مساكم الله بالخير والمسرات

ياجماعة الخير انا بقدم على قياس للجامعيين عشان اذا الله سهلها بكمل دراسات عليا
بس المشكله لما يكتب اختاري تخصص (علمي - ادبي -عام- كل التخصصات )
ايش اختار؟؟
الشي الثاني هل اللي معهم بكالوريوس او ماجستير يمتحنون نفس اختبار الجامعيين؟؟ يعني كلهم سواء ولا اختبار اللي ماخذين ماجستير شي ثاني؟؟
الله يسعدكم ردو علي لاني ابي ادخل

اختي فيه بالموقع حقهم رقم مجاني يردون عليك ع مدار الساعه موفقه

حياك الله أختي . .
تأكدي أنك مختارة [ قدرات الجامعيين ] . .
لأن اللي يخيرك في التخصص اللي [ أنا ] أعرفه إختبارات قدرات العامة .. للطلاب والطالبات
بناء على شهادة الثانوية يقول لك وش تختاري تخصصك يعني كان في الثانوية أدبي او علمي
وبصراحة مااعرف في القدرات كثير
لكن أفضل لك تأكدي من الطالبات المتقدمات مثلك لأن المركز أحيانا يرد رد عشوائي . .
يعني مايقولك بالتفصيل وش تسألين عن شيء ويعطيك المواعيد
ولو تبين تسألينهم هذه حسابتهم
faq@qiyas.org)

هذا تويتر
@QiyasOnline

الرقم الموحد 920001170

انا كملت ماجستير بدون قدرات جامعيين لان الجامعه اللي قدمت فيها القدرات مو من شروط التسجيل
لكن اللي اعرفه ان بعض الجامعات مو كلها تطلب قدرات جامعيين
واللي مؤهله ماجستير وبيدخل دكتوراه يقدم ع اختبارات التوفل وهذا ايضا ببعض الحامعات مو كلها
انتي شوفي الجامعه اللي بتكملي فيها ممكن مايطلبوا قدرات جامعين من شروط التسجيل اذا هو من شروط التسجيل توكلي ع الله وسجلي واذا كان تخصصك من الاداب الانسانية مثل الدين الاجتماعيات العربي اختاري ادبي واذا من التخصصات العلمية علمي
والله يوفقك

بعض الجامعات من شروطهم اختبار قدرات للجامعيين وبعضهم يبغى درجة معينة
مو كل الجامعات
لكن كثير منها تشترط هالشرط
واللحين اشترطوا حتى اللي معها ماحجستير وتبي تكمل دكتوراه لازم اختبار القدرات

أنت اتصلي عليهم وبيردون بإذن الله
احسن تتاكدين منهم
ومثل ما قالت الاخت أنا اللي اعرف تجي هالخيارات في اختبار القدرات العامة الثانوية
لكن اختبار قدرات الجامعيين لا

الله يوفقك وييسر امرك

اكتبي كل التخصصات أو عام كلهم نفس الشي , اختبار قدرات الجامعيين نفسها لكل الأقسام

مووفقة ..