عاد أتذكرك كنتي متحمسة في قسم جداره وموضوع التكامل ووقت المقابلة وشنو مطلوب من أوراق ) والصفحات تمشي مليون والسبه أنتي
ويوم تعينتي قمت تتحلطمين : )

صدق لا قالوا أبن أدم وعليك الباقي خخخخخ

على فكرة ترى نفس الشعور صاير معآي لكن نقول الحمد لله على كل حال

ومشكورة على النصيحة خيتووو ..

هلا خيتوو أماني ......

انا درست فيزياء وعلوم المتوسط..... واعطيهم اوراق عمل باستمرار....

اما سالفة المهارات اول مره اسمع عنها ؟؟؟؟ شكلها خاصه بالابتدائي ؟؟؟؟

ممكن تشرحينها هنا بالمختصر المفيد عشان يكون عندي خلفيه واكون لك من الشاكرات ،،،

تقديري واحترامي...

هلاا جامعيه المهارات بس بالابتدائي.المتوسط فقط دوريه..

الله ذكريات ذيك الايام ايام الانتظار والقلق :-)

الله يرزقنا النقل القريب عند أهالينا عاجلا غير آجل ...

الله يعينكم أماني ودرب الوفى ويسهل عليكم ..

بالنسبه للأبتدائي ::

أوراق العمل الحل مع المعلمه أو واجب منزلي للطالبه ؟؟

كتاب الطالبه فيه أنشطه و كتاب النشاط بعد ... شنو اللي ينحل معهم في الصف وشنو الواجب

المنزلي تعبتت وأنا أحل كل شي في الصف مع التصحيح ؟؟!!

وبالنسبه لأول أبتدائي عندي ( طالبه وحده في الصف ) وماتعرف تكتب شنو تحل في كتاب النشاط

مرحبتين كبار ياقطعة الثلج ( ماتجي نهاية السنة الأ وأنتي ذايبة خوذيها مني ) خصوصا مع الصف الأول صراااحة متعبين جدا فعلا كلامك في محلة أشلون يحلون كتاب النشاط وهم بالأساس مايعرفون يمسكون القلم وبعدين هم توهم( أ . ب ) في تهجئة الحروف أشلون بيستوعبون الدرووس ؟؟

عني أعطيتهم أول درسين بالنشاط وكلها خليتهم يرسمون شجرة ويحددون وين الجذور والساق والأوراق وكذاا والدرس الثاني يرسمون زهرة والدرس الثالث يصنفون البذور حسب الحجم ( كبير ومتوسط وصغير ) طبعا بالرسم وووبس وقفت على كذا لأن الباقي أعلى من مستواهم
_
بالنسبة حق أوراق العمل هذا بعد كل درسين ثلاثة تعطينهم ورقة عمل تقيسين مدى فهم الطالبات للدروس السابقة وتركزين على الطالبه اللى لم تتقن
أما كتاب النشاط ماقد حليت معهم شىء أبد لأنه محتاج معمل لو أعطيتهم الأجابة مجردة دايركت تلتغي فائدة كتاب النشااط أما للواجبات في نهاية كل وحدة نشاط في كتاب الطالب خلية لهم واجب المنزل
بالتوفيييييييييييق عزيزتي

جزاك الله خير درب الوفى على المعلوماااات المفيده ..

خفففت تجي الموجهه وتعلق على كتاب النشاط الغير محلول .. مثل ماقلت يحتاج معمل

وأدوات

بالنسبه لأول ابتدائي فكرررره ممتااازه الله يعطيك العافيه الحمد لله أنها طالبه وحده بس

وأدرسها مع طالبات ثاني ابتدائي دمج ... فكرة الرسم

الموجههه أول صح كان لهم سلطة ف الأداء الوظيفي الحين كلها بيد ( المدير والمديره )
..

الدمج حلووو يخفف النصاب شوي بس حووسة تشرح حق مين وتترك مين

أنا عندي صف ثاني وثالث مدموجين بصف .... ورابع وخامس هم مدموجين بعض\\

المدرسة كلها على بعض 22 طالب ^___^ والله فلــــه ... ويديمها من نعمه
ويكفينا شر الحسااد

دام كل شئ بيد المديره اجل كل ماقالت شئ قلت تم تم تم..اليوم رحت دوره موهوبات يافيها شغل كثييير..حايسه والله بالمناهج ..ان شاء الله تتيسر.وتضبط اموري.والاجازه جاتىبوقتها.ارتب اشغالي شكل بقضي الاجازه كلها اشتغل بالموهوبات وبمناهجي واختباراتي. .

ابغى اروح مدرستي والاسبوع هذا كله دوره..مقهوره ع مناهجي متاخره.وانا طبعي مااحب التاخير.
قطعة ماشاء الله كويس طالباتك قليل.انا اقل فصل 15طالبه