السلام عليكم ورحمة الله وبركاتة

شخباركم عساكم بخير ياعرب

الاسم:نايف الرحيمي

المدينة: بريدة حاليا بالرياض القاحلة

خريج:ثانوية عامة

العمر:23 سنة

اول شى ابارك لجميع من بدا بمشروعه عن طريق ريادة الله يوفقة يارب واللي ينتظر الله يفرجها

ثاني شى لدي 4 مشاريع كبرى على مستوى المملكة العربية السعودية

ياخي اخلص علينا مانحب الرسميات انطم بس ههههه

المهم لدي 4 مشاريع كبرى وانا اعشق التحدي واعمل مشاريع كبيره ماحب ابدي بالمشاريع

الصغيره صحيح انو الصغيره افضل واحسن ومن ناحيه الخسارة تخسر بملغ معقول موب ذاك الزود

اللي يقتل طموحك ولكن انا من ايام الثانوية كنت اقحص واشوف هالحتسي اللي يحتسون عنه

ما يسمى المشاريع الاستراتجيه وقعدت افكر واشوف واعمل دراسه من ناحيه السوق السعودي

رياضيا اجتماعيا ترفيهيا اقتصاديا ولكن طلعت بــــ4 مشاريع كبرى 3 مشاريع كبرى له انتاجيتها

بالسوق السعودي ولكن اصبحت متعارف عليها ومشروع واحد طبعا احتفظ فيه لنفسي لانو مشروع

كبير وراح يدر علي سنويا مابين مليون ونص ومليونين على حسب توسعه المشروع .

************************************************** ******
مشروعي اليوم راح اشرحه بالتفصيل وابي تعليقاتكم ونصاىحكم طبعا هالمشروع جديد على

مستوى المملكة واكيد راح تسلط الاضواء علي بشكل كبير بحكم حجم المشروع .

اسم المشروع:الملاعب الرياضية

ابرز المعالم لوضع مكان المشروع: الطائف -ابها-الرياض-القصيم-الشرقية-جده-مكه-المدينة

القسم الاول:ملاعب صناعية وتتكون من 4 ملاعب كبداية موفقة

القسم الثاني:ملاعب عشبية وتتكون من 4 ملاعب كبداية موفقة

فكرة المشروع الملاعب الصناعية:

في البداية راح يكون موقع الملاعب الصناعية بمدينة الطائف بحكم جوها الممتاز وتصلح لاقامة

ملاعب صناعية رياضيه تتناسب مع اجواء الكرة السعودية

بعد اقامة المشروع يتم انشاء ملاعب رياضية صناعية وتتكون من 4 ملاعب صناعية+شقق مفروشة

وتكون بجانب بعض بحيث اسهل واسرع من الفنادق بشكل كبير وخاصه للاندية السعودية

اللي في بالي بعد عمل ملاعب صناعية تتم مخاطبة الاندية السعودية كبداية لاقامة المعسكرات

داخليا (بدلا من الاقامة معسكراتهم خارجيا ) ويتم عن طريق ادارة الملاعب الرياضية وضع كافة

مسلزمات الاندية من جميع النواحي والخدمات تكون متكفل فيها ادارة الملاعب الرياضية

طبعا في البداية نسوق الملاعب الصناعيه لدينا للاندية نقول لهم عندنا مشروع ملاعب صناعيه

لاقامة معسكراتكم وبفتره اللي تحددوها انتم وجميع مستلزمات احنا نتكفل فيها كل ماعليكم

تجونا وتشوفون الملاعب والمكان المخصص للاعبين والاجهزة الفنيه والادارية بالنادي

(وهاذي راح تكون من 20 غرفة +بوفيات مفتوحه )كل ماعليهم فقط يحددون لنا عمليه الحجز

واحنا نعطيهم سعر المعسكر الحد الادنئ 20 مليون والحد الاعلى 40 مليون وتتكون مابين

شهر الى 3 شهور كحد اقصى .

**********************************************
فكرة المشروع الملاعب العشبية:

وكذلك 4 ملاعب عشبية راح تقام بمدينة ابها بحكم جوها كمان حلو ومناسب لاصحاب السفريات

وقضاء الاجازه هناك

اللي في بالي نعمل تسويق للكليات والجامعات السعودية ونعمل دوري بكل قسم من اقسامه

اي بمعنى اخر الكليات يلعبون مع بعض من الرياض وجده والطائف وابها والمدينة والشرقيه والقصيم

وكذلك ينطبق على الجامعات وكذلك ينطبق على دوري المناطق الرئيسية على مستوى المملكة

وبعد ذلك يتم تقسيم المشتركين من كل مدينة ان يكون 4 فرق بحيث يتم تقسيم الفرق الى 4

مستويات رياضية من كل مستوى رياضي يتكون من 12 لاعب مابين اساسي واحتياط

الاسعار للكليات والجامعات سنويا: 1000 ريال

الاسعار لدوري المناطق المملكة سنويا: 1000 ريال

الاسعار على كل فريق رياضي من 3 مجموعات: 15 الف للمشاركه بالمسابقة

************************************************** *

نجلب شركات راعية ونعمل تسويق للاندية المشاركه بالقنوات الرياضية وmbc

5 شركات راعيه ترى المسابقة وتتكون من :

الراعي الرسمي والراعي الثانوي والراعي الفرعي وراعي المسابقة ادارة مباريات

الاسعار لرعاه المسابقة على النحو التالي:

الراعي الرسمي:50 مليون

الراعي الثانوي:40 مليون

الراعي الفرعي:30 مليون

راعي المسابقة ادارة المباريات:20 مليون

توزيع الجوائز مخصص لهم كل فريق حاصل على اول مركزين يحصل على 3 مليون

************************************************** ***

ملاحظة:

1-ملاعب صناعية وملاعب عشبية يتم تسويق الملاعب بعد اول سنة من تنفيذ الخطة لجلب الاندية

وسرعه الانتشار

2-جميع الملاعب الصناعية والعشبية تنتشر على مستوى المملكة بعد نجاحها بالطائف وابها

3-جميع الاندية من صناعيه وعشبية يتم اعطائهم بطاقات تصريح الدخول للملاعب ويرفض الدخول

لغيرهم اما بخصوص الجماهير اللي بيشاهدون المباريات والمعسكرات راح يتم وضع مدرجات

لحين تسويق بشكل اكبر ووضع اسعار الدخول مابين 20 الى 30 ريال

**************************************************

طبعا هاذي فكرتي الاوليه وحبيت اسئلكم شرايكم بالمشروع هذا هل تشوفوها ناجحه بكل

المقايسس ولا يحتاج ملاحظات وتعديلات بسيطة لاحد يجيني ويقول ملايين اعرف بس مجرد

فكره وطرحتها وهي فكرتي واكيد راح تزرفوها ههههه

وكثير قالولي انت شخصية استثماريه وناوي اغزو الاندية واصير رئيس نادي بس ستندمون

************************************************** *

طبعا حبيت اسئل عن ريادة هل يدعمون هالمشروع الكبيرة فصلت اوم المشروع حلقي تقطع

من كثر ما راجعته 20 الف مره مليت منه ههههههه

تراي قسم بالله من الساعه 10 وانا افصل فيه والعذر والسموحه على الاخطاء ان وجدت لاني

مجود الفكره مابي تطير او انسى شى ببالي ههههه ياخطير

وسلامتكم

وعليكم السلام ورحمة الله وبركاته

وما نيل المطالب بالتمنى******* ولكن تؤخذ الدنيا غلابَا

اخي الكريم انت تقول انك من سكان الرياض وبريدة كيف بتدير مشروع في الطايف وابها


انصحك انك تبحث لك عن ارض تقيم عليها ملعب انجيله صناعية في الرياض وتاجره بالساعه
وشوي شوي تفكر بالتوسع حتى توصل للمشاريع الكبيرة

اذا ما تبي تبدا الا من الملايين ولا تبي تفكر في المشاريع الصغيرة كبداية وخصوصا ان ما عندك راس مال
فاعذرني اقولك مشروعك خسران.

المعذرة اذا كان كلامي صدمة .. التجارة مافيها عاطفة

تبي تسوي كل هذا وانت ماتملك راس مال !!!!!

اخوي مبين ان عندك فكر طيب

ولكن اسمح لي انت من هالتفكير الطويل ان لم يكن هدفك بيع افكارك

فلقد اضعت وقتك في الاحلام

انت ماشاء الله عليك طلعت بفكرة مميزة وقد يقوم بها احد كبار التجار وليس من ليس لديه رأس مال

انصحك سخر تفكيرك وجهدك في تجارة تستطيع الولوج فيها في الوقت الحاضر
او على الاقل اجتهد في تكوين رأس مال لمشروعاتك المستقبلية
وتوقف عن التفكير الغير نافع لك
موفق

عندي راس مال 900 الف ريال

اما بخصوص اللي تقول انت برياض وبريده كيف تدير المشروع بالطائف وابها تراي ماوراي شى فاضي

وقاعد ابدي فيه حبه حبه ولكن لما اتاكد 100% ان رياده تدعم المشروع راح تزيد فرصتي بالاستثمار

في الملاعب الرياضية وبعدين بالاول فكرتي ان ابدا بالملاعب الصناعيه وبعد 6 شهور بعد تسويق

الملاعب على الاندية من الملايين اللي تدخل في خزينه اداره الملاعب اكمل نص المشروع

والنص الثاني يحفظ واخذ بس الناقص من تكمله المشروع وعلى شوي شوي ابدا بتوظيف حراس

امن ليحرسو الملاعب ونبدا بالتوسعه على حبه حبه ونقدم عروضنا للانديه الخليجيه كتسويق

وخلصنا ترى مايحتاج لها اختراع وكل هالتضخيم

ومن الارباح العشبية يتم تطوير خدمات ادارة الملاعب

انت تتكلم وكانك متاكد 100% ان الاندية تبي تستاجر الملاعب وتعطيك ملايين وفي 6 شهور

اخي فكر بتعقل شوي وابدا شوي شوي انت تحتاج اراضي وابنية ومدرجات بتكلفك ملايين

وبدل ما تضيع وقتك وتكتب في المنتدى رح مر على ريادة واشرح لهم فكرتك

اول شي لا تزعل او تعتقد انه تحطيم بقدر ماهو تحذير فلو فكرتك اقدم كان معقول لان دخلت وزارة التعليم والرعاية والشباب والبلديات على الخط لبناء الملاعب العشبية وبناء اندية رياضية وبرضه الجامعات قاعدة تبني ملاعب احتمال على كلامهم ان الاندية تقدر تلعب عليها مباريات فلا تزعل من كلامي لكن حاول تستوعب وباعطيك امثله بالاضافة ان فيه فكرة تعميم الملاعب المكيفه في كل المدن على حسب تصريحهم وراح اعطيك امثله سواء للشباب مع ملاعب المدارس او الاحياء لان برضه يفكروا في فتح المدارس حتى يستفاد منها بشكل مسائي

شف هنا ملاعب تقيمها امانة الطائف تعمل ساحات بلدية للشباب



http://www.altaif.org/index.php/news/details/16458

بكذا اي لحظة ممكن تدمر فكرتك لو المشروع ملاعب صغيرة لان بعض البلديات دخلت في مرحلة انشاء ملاعب وصناعية للقرى وانت ابحث عن ملاعب نجيلة تعملها البلديات في مختلف المحافظات لكن ما يعني ان تمت البداية ان انتهت المكاسب لان لسى باقي احياء وقرى تنتظر دورها وزي ما قلت لا تعتقد انه تحطيم بقدر ماهو تحذير فالفكره حلوه لكن الزين ما يكمل حلاه

هنا برضه مثال للساحات البلدية داخل الاحياء حق قدم وسله وطائره ويد وهذي برضه بدت في احياء المدن زي جده والرياض



http://www.aleqt.com/2008/11/23/article_166930.html

برضه الملاعب العشبية والصالات الرياضية في المدارس مع امكانية ان تفتح للاستفاده منها بشكل مسائي



http://www.alriyadh.com/net/article/819699

عندك منافس في الطائف وهي مدينة الملك فهد الرياضية



ومدينة الامير سلطان الرياضية في ابها لو حبيت ابها



وحتى الباحة مدينة الامير محمد بن سعود الرياضية



بالنسبة للاندية الرياضية فبرضه ممكن تدخل معاك على الخط وتنافس باستضافة اندية وفيه 47 نادي على مستوى المحافظات تم اعتمادها في الاربع السنوات الاخيرة بتقرير 2010 ومرجح ان ترتفع الاعتمادات الجديدة بواقع 20 نادي للسنه وهنا تصميم لاحد النوادي



تختلف التصاميم بحسب التكاليف لكن عادة يكون ملعب رئيسي وملعبين رديفه ومن ضمن الاندية

نادي عكاظ وصوره من قوقل ايرث للعمل على مشروع النادي








برضه في ابها نادي ابها تم اعتماده

[IMG]http://www.1****.com/news/contents/newsm/16078.jpg[/IMG]

صوره للعمل عليه



بالاضافة لنادي ضمك قريب منه في خميس مشيط تم اعتماده وجاري العمل عليه

وفي الباحة جاري العمل على نادي الحجاز في بلجرشي



صوره للعمل عليه



برضه الجامعات داخلة على الخط بملاعب اساسية وملاعب رديفه وفي الطائف جامعة والباحة جامعة وابها جامعة

هنا مثال لملعب جامعة الملك والكلام ان بيتاح للجامعة استثماره لاجل تجري الاندية عليه مباريات من مباريات الدوري والتدريبات عليه زي ما يصير في ملاعب باقي الجامعات مع استيجار انديه له للتدريب





وهنا امثله لتصاميم ملاعب جامعات زي ملعب جامعة الملك فيصل في الاحساء



وملعب جامعة ام القرى في مكه




وهنا من القوقل ايرث ملعب جامعة الملك خالد في الفرعاء في ابها جاري انشاءه برضه عدد المتفرجين 25 الف وملاعب رديفه



برضه داخل على الخط اندية الحرس الوطني وهي معممه في كل المناطق وهنا تصميم ناديهم في الرياض



هذي امثله من ضمن الامثله الي ممكن تحاصر فكرتك حول تأجير الملاعب للاندية وبالمثل معمول مشاريع مشابهه في باقي المحافظات والمناطق بالاضافة للمشاريع المستقبلية والي ممكن يدخل لك على الخط وزارات جديده ممكن انها تعطي عروض استثماريه لمنشآتها

برضه شف خبر عن الملاعب المغطاه

http://www.alwatan.com.sa/Sports/New...9&CategoryID=6

بكذا يكون عندك فكره عن المنافسين لمشروعك فحلوه فكرة الملاعب النجيله لو كانت ابكر او تتأكد من عدم توفر منافسين وعرضت امثله مو لاجل التحطيم انما لاجل التحذير والانتباه وما تجهد نفسك سواء بالتفكير وممكن انك منت مستوعب الي جاري العمل عليه سواء عملت المشروع او ماعملته وكان مجرد تفكير مبني على نجاح مشروع سابق

شوف خلك من الملااعب
انا اقول لووو تسوي ببريده مثل الكرا
الي بطريق الهدا
كله مسابح كبيره
خلهاا احجام وحط بوفيهات اجرها وكوشكات كووفي
وحط رسوم دخوول

وعليكم السلام ورحمة الله وبركاتة


طبعا انا مو سكان منطقة القصيم لكن كانت لية زيارة لها ....... ديرة خوالي


%-- مادام انك من القصيم حلو عندك المناطق القريبة من بريدة ممكن تبعد 70 اللي هي الاسياح وماوراء اتوقع ممكن 10 مناطق وراء بعض .......... ماعندهم قاعات افراح الا وحدة ومعفنة وماشاء الله العروس كثيرة هناك $$$$


%--- المشاريع بالقصيم ماتمشي هناك ماادري وش الاسباب تعود لها : هل عدد السكان قليل او منطقة سكانها متواجدين بالخارج بااختصار المنطقة هادية جدا مافيها حركة

% --- بس اهل القصيم مشاريعهم ماشية عندنا بالشرقية باالخبر وهم اهل التجارة


عموم الله يوفقك ويرزقك ..........