السلام عليكم ،



ي عيال ، لاهنتم الله يحفظكم ويوفقكم ، ويحقق امنياتكم في عصر يوم الجمعه هذآ ،

ابغى نصيحتكم ، ورائيكم لاهنتم وافادتكم ..


انا طالب من خريجين هذي السنه ، نسبتي 85% ، قدرات 70% ، تحصيلي 65% ..

انقبلت في البحريه دورة موسيقى .. والدوره سنتين والمكافاه 900 ..
لاكن لما اخذت شور الاهل والاخوان ،
قالو لي دامها طويله الدوره ونفسك طويل
ماتروح معهد الدراسات ؟؟؟ ولا كلية الضباط ؟؟


ي اخوان سؤوالي هنا ،
هل في الاشهر القادمه بيفتح تقديم معهد او شي كذآ ؟؟؟ ولا قفلت كلها ومامعي الا السنه الجايه ،
هل الكليات العسكريه جميعها فتحت التقديم وتقفل ؟؟
لاني انا لما كنت اقدم شهر 8 ومتابع التقديم فقط كلية الملك خالد الي فتحت التقديم ..

ي اخوان امانه افيدوني هل ب الاشهر الجايه بيفتح تقديم معهد او كلية عسكرريه " قبل شهر 8 طبعا " لانه خريجين السنه الجديده بيكون لهم تقديم مستقل بكلية الضباط ،

وخريجين كل سنه لهم تقديم مستقل ، مايقبل ب التقديم الي بعده

ارجوكم افيدوني لاني بصراحه متحير ، ومادري هل في تقديمات بتفتح من شهر 1 الى 7
مثل معاهد او كليات عسكريه ولا قفلت كلها ..

ولله يوفقكم يارب وينجحكم : )

انتا سمسم انا ِ بس انا حالياً طالب سنه تحضريه بالجامعه

* شوف انا فداك دام نفسك على قولتهم طويل ( خش الجامعه )
وبعدين ماشاءالله نسبك زينه وشد حيلك ترى سهله _ وبعدها قدم على كلية الضباط

كلية الملك فهد الامنيه ( او الكليات التابعه لوزارة الدفاع )

* اما بالثانوي كليات الضباط لوزارة الدفاع ( تقبل خريجي السنه الحاليه فقط _ وانت فاتك التقديم
وحتى كلية الملك خالد فاتك التقديم فيها
* المعاهد _ انت حالياً فاتك معهد الدراسات الفنيه للبحريه والجويه _ يعني مالك إلا السنه الجايه
والله واعلم إذآ في معاهد راح تفتح حالياً غير ذي

* خش التقنيه / تخصص زين وبعدها قدم على آي قطاع ( تاخذ وكيل رقيب او عريف ) لكن انا آرجح الكفه أنك تكمل جامعه آزين وافضل لك

بالتوفييق _

وعليكم السلام ورحمه الله وبركاته

نسبتك حلوه .. الكليات العسكرية خلاص ماراح تقبلك مره بالسنة تفتح وهي نهاية السنة

وتقبل حديثي التخرج يفتح سنة 1435هـ بإذن الله

//

انصحك بالداخلية افضل من وزارة الدفـاع


بالتوفيق

ولله والنشبه :/

طيب ي عيال متى يفتح معهد الدراسات البحريه ؟؟؟ مافتح لخريجين هذي السنه ..

+
وش تنصحوني ي عيال ، اكمل جامعه انتساب وادخل الموسيقى
ولا اكمل جامعه انتظام واسحب ع البحريه : (

هات مشورتكم ي اخوان ، والحديث يقول حب لاخيك ماتحب لنفسك ..

وينك كنت نائم ؟؟

فتح هالسنة وانقبلوا لهم 4 اسابيع بالمعهد وسوينا تجمع بالمنتدى

كمل جامعه أفضل لك من جندي سلتوح وموسيقى بعد !!
وإن شاء الله تتخرج من الجامعه وتدخل كلية الضابط

جامعي+ ضابط ولا احلى

ولله مدري ي صاحبي
الي اذكره معهد الجويه الي بالظهران فتح تقديمه ،
لاكن م قدمت لاني وقتها انقبلت ب الجامعه انتظام وقلت بكمل انتظام ..
لاكن الاوضاع تغيرت مع الوقت ..
+توني اعرف ان المعهد يعطيك بعثات للخارج للي يججتاز اختبار البعثه او الانجليزي بعد 6 شهور من الانضمام له !

+
موب جندي ، عريف :| لو بدخل الموسيقى ..

شكلها جامعه مع انها شوي صعبه 4 سنوات ع 840 ريال كل شهر
: ( لكن الله يصبرنآ