طيب هل احد فيكم يعرف كيف نقدر نتواصل مع البنك ونستفسر ؟

رقم او ايميل ؟؟

بالتوفيق يارب

ماجستير كندا

ماهي الوظيفه الي مقدم عليها

والمنطقه الي اخترتها

والمقابلات باقي جاريه لحد الان

وانا مثلك انتظر عسى الله يفرجها

ياشباب ابشروا بالخير ماضاقت الا تفرج ان شاء الله..

اليوم وصلتني رسالة بأنه لدي مقابلة يوم الاربعاء القادم بإذن الله..

و على فكرة انا مقدم على وظيفة في احد مدن المملكة وليس في الادارة العامه او احدى الوضائف العليا ( رجاء لا أحد يسأل على اي مدينة انا مقدم).

اتمنى للجميع التوفيق ...

السلام عليكم ورحمة الله وبركاته

متى نتائج المقابلة التي كانت مع اللجنة والتي عقدت في الادارة العامة للمتقدمين لوظيفة "باحث توظيف" ؟

الله يوفقنا وياكم ويكتب اللي فيه الخير لنا ولكم.

انتظر الرد جزاكم الله خير

up up

المقابلات لا زالت جاريه

وباحث مشاريع اتوقع الاسبوع القادم او الي بعده

بالنسبه لنتائج المقابلات مع لجنة البنك

لحد الان لم يتم الانتهاء من المقابلات مع المرشحين

حكوميه اتمنى بعد المقابله تعطينا الزبده الله يبارك فيك

الله ييسرها للجميع

السلام عليكم جميعا ..


والله اخوي مصرقع ولايهونون البقية سويت المقابلة وانتهيت طبعا مقابلة مع اللجنة.

وللمعلومية فيه مقابله مع اللجنة وبعد كذا مقابلة مع المدير . انا سويت المقابلة مع اللجنة وانتظر الرد من البنك لتحديد موعد المقابلة مع المدير ( واعتقد والعلم عند الله ان المقابلة مع المدير فقط للي راح يمسكون الوظائف فقط) طبعا هذا استنتاج شخصي قابل للخطاء والصواب.


بخصوص مقابلة مع اللجنة كانت ممتازة ولله الحمد مع العلم انهم نشفوا ريقي بالأسئلة وسؤال منا وسؤال منا. اللجنة عبارة عن 4 الى 5 أشخاص امامك.

الأسئلة كلها تتمحور حولك انت و خبراتك العملية والمواد الي تحبها ايام دراستك الجامعية و ان كانك تعرف انقلش راح يكلمونك شوي انقلش, واسئلة عن هواياتك ووووو . يعني زي ماتقول يبووون يشخلونك شخل يبون يعرفون اولك وآخرك.

بالنسبه لإنطباعي الشخصي.. الموضوع جدا ممتاز الاسئلة ان جاوبت عليها بالكذب راح تتوهق بالسؤال الي بعده عشان كذا خلك صادق في كل ماتقول.. المقابلة نص ساعه او اكثر ولكن للأمانه ماتحس انك تسوي مقابلة كأنك مع شباب في استراحة.. وزيادة بعد يقهوونك ويسولفون معك سوالف احيان مالها دخل في الوظيفة الي انت مقدم لها ولا في دراستك.. زي واحد من الشباب قالهم انا احب الشعر قالو له عطنا قصيدة والرجال عطاهم.. يعني توقع اي سوال وخل الموضوع بسييييط جدا.. واهم شي هو التوكل على الله والإستخاره..




أما بالنسبة لمقابلات المدير فشفت كذا شخص كان عندهم مقابلات مع المدير.. واتمنى اذا فيه احد من الي قابلوا المدير يزودنا بالاخبار والتفاصيل.. ترا والله ياشباب مافيه احد يحسد احد.. والي يحسد الشخص دائما هم اقاربة و معارفه اما الي زينا مانقول له الا ..الله يستر عليك ويوفقك ويجعلها من نصيبك..

مع تمنياتي للجميع بالتوفيق..

أنا قابلت المدير العام وكان شخص متفاهم لكن للحين أنتظر من شهرين تقريبا
الله يوفقني وإياكم بما فيه الخير لي و للجميع يارب

الله يوفق الجميع يارب
ما سار شى على المناظق الثانية
لا رساله و لا اتصال جانا بخصوص المقابله
و الرقم الى موجود للاستفسار ما هنده سالفه كلمته و يقول ما ادري و حاولت اخذ منها اكثر و قال ما عد فيه مقابلات الاسبوع القادم اخر مقابلة
الله المستعان
يارجال اذا فيه اى خبر عطونا و علمونا بالجديد