~¤ô§ô¤~مـــع الخيـــل ياشقـــــرا~¤ô§ô¤~

جانيت · #1 (**permalink**) 07-07-2008, 07:28 PM

بصراحـة

ماني لاقـيــة وصـف أو مدخل مناسب للموضـوع..!!

الكل ملاحـظ حالة التـدهـور اللي وصلت لها وسائل الإعــلام..

والبرامج التافهة اللي تتسابق القنـوات الفضائيـة في بثهـا..

أغلب البرامـج فيها استهـزاء صريـح بعقليـة المشاهـد..!!

والمشكلة إننا مو بس نكتفي بمتابعتها ..

لا..كمان نجبر غيرنا إنهم يشوفونها( قضيـة رأي عــام)

كله كــوووم..والمسابقات اللي تنمي المواهب كوم ثاني

يجي مذيع مايدري وين اللـه حاطـه..يقول لك

2+2 يساوي كــــم...؟؟؟!!>>اللـه يفتح عليك

السؤال الثاني

فين الراس المناسب للحصان المعروض على الشاشـة..؟؟!!

الجائزة 20 ألف واللي يعرف الإجابة يتصـل على ؟؟؟؟؟؟؟
7000>> جـــرّة رجل بس

لاتفوت الفرصـة والحل سهل ومن ذا الكلام..
ويسوي قروشـة كأنـــه حل لغز مثلث برمـودا..

عاد السعوديين ماشاء الله ..يشتغلون على الريحـــة>>عيني عليهم باردة

طوابير على الاتصالات..

يلطعونه على الخط ساعة..ولايهمـــه>>مكافـــح

المهم يطلع في التلفزيون ويغرد بالإجابة>>هذا إذا الله فتح عليه وجاوب صـح..!!

وبعـد مايجاوب يقولون له باقي مرحلة وحدة بس وتفوز بالجائزة>>قابلني

والا مرة وحدة من المذيعات سألت سؤال (يجيب الصــرع)

ممكـــن تعطي الباسوورد تبعك لشخص آخـــر..؟؟!!

واحـد من المساطيل شاطح بعمـرهـ عشان في الآخـر يقول لهـا

مستحيل أعطيه لأي أحد حتى لو كانت زوجتي..

بس لو انت تبغينه خذيـه>>اللـه يفشلكـ

خلاااااااااااص

خلصت كل همومنا

ماباقي لنا إلا نلعب بأعواد الكبريت ..
وندور للحصان على راسه اللي ضاع..!!>>اللهم اهدني إلى ضالتي

والناس اللي مالهم في ذي المسابقات تلاقيهم مشغولين

بالتصويت للفنانة اللي رقصت..والممثل اللي طـاح..!!

عن جـــــد

لمن أشوف هذي السخافات..وإنــــه أكثر الاتصالات من السعوديــــــــــة
تجيني كل الأمـراض>> استغفراللـــه

بصراحـــــة

مع احترامي لأصحاب العقـول

السعويين والسعوديات صاروا يتصدرون قائمـة الدول

المصدرة للهبل والتناحـــة>>عينـة مجانيـة مع البترول..!!

سكرتيرة · #2 (**permalink**) 07-07-2008, 07:41 PM

اهم شي استمعي للإذاعة ام بي سي اف ام

واسمعي برنامج التصويت للفنانك

بس انا اشك إنو من طاقم العمل يدقوون مافي احد يدق مادري احساس يراودني ههههههه

لا وفيه برنامج اسخف في فنون اللي يرسل اكثر يسمحون له يتصل عشان يسالوونه سؤال وإن شاء الله يجيب صح ههههههههههههه وربي انك صادقه

يالله بس اعتقد ان الناس الحين ماصارت اهتماماتهم كذا بعد الأسهم

واحس احساس قوي انه المصورين وماخلف الشاشات هم يتصلون هههههه

Dr.NoWay · #3 (**permalink**) 07-07-2008, 09:16 PM

السعويين والسعوديات صاروا يتصدرون قائمـة الدول

المصدرة للهبل والتناحـــة>>عينـة مجانيـة مع البترول..!!

::بصرااااحه " ضحكة من غير شعور

:: الله يوفقك ويسعدك
::مقال في الصميم

رميزان · #4 (**permalink**) 08-07-2008, 12:46 AM

والله ظحك على الدقون عيني عينك هذه الاكاذيب والبرامج الي يحاولون من خلالها استرظاع هذا المواطن الغبي الي مايعرف مصلحته المفروض ان ماحد يتصل عليهم
ولايعطيهم وجه واكبر نصب وحتيال بشركة الاتصالات الي تحاول جاهدة على سحب
اموال الشعب علي زين حالهم من اول مع ارتفاع الاسعار الاخت الفاظلة اميرة العز
موضوعك يستحق الاشادة الله يعطيك العافية تقبلي مروري

زعيم الفاشلين · #5 (**permalink**) 08-07-2008, 01:13 AM

السعويين والسعوديات صاروا يتصدرون قائمـة الدول

المصدرة للهبل والتناحـــة>>عينـة مجانيـة مع البترول..!!

والدليل شاعر الحراميه (المليون)

جانيت · #6 (**permalink**) 08-07-2008, 08:29 AM

اقتباس:

المشاركة الأصلية كتبت بواسطة سكرتيرة

اهم شي استمعي للإذاعة ام بي سي اف ام

واسمعي برنامج التصويت للفنانك

بس انا اشك إنو من طاقم العمل يدقوون مافي احد يدق مادري احساس يراودني ههههههه

لا وفيه برنامج اسخف في فنون اللي يرسل اكثر يسمحون له يتصل عشان يسالوونه سؤال وإن شاء الله يجيب صح ههههههههههههه وربي انك صادقه

يالله بس اعتقد ان الناس الحين ماصارت اهتماماتهم كذا بعد الأسهم

واحس احساس قوي انه المصورين وماخلف الشاشات هم يتصلون هههههه

فكرة إنه اللي في الاستديو هم اللي يتصلون
كانت في بالي قبل ما أكتب الموضوع
ولمن بدأت نسيت أعلق عليها
كويس إنك ذكرتيها
من جد بعض الأحيان يجيني نفس الإحساس
شاكرة لك تعقيبك الرائع
تسلمين...

Mo chuisle · #7 (**permalink**) 08-07-2008, 11:27 AM

مقااااااااااال رائع حقيقة .....

انا اقول ان التلفزيون يتحمل مسؤولية ما وصلت اليه عقول الناس حاليا

وهذه البرامج تعتمد على المراهنة المجردة وليس المعلومة الهادفه

لكن ما يهمنا الان الحل او طريقة العلاج ...

ارى ان ارتفاع بسعر برميل البترول الى ادنى حد 250 دولار يرافقه ضربة بالاسهم

رح تلتغي الظاهره من الوجود

الله يعطيك العافيه على المقاااااااااااال

أم الوظائف · #8 (**permalink**) 08-07-2008, 12:22 PM

والله اختي..

هذي البرامج ترفع من جد ضغطي... انا رحت حذفت القنوات من الرسيفر وريحت مخي...

تجيك مذيعه تلوع الكبد... والسعوديين وراها.. ويضحكون معها.. يارب والله تسد النفس...

يعني لو مزيونه اقوله ممكن.. والاسئلة غباء وتناحه.. وغير قناة ما ادري موجودة او انمحت .. اتوقع اسمها سوالف اللي جهاز الي يقرأ رسالتك..

بعدين شغله ما ادري تحسينها معي او لا.. من كثر ما يتغزلون بالمذيعات هذلي اللي يلوعون الكبد.. تحسين كانه البنات السعوديات بمنتهى القبح..ساعات ودي اشوف اخت وزوجة المتصل.. واللي هي رقه تهل على الشاب السعودي عندما يرى فتاة اجنبية...؟؟؟؟

مشكوووووووووورة اختي على مقالك جدا جدا رائع..