أسئلة غبيه ومالها داعي
أنا كاتبه في الخرمة
وجايبين عن مساحة ملعب كرة القدم
وضربات الترجيح
وكرة السلة
وش عرفني في عن الكورة للأسف يحسبوني من البنات الدلوخ اللي يشجعون الهلال حسبي الله عليهم

اسئلة استفزازية لكن الأمل بالله كبير
الله يرزقني بالوظيفة ويرزق كل من يقرأ

منجد اسئلة تعجيزية
طالبين دبلوم تغذية وكل المتقدمات بكالوريس تغذية عامه
وحاطين أسئله للتغذيه العلاجيه بالانقلش
وختموها بمساحة الملعب وعدد الاعبين
نفسي افهم اللي حط الأسئله عايش معانا محد قالو اننا دارسين التخصص بالعربي وﻻ ياليت الوظيفة على مرتبه عدله

المقدمين على نفس الوظيفه 69 شخص وماادري كم المطلوب اتوقع 1
وبالنسبه لأسئلة محلل نظم جايبينها من موقع واتذكر ان الدكتور اللي بالجامعة اللي درست فيها معروف يجيب الأسئله من المواقع ,المهم والزبده جات نفس اسئلة النهائي لمادة software engineerng وينك ياوزير التعليم العالي ؟
التعليم صار عندنا انسخ الاسئله وارتاح ! والدكتور نفسه يقعد يقز على السؤال الواحد 4 دقايق ويقول بنفسه يازلمه هاظ السوال جيييييد حطو بالله
قسم بالله حاجه تقهر لا وفبلده شغيييييل يحضر قبل الدرس ويتقن ويتفنن وفالسعوديه مبلطته الفلوس صار همه كيف يخطط يسوي فيها!
حاجه تقهر واذا سئلت مسؤلين توظيف هيئة التدريس يقولك صارلهم كثييير يدرسون وبيكونون افضل من واحد سعودي توه متخرج وارخص!
اوكييه انا معك بس الدكتور لازم يتقيم هنا يرسل له مسؤول ويقيمه على شرحه ويتفحص اسئلته وتمنع اسئلة النت! والدنيا هناسايبههههههههه يامسؤووول
آسف خرجت برا الموضوع
الاسئله 50 سؤال منسوخ من النت ,اسئلة تخصص بالانجليزي
50 سؤال شختك بختك بالعربي واتوقع موحده على الكل ,كم طول الملعب وعرضه! و4 اسئلة عواصم دول!كم لاعبين كرة التنس!كم ومتى واين وعسى يجي الحظ
ناهيك عن الاسئله المتوقعه مثل
متى توفي الملك فهد؟من اول الملوك صار التعليم في عهده للجنسين؟متى توفي الملك عبدالعزيز؟كم صار للمملكه متوحده؟التاريخ الموافق لتوحيد المملكه بالميلادي؟ووووو
واسئلة تقيس مقدار ذكائك يعني مثل القدرات وتقريبا 8 اسئله مثل
اكمل المصفوفه 1,3,7,15,31,63,127 والجواب الصحيح 255
وخذ على هذا المقياس وفيه برضو تقريبا 6 اسئله بالعربي اتوقع انها من ضمن التخصص وتقيس مدى مقدرتك على حل المشاكل اللي تواجهك بعملك مثل
اذا مرؤوسك في العمل اتصل عليك وقالك شغلنا فيه نقص مااقدر اقدم العمل ايش ترد عليه؟
من ضمن الخيارات ,1فيه شي اقدر اسويه؟2ماالمشكله؟3انتظر الرئيس المباشر يحل المشكله؟
بالنسبه لي الاختبار كان صعب اللي بالعربي,والتخصص يحتاج وقت عشان اللغه وعشان تستنتج الحل لأن اغلب الاسئله استنتاجيه وقليل اللي اذكرها في اسئله النهائي السابقه
هذا كل اللي عندي واكيد اي واحد فيه اسئله بخاطره ويتمنى اجابه مثل
متى نتايج الفرز ,ومتى المقابله وغيرها,اتمنى يستمر التجمع ولو ان عددنا قليل بس الخير فينا كثييير والناس اللي تجيب العلوم موجوده الله يجزاها خير
ننتظر الاجابه من اللي عنده علم ,
واللي يبي يفضفض باللي شافه من اسئله الكل مستمع له,
وموفقين لكل خير وان اصبت فمن الله وحده وان اخطأت فمن الشيطان

صباح الخير على الجميع

وعسى الله يوفقنا للخير ان شاء الله ويكتب لنا الرزق السهل والميسر

صراحه الاختبار كان مهزله بمعنى الكلمة وانا اعتبره استخفاف بالناس اللي اختبروا

يعني للاسف اسئله ولا تفيد حتى بتخصصك الوظيفي اللي جاي تختبر فيه

وفوق كذا اصعب من الخيال حتى بعد الاختبار اليوم الثاني داومت وقابلت الدكتور اللي وضع الاسئله

والله دخل علي بالقسم مبتسم ويسألني ان شاء الله الاسئله كانت سهله عليكم!!

قلت يادكتور اسألك بالله شايف ان ذا الاسئله سهله ؟ قالي اكيد سهله والمهم انك تستفيد معلومات !

بالله انا موظف مشغل حاسب الي يعني وش دخلني بملاعب الكره وعدد اللاعبين

والكلام الفاضي !! للاسف كل الاختبارات اللي تحصل بالجامعه والمسابقات مجرد روتين

وتضليل للناس عن الواسطات اللي تحصل والتعديات

الله يوفقنا جميه ولو لنا نصيب غصب عنهم بناخذه

واذا هم بس يلعبون علينا واحنا الله يعلم المشاوير الي قطعناها وماقدروها

فاقول لهم عن نفسي ما اسامحهم والله حسيبهم وربي ياخذ حقنا منهم جميعا ..

والسلام

اللهم امين ,, الله يكتب لنا الخير جميعاً وين ماكان ويرضينا فيه

الي صار صار بس متى يعلنون عن المقبولين وحسبي الله عليهم لوكانو اتعبونا وهم عارفين انها لغيرنا الله يكشف ستره عنهم لاني عانيت في كل مشوار عشان الوظيفه ذي

[align=center]بلاكومين




-

بمآ انك موظف يالغالي بـ نفس الجامعةة

باللهي عليك استفسر منهم متى وقت نزول نتائج الاختبار

والله يديك العافيه على كل حال

[/align]