السلام عليكم ورحمة الله وبركاته

وكل عام وانتم بخير بمناسبة عيد الأضحى المبارك

عندي استفسارات مالقيت لها إجابات بخصوص الكليات العسكرية للجامعيين
الآن الكليات العسكرية اقدر اقدم عليها كجامعي

وبالنسبة لكليات وزارة الدفاع والطيران

لو انا مثلا تخصصي صحي (طب،اسنان،صيدلة،علوم طبية،طوارئ)

اقدر اقدم على كلية الملك فهد البحرية وكيف راح يكون نظام الدورة
و وش راح يكون المسمى بعد التخرج وهل أستطيع التوجه بأمور غير تخصصي
وهل اقدر أكون اداري او مكتبي وانا تخصصي صحي وهل اقدر أخذ دورات عن البحرية بالخارج

ونفس السؤال عن جميع الكليات وكلية الملك فيصل الجوية



أتمنى من عنده خلفيه واطلاع يرد علي او يسأل اي شخص عنده خلفية

الله يوفقكم الإجابة مهمة لأني ماعرف احد بالقطاع العسكري ومواقعهم معلوماتها غير واضحة


وياليت اللي مو واضح له المقصود يسألني الله يوفقكم

الجامعيين يقدمون بدون اختيار الكليه او القطاع وبعد القبول النهائي وتسليم الاصول و قبل الدوره بثلاث ايام يتم توجيه كل شخص الى قطاعه اجباري وليس اختياري
مدة الدوره 9 اشهر بالسابق كانت موزعه باكثر من مكان خميس مشيط والجبيل والطايف اما من السنه هاذي صارو كلهم بالرياض بالكليه الحربيه ...بالغالب العمل يكون في مجال التخصص

الله يعطيك العافية اخوي بس حبيت اعرف لو مثلا صرت دكتور يصير اسمي دكتور ملازم بحري والدوام بالبدلة الرسمية وانا اقصد أيضاً هل أستطيع أخذ دورات بالعلوم البحرية من الكلية سواء ابتعاث او الخ...وأقدر أصير بعدين مكتبي مثلا لو أخذت ماجستير إدارة وانا بكالريوس تخصص صحي طب او صيدلة او علوم طبية
اتمنى التفاعل منكم الله يوفقكم لم اجد من يعطيني الإجابة الكافية ادري أسئلتي صعبه بس ذوي الخبرة يعرفون بإذن الله


والله يوفقك ملازم بنجوم ان شاء الله على الرد وعلى اهتمامك يالغالي

بمآ إن توجهك يعتمد على أجابات الأعضاء فآ بأقول لك اللي متأكد منه
إذا دخلت للكليه البحريه بعد الثانوي ودرست ثلاث سنين وتخرجت بتكون حاصل على شهادة بكالوريوس علوم عسكريه ..
وإذا دخلت للكليه البحريه بعد الجامعه ودرست سنه وتخرجت بتكون حاصل على دبلوم علوم عسكريه

هذا اللي اعرفه وأعذرني عالقصور ..

وعليكم السلام ورحمه الله وبركاته

لكم تحصصات وبدلات عملكم مختلف عن العادي والفني ..

وبخصوص الشهادة تكون دورة تأهيلية تسمى ( دبلوم )

ولا تخاف لو تبي تكمل دراستك العليا يتيح لك العمل الفرصة والدراسة بالخارج أو هـنا

لكن طريقة التقديم على وزارة الدفاع وهم يحددوا لك الكلية مو أنت

ممكن في البحرية أو الحربية أو الجوية أو الدفاع الجوي أو الخدمات الطبية للقوات المسلحة ..الخ

على حسب يحطوا كذا واحد في كم كلية ..


بالتـوفيق يارب

طيب اذا حطوك بقطاع ماتبيه تقدر تتبادل انت واحد اذا كانوا الطرفين موافقين