بسم الله الرحمن الرحيم
السلام عليكم ورحمة الله وبركاته

اخواني انا كنت طالب في الكلية الحربية
وطبعا انسحبت منها
انا تندمت صراحه لاكن مايفيد الندم
وابي اساالكم هل سمعتوا ان فيه احد قد رجعوه لها
او فيه طريقة ارجع لها

المشكلة يوم فصلت محد علمني صغير وابي اروح واجي مير ذا الحين متندم
وانا لي سنتين وذي الثالثه

وعليكم السلام ورحمه الله وبركاته

أكبر خطأ سويته أنك فصلت هذي ثلاث سنوات وتتخرج ملازم بإذن الله وبكالوريوس

اللي ينقبل في كليات عسكرية بعد الثانوي اختصر مشوار طويل ووظيفة مضمونه

ماهو سبب فصلك ؟ وكان في ؤقت الإستجداد ولا في الدراسة ؟


//


صعبه جداً الرجوع لو يجيك أمر ملكي ماراح ترجع لأنك فاصل لك سنتين اللي زيك الآن نهائي على وشك تخرج

وعمرك مايسمح والكلية تقبل حديثي التخرج شهادتك الثانويه لها ثلاث سنوات ..الخ

الله يكتب الى فيه الخير ويوفقك

فرصه جتك وضاعت وبتندم عليها بس لاتخليها عقبه في حياتك دور غيرها وربي بيرزقك بأحسن منها

المشكله باللي ماجته ولا فرصه ولا باي قطاع عسكري وذبحته سالفة عفوآ لم يتم قبولك..

انا وأخوي الصغير بالمهاوش مدخله يدرس على حسابي حقوق شوي وروح له لدريته اتوطى فبطنه عشان يكمل دراسته ..

هذي هي المشكله الواحد يتخرج من الثانويه ويحسب ان قراراته هي اللي تمشي ويضيع عمره بدون اي فايده واللي ينصحه يصير عدو له ومايفكر فيها الا بعد ماتمر عليه الدنيا ويشوف اللي كانو يدندنون فذنه موظف ومتزوج ومرتاح

المشكله الكبيره اللي اشوفها الان ان بعضهم ينقبل قبول نهائي باقي له الدورة ويسآل عن الراتب أو يسمع انها كرف ويتركها والمصيبه الكبرى بعضهم يقول انا شعري طويل ومابي أقصه ويقعد يسآل هنا هو لازم اقص شعري او لا

طولت في كلامي لكن وانا اخوك اقرب قطاع يقبلك ادخل فيه والله ثم والله ماحد ينفعك وأسأل مجرب ذبحته الشركات ويدور لو فرصه يدخل فيها لو فراش ..

تحياتي

لا تندم عليها والله ما عليها حسوفه والله كثير دخلوا الكليه الحربية وتخرجوا ضباط ندموا انهم دخلوها و على ترك فرص غيرها
ثق بالله وابحث عن الافضل حتى اقل قطاع عسكري يستلم راتب هي القوات البرية راتب فرد في قطاع عسكري ثاني افضل من ضابط في الجيش

ثق انها خيره لك وابحث عن الافضل

يارجال لاتندم ولا تحسف ،، خلي املك بالله كبير ،

والحين ع فكره تقدر تكمل جامعه : ) التسجيل ب الترم الثاني اغلب الجامعات
سجل ي طويل العمر والسلامه ، وشدها ترم صيفي : )
3 سننوات وترم ، مع الصيفي ، وانت متخرج
قدم ع الامنيه ولا الملك خالد ولا الحربيه وتتخرج بعد 9 اشهر والنجتمين ع كفتك ..

لو تبي العسكريه طبعا .. لو ماتبيها

اطنخ شركه تدخلها اهم شي تخصص ، تخصص مطلوب ب سوق العمل : )

اعرف واحد سحب على الكليه الامنيه ، وندم ندم شديييييييييد وصار مثل النفسيه ، من كلام الناس واهله : )
والحين موظف بارامكو يصك 35 الف الشهر ، ومدير شؤون الموظفين بفرع جده " بريمان " : )

دامها م جاتك على م تمنى قول خيره ي لبى ، والله يعوضك بالي احسن منها ،
بخصوص الرجوع ماعتقد ، انا مثلك فاتني التسجيل هذي السنه وكنت ندماآآآن لان اعرف ناس اقل مني نسبتهم والحين يدرسون فيها ،
لاكن فكرت فيها : ) هي اصلآ 3 سنوات والجامعه 3 سنوات ونص لما تحرق ساعات و ترم صيفي ..
و 9 اشهر الكليه الامنيه يعني 4 سنوات و4 اشهر وانت متخرج ، ماتفرق على سنه دام فيها مستقبل
جاني قبول في البحريه الموسيقى واحتمال ماروح واكمل جامعتي احسن لي ارتاح ب المستقبل ..

فكرت فيها كثير شفت ان البكالورويوس افضل بمراحل ، ويكون عندك مجالات اكثر
لو حالتك تساعدك تكمل جامعه كمل انتظام واحرق صيفي صدقني الايام تمر بسرعه ،ولاتندم على شي فات ،
كلها 3 سنوات ونص وانت متخرج ،
وبخصوص الرجوع اعتقد مستحيل ، لاني دخلت ب موضوعي نقيب عشان يدخلني الكليه " فاتني التسجيل وكنت بلحق ، او بدخل التسجيل الجاي " ولا قدر يسوي شي : )


ولله يوفقك، عليك ب الاستغفار ، واهم شي كمل دراستك وخلي طمووووحك فوق ^.^