استغربت لما قريت يقابلون الملك
فيها مقابلة غير مباشرة
يالله نتنظر الايام توضح اذا فيه اهتمام او تطنيش
اذا ممكن ايش هي المطالبات دورتها في الهاش تاق ماحصلت شيء
صورة ولاشيء نشوف اذا طلع فيه اهتمام مدى الاهتمام

بصراحة سالفة حصر الخريجات القديمات انا ماأييدها لعدة أسباب :

1- مطالبة الحملة كانت لتوظيف الخريجات القديمات من 10 سنوات وأكثر
طيب والخريجات اللي لهم ست وسبع او حتى اربع سنوات وين راح حقهم؟ وفي بعضهم نقاطهم أعلى من نقاط خريجة لها اكثر من عشر سنوات
يعني لازم انا اتنقع في البيت عشر سنوات عشان يوظفوني؟ من حق اي خريجه حتى لو كانت خريجه حديثه المطالبه بحقها في التوظيف
2- إلغاء قياس طلب غير معقول بل المعقول هو إلغاء رسوم قياس ويكون اختبار القياس مجاني
3- ذكروا في الحمله ان فيه بنات نقاطهم أقل تعينوا قبل الاكثر منهن نقاط
أول شي اللي تعينت ونقاطها أقل منك اكيد اختارت رغبات مكانية انتِ مااخترتيها يعني من غير المعقول تجي وحده نقاطها عاليه وتكتب بس منطقتها ولما تشوف وحده اقل منها نقاط تعينت بمنطقه ثانيه تزعل
وثاني شي فيه بنات يقارنون بين نقاط كلية التربيه و بنات كلية اعداد المعلمات الشي اللي لازم تفهمونه احنا قسمين منفصلين كلية التربية للمتوسط والثانوي وكلية اعداد المعلمات للإبتدائي
يعني لاتجي وحده من كلية التربية تقارن نقاطها بنقاط كلية اعداد المعلمات لان التوجيه مختلف
اذا شفتي وحده بنفس مؤهلك التعليمي ونفس الكلية ونفسس التخصص اقل منك نقاط تعينت بمنطقة انتِ اخترتيها في هذه الحاله لك الحق تعترضين وتتكلمين

على العموم أنا كلي اسف على مجتمعي لانه مايمشي غير بالحملات والاصوات العاليه غير كذا ماتمشي أمورك

قريبا احلى

يختى اعتراضك مرفوض لاتساوي خريجات من اربع سنوات بخريجات من عشر سنوات

هذا انتم بس جودكم على الخريجات القديمات .... انتم المستقبل قدامكم لكن وحدة خريجة من 10 و17 سنة وش تنتظر بعد تنتظركم يعني ؟؟؟؟؟؟؟؟؟؟

ايو والله وحده عمرها 37 تقارن بوحده عمرها 25 كيف هذا الحديثة التخرج قدامها فرص اما القديمه وصلت 40 خلاص

خريجة وجيلانا

^

واللي نقاطها أعلى من الخريجة القديمه اللي لها اكثر من عشر سنوات؟؟

وش تسوي؟ لازم تنتظر سنوات عشان تطالب بحقها؟؟

على العموم انا ماقلت كذا لان نقاطي عاليه لا والله نقاطي اقل من نقاط خريجات عشر سنوات

بس من الظلم ان خريجه قديمه لها اكثر من عشر سنوات نقاطها 80 تتوظف قبل خريجه لها سبع او ست سنوات نقاطها 84

يعني انتم على كذا تساعدونهم انهم مايوظفون الا لما يعدي على الخريجه عشر سنوات

وبالمقابل من حق الخريجه القديمه تتوظف بس مو على حساب الاعلى منها نقاط بعذر انها لم تتجاوز حاجز العشر سنوات

يعني مثلاً يكون فيه توظيف استثنائي وخاص للخريجه القديمه بدون التعدي على غيرها أو تقليل فرصة توظيف غيرها من الأعلى نقاط

اتمنى الصوره وضحت

كيف المستقبل قدام الجديدة
طلع قياس
وتعين القديمات ماجاء الا بمكرمة وكانت 28
وبعدها الى 6 الاف احتياج
يعني فرصة واكيد الكل بيستغلها

بالشكر تدوم النعم

^

هذي هي النقطة الوحيده اللي مافهمتها على أي أساس اختاروا المرشحات لإختبار قياس المرحلة الثانيه
يعني هل هي على النقاط أو المعدل؟

لأن أكيد فيه نظام معين ماشيين عليه ومستحيل انهم مختارين البنات عشوائي

بإجماعه إحنا نبي تعبنا العداله ماتفرق سنه عشر سنوات لو حتى يوم عاطله يعني عاطله أبي وظيفه او دخل شهري من الدولة خاص شهريا ينزل بحسابي نبي حمله او احد يعرف أهل خير يوصلوا معاناتنا للملك أي وحده تعبت ليش أكيد أبغى الحلال اللي يكفي حاجاتها إيناس مان بغى أنانيه وتميز ماحد يدري بظروف غيره كلنا تخرجوا ليش نبي وظيفه درسنا ليش نبي وظيفه وراتب لكن حسبنا الله ونعم الوكيل