السلام عليكم ورحمه الله وبركاته
كيف الحال ياشباب عساكم بخير
بالله عندي كذا سوال عن كلية الملك فهد الامنية واتمنى منكم تكونون متاكدين بالاجابات
1- انا باقي لي اخر سنة في الجامعه تخصص طب وصيدلة وتقريبا معدلي راح يكون لايقل عن 3.80
ونسبتي بالثانوية 93 بالمية وانا اطلعت على شروطهم والحمد لله كل الشروط منطبقة علي
بس ماعندي واسطة ابد كم احتمال يقبلوني بالمية

2- هل اذا تخرجت من الكلية اختار القطاع الي انا ابيه ولا هم يخيروني ومنهم الطلاب الي يختارون قطاعاتهم هل هم الاوائل وكم واحد راح يكونون الاول يعني مثلا (اول 20 طالب يختارون قطاعاتهم )

3- في بعضهم يقولون على حسب التخصص مثلا هندسة يعني دفاع مدني اذا على كذا بالله ابي اعرف طب وصيدلة وين راح يحطونهم وباقي التخصصات وين وهذ اهم سوال

4- صراحه انا اعرف ناس واجد من خوياي افراد بالشرطة وشوي منهم بالمرور ابي اكون معهم
يعني انا كل سبب دخولي الامنية الشرطة والمرور اذا ودوني غير هذا القطاع اقدر انسحب


5- انا يوم تجرجت من الثانوية كان عندي واسطة قوية بكلية الملك خالد العسكرية بس انا ماحب بالعسكرية غير الشرطة والمرور



اتمنى ماكون طولت عليكم بس اهم نقطة القطاع شلون ادخل المرور والشرطة بالذات محتار حيل واتمنى منكم الافادة وشكرا جزيلا

وعليكم السلام ورحمه الله وبركاته


حياك الله أخوي خالد بالقـسم

//

كلية الملك فهد الأمنية الوحيدة اللي تقل فيها الواسطة وبنسـبة 1%

تشوف أي أحد يدخلها قبيلي حضري من الشمال الجنوب الغربية مافي عنصرية ونادر فيها الواسطات

عكس كليات الدفاع والحرس الوطني ..

إذا المعدل على حسب ماذكرت متفوق والحمدلله تخصصك مطلوب في العسكرية وطولك مع الوزن متناسق بإذن الله تدخلها بالراحة ..

الكلية تدرس سنة للتخصصات العلمية والتخرج بملازم أول

وسنتين لتخصصات الأدبية والتخرج بملازم

وطب وصيدلة الدراسة بالكلية سنة وحدة وتتخرج


الكلية تعطي التخصصات على حسب الإحتياج بدفعتك ممكن 1000 الف

تقدر تداقش ( مبادلة ) معهم بسهولة

وبخصوص الـ 20 صحيح هم يختارون التخصص اللي يعجبهم

لكن يقدر حتى المتخرج بمقبول بالدبلوم يتبادل مع أي أحد في الكلية أو خارجها

حتى لو مافي ماعجبك التخصص تدوام شهر وتدور لك بديل وعلى طول تتم الموافقه ويتغير تخصصك

الكلية مافيها تخصصات تدرس سنة كاملة جميع المواد الأمنية والتدريب العسكري وبعدها يجيك تخصص

يعني لا تحتار في التخصص تقدر تغير التخصص بورقة عادي بس يحتاج موافقه

خالي ضابط 4 مرات يغير التخصص ..!! كان في الدوريات وبعدين حول للسجون وبعدها المرور والان هو رائد بقوات الطواري

والله يوفقك يارب

موفق اخي خالد انا بعد اخر سنة لغات وترجمة هل هو تخصص مطلوب ومعدلي 3.5 وطولي 177 ووزني 75 ،،، ابي اعرف معلومات عن الفحص الطبي واللياقة والمقابلة الشخصية تكفووووون جاوبوا ،،،،

شباب سؤال اخر لو سمحتوا هل المطلوب اختبار القدرات للجامعيين والإنجليزي وﻻ بس الجامعيين ؟؟

طب وصيدلة كيف ماتجي

ي اخي العزيز المفروض تمارس تخصصك برتبة ملازم اول ..
تكون عسكري صحي وهذا افضل شي على سلم الكادر الطبي وليس العسكري
عندك خمس دورات متاحه لك بعد التخرج ..
1- الكليه الامنيه
2- دورة الضباط للخدمات الطبيه بوزارة الداخليه وهي للتخصصات الصحيه والطبيه
3- كلية الملك خالد العسكريه
4- دورة تأهيل الضباط فالشؤون الصحيه للحرس الوطني
5- الدراسه فالخدمات الطبيه للقوات المسلحه.
بالتوفيق

تجي ياخوي انا تخصصي طب انا اطلعت على شروطهم بالموقع وقالوا طب وصيدلة يعني انا معي تخصصص طب

ياعيال انا بس ابي اسال بخصوص القطاع طبعا كلنا نعرف ان الاستخبارات والمخدارت اكثر القطاعات المرغوبة

وعليها زحمه كبيرة بس ابي اعرف هل الشرطة والمرور من القطاعات المرغوبة ولا ماحد يبيها

واذا انا حطوني بالدفاع المدني وحطوا واحد من خوياي بالمرور نقدر نتبادل انا وياه اذا كنا موافقين

وشكرا

الشرطه والمرور وأمن الطرق والدوريات الأمنيه كلها تندرج تحت قطاع الأمن العام يعني تتعين على قطاع الأمن العام بعدها لاتخرجت نهائيا من الكليه تروح لمديرية الامن العام ومن هناك يتم توجيهك حسب أقدميتك على القطاع المتوفر من قطاعات الأمن العام
الشي الثاني غالبا تعيينك يكون بأحد مستشفيات قوى الأمن بحكم تخصصك
ثالث شي لاحق على الأمور هذي ركز بدراستك وبالنسبه للواسطه موجوده بس قليله جدا