باختصار جمعونا بغرفه ، وقامت تسولف علينا سوسن.

وبعدين طلعونا لغرفه ثانيه، وجاء هندي قال احتاج احد يساعدني وقامو بعض الشباب الله يجزاهم خير ( طبعا كان اختبار) لاهندي يبيهم يساعدونه ولا شي.

بعدها سوو لنا حنا مقابله خفيفه اللي ماقمنا نساعد الهندي.

بعد كذا تجمعنا بقاعه كبيره جلسنا قروبات وعطونا مكعبات وقال سووا لنا طبخه
( طبعا هنا الواحد مايدري هل يسوي شكل او يسوي ذكي ويقولهم هذه مكعبات ماينطبخ فيها)
عموما سووينا لهم اشكال بالمكعبات وجوو سألونا وش هذا وكيف وكذا

وبعدها بريك ، وبعدين تتكلم دقيقه عن اي شي في التقنية الحديثه . ( بالعربي او الانجليزي) بس طبعا يفضلون الانجليزي لانه اول واحد تكلم عربي قاله لو سمحت كمل انجليزي . ممكن يبون الانجليزي .

بعدين قالو افتح لعبه بجوالك عاد يجي يسولف معك فوق راسك يشوف تتشتت ولا لا .

وبعدين سووا معنا المقابلات النهائيه وطلعنا الساعه ٤ ونص العصر

وبالتوفيق للجميع

انا مشكلتي بالانجليزي حتى لو اجهز نفسي واحفظ بحوس الدنيا هناك

للناس الي شايله هم تراني مشتركة مخصوص عشانكم ..
اول شي المقابلة جدا رائعه وسوسن جدا جدا جدا انسانه عسل كان ودي أقوم احضنها خخخخخ من زود الحماس
ثاني شي الوضع زي ماقالو الشباب عبارة عن 3 أنشطة اول شي بيدخلونكم مكان تنظرون فيه بعدين بتروحون قاعه ثانية وبيطلعونكم شوي بيشوفون بتتفاعلون مع الربع الي حولكم ولا لا اندمجوو وسولفو ولاتسكتوو ابدا عشان لايقولون عنكم انطوائيين بس مو تقعدون تهايطوون لا بصوت واطي بس سولفو
ثاني شي بيعطونكم مكعبات وللعلم اذا قلتو لاحد انكم قريتو بالنت بيغيرون فالسالفه لان يوم درو اني انا وقروب البنات قرينا ان بيصير في مكعبات وبنسوي شكل وبيسألونا عنه على طول غيروه وقالو سولنا اكلة بالمكعبات .ثاني شي بيقول تكلم عن شي بالتكنولوجيا أي شي جوال تطبيق عاجبك تحب تستخدمه انا تكلمت عن التانجو وترى انصحك تكون كاتبه بنوت على جوالك عشان اذا احد قام يصير عارف وش يقول وترى انصحكم في السالفه هذي تتكلمون فيها انجلش وتطلعون خبرتكم لانكم راح تقرون مارح تجيبون من راسكم
عاد ثالث شي تلعب لعبة بجوالك ونفس برضو ماقال شاعر وجبروت ويشوفون بتركز مع كلامهم ولا بتكمل لعب وتركز وبالاخير المقابلة واحد واحد يدخل بلحاله
وترى للعلم القروبات تقسمت شباب وبنات سوى يعني بنتين وثلاث شباب بطاولة
وادعولي ربي يوفقني وانقبل

حركة الهندي وش الغرض منها ؟

بصراحه جوّهم واختباراتهم غريب شوي

بس بشكل عام الإنطباع جيد والأفكار رائعه ومسؤولين الإتش آر فريندلي

اتمنى التوفيق للجميع صبايا وشبآب

يعطيكم العافيه جميعا شباب وبنات ، انا من ضمن الدفعه اللي سوت المقابلة من شهر اكتوبر في شاطئ الغروب بالخبر والى الان ماوصلنا قبول او رفض ، اللي ابغى اسألكم اي احد من الشباب او البنات من الشرقية او الرياض او جدة كلموهم البنك او ارسلو لهم رسالة بالقبول ؟

وبخصوص قصة الهندي انا مرة سمعت قصة شركة كبيرة كانت تبغى توظف مديرين كبار في الشركة كل اللي سووه انهم عزموهم في مطعم تشيليز ع الغدا وقالو لهم بنلتقي بكم هناك ، وبعد ماكانو جالسين المتقدمين جا لهم الهندي وقال لهم ابغى تساعدوني في المطبخ فيه مشكلة وكذا ، والمصادفة ماساعدوه من الثلاثين شخص الا اثنين وهم اللي الشركة اختاروهم ووظفوهم

عموما الله يوفق الجميع اعزائي والله يكتب اللي فيه الخير

اللي ما قاموا طلعوهم الا قليل منهم سوو له مقابلة سريعه باللغة الانجليزية ودخلوهم