السلام عليكم ورحمه الله وبركاته
عندي سوال لك ياجندي الحين نظام ترقيه الجنود
من جندي الى جندي اول سنتين
من جندي اول الى عريف 4 سنوات
ومن عريف الى وكيل رقيب 4سنوات
ومن وكيل رقيب الى رقيب 4 سنوات
يعني يبيلك 14 سنة عشان تصير رقيب

ياخي يرحم امك ادرس اسهل تخصص باي جامعه انتساب ب4سنوات وعلق 4خطوط
يعني بعد 14 سنة راح تكون معلق نجمه منهو معي بالكلام هذا

انا معك ،، بس الدنيا اجبرتنا على التجنيد ،، وانت لا تحسب الجامعه مثل الثانوي الجامعه مافيها تسهل تخصص كلها صعبه ،، انا جندي طرطور اخر الطابور فالحرس الملكي

وازيدك من الشعر بيت الشهاده الجامعيه تعطيك ملازم اول .. مو اربع شرطات

كلامك سليم

بس في ناس محتاجه راتب عشان ياخذ سياره وبيت ويتزوج ومافيه من صبر ٤ سنوات وعلى مكافئه ماتتعدى ال ٩٠٠

من قالك ان الشهادة الجامعيه تخليك رقيب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ي حبيبي جاني قبول ب البحريه ، ودخلت على العقيد ، وقلت له
انا صغير ب العمر ، وادرس جامعه ، بكمل واشتغل ، لو جبت البكالوريوس اترقى ؟؟؟
قالي لاآآ ، ماتفيدك ، من جندي الى رئيس رقبآء ب الثانويه .. البكالورويس يمكن تفيدك ب النقاط بملفك
وتنقص سنوات الترقيه للرتبه بس ..

--
واحد من العيال انقبل ب الحرس الملكي وكان بيكمل بكالوريوس ، ونفس الهرجه : )
قالو م تفيدك ب الترقيه الا يمكن رتبه بس ..

اما انك تعلق رقيب ، ولا تعلق نجمه
ياخوي يرحم امك جيب كلام متاكد منه ،
لو كذا كان الناس كلها دخلت جنود وبعد 4 سنوات شفتهم ضباط ..ولا رقبآء
ترا الشغله تعقيد ، ومايحس ب الجمره غير واطيها ..

الله يعين بس ، ويسهلها لكل جندي ..

الله يعينك !!!!

صراحة اتعبت من بعدك بتفكيرك

انت نابغة ومنقذ نظام خدمة الافراد

انت سبب رئيسي في نظرتك الثاقبه للزملاء الافراد في السرعة للترقية

انت سبب في توسعة مداركنا باطلاعك لنا باسرع الطرق في القفز بالترقية


تعرف تستريح ؟ ؟

الظروف حدتنا وناخوك فيه ناس مامعهم بيوت ولاسيارات ويبون يتزوجون ويسترون نفسهم

هل معقوله انك بتزيد انتظار على سنوات العطاله تزيدها بالجامعه 4 سنوات


الواحد يتوظف ويكمل نواقصه سواء بيت او سياره او زوجه

انا ماقول غير الا

الله يوفقني وياكم الى مايحبه الله ويرضى به علينا

هذا اذا اتخرجت من الجامعه بعد 4 سنوات في تخصصات يبيلها 5 سنوات

واحسب من غير سنوات السقوط لاقدر الله يعني تخش ب 6 او 7 سنوات لاقدر الله