيقه البنك الاهلي ياخذ 24 ساعه يعني لو تبي تشري اسهم ثانيه وعاجبتك راح تنتظر وهذا الي اعرفه والله يوفقك

عندك بنك الرياض كمان تعامله في البيع والشراء ممتاز أنا فاتح محفظه بس المشكلة انه الاسهم تحتاج متابعه على طول والتحليل الي تسمعه كله توقعات وكلام يعني ما فيه شي أكيد وكله توفيق من عند رب العالمين

اخوي نصيحة اذا بتفكر بهالطريقه لا تدخل الاسهم

ترى لو كل واحد قال بحط 500 ب 50 سهم لو طلع ريال بعت ماكان احد خسر بالاسهم
واعرف ان السهم ماراح يطلع بلحظة ريال في اسهم بالشهر طالع نص نازل نص !! وعمولة البنك للشراء والبيع 24 ريال يعني شراء 12 وبيع 12 ريال لكل عمليه دون 10000 ريال فوق ذلك لها حسبه

اخوك 4 سنين بالاسهم بدات متحمس اول مره كسبت ثاني مره خسرت مبلغ كبير بسبب الخوف وانا اشوف راس مالي ينقص وينقص بعت وما مرى شهر الا والسهم مشعلل !!!

الزبده راس مالك صغير ماراح تطلع شي من ورى الاسهم

اقل مبلغ اشوفه 50 الف في تجارة الاسهم .. وترى مثل ماتفكر بالمكسب فكر بالخساره والتعليقه
واذا انت مصمم دائما عود نفسك تدخل بربع راس المال
والربع الثاني لزياده او التعديل .. والنص الباقي خليه دعم لك اذا لا قدر الله تعلقت من رجولك تقدر تعدل
بعد ماندقيت الحمدلله قدرت اعتمد على نفسي واشتري وابيع وكونت لي مبلغ افكر اسحبه وابدا بمشروع بعيد عن الاسهم . .

ولا تفكر تعتمد على التوصيات جرب انك تشتري وهمي وتبيع وهمي يعني على ورق مع ان النفسيه ماراح تكون مثل الواقع ولا تنسى ادواتك من البرامج المسانده مثل تكر تشارت ترند و مباشر لحظي مباشر البنوك يفي البغرض .. وبرنامج ايمي بروكر او ميتا ستوك
والمشوار قدامك طويل ..
انا نصحتك لوجة الله الاحلام احيانا تحطم الواحد مع اول اختبار ..

اذا عندك مبلغ محترم دخلتك بسهم استثماري وقفل عليه مثل الاركان . وهناك سهم جيده على المدى المتوسط مثل كيمانول ونقطة 13.35 راح نشوف حركه على السهم قوية
وسهم سيسكو .. والقصيم الزراعيه و المعرفة . جيده جدا وتحتاج لمتابعه لصيقه وسهم يوزع عوائد اسمنت الشماليه ممتاز ايضا
هذه الاسهم راقبها .. وكلامي ليس توصية للشراء بقدر ما ابيك تراقب تحركات الاسهم قبل ما تنزل بالوحل ..

التداول عن طريق الراجحي جيد

ولكن اذا بدا السوق ممنوع التحويل حتى ينتهي السوق

كن على حذر من الأسهم

وفقك الله