السلام عليكم
اخواني الاعزاء قررت بعد تفكير طويل
اسوي مشروع خباز ايراني

سؤالي

ابي استاجر محل وقالي الاجار ٥ الاف
وانا مفكر اجر المحل لمده ٥ سنوات لاني خايف يرفع علي الاجار

الزبده وش فايده العقد ابوخمس سنوات هل اقدر انا افسخه في حال مامشي المشروع

وهل فكرتي زينه وتفيدني وتحميني من سالفه رفع الاجار

لاتحرموني من اقتراحاتكم وافكاركم بالنسبه لفكره المشروع وسالفه الاجار
والله يجزاكم الجنه

تقدر فى اى وقت تفسخ العقد
فكرة جميلة

فكره جدا جميله انك تسوي عقد ا5 سنوات
بس انصحك بالبدايه تستأجر المحل سنه وحده
وشف اذا مشروعك نجح او لا
واذا نجح استأجر المحل لمدة 5 سنوات
وعندي سؤال ..
المحل بأي مدينه؟
لأن غريبه ايجار محل بـ 5 ؟
وشكرا

في الرياض محلات على 8 الاف بس يمكن المحل صغير اذا ما خاب ضني

وعليكم السلام ورحمة الله وبركاتة

المحل 5 الاف بالسنة او بالشهر او عدد من الاشهر !
والله زين اذ بالسنة وان يكون الموقع ممتاز

الله يوفقك ويرزقك .......... وبالتوفيق

الاغلب ان صاحب الموضوع يقصد 5 الاف في الشهر يعني 60 الف في السنه وهذي اسعار الايجارات في بعض محلات الرياض وخصوصا الشمال

فعلا سعر الايجار بسيط جدا ..
لكن تأكد قبل عقد الايجار هل 5الاف بالشهر يعني بالسنه 60الف ؟
لو قال ايوا والمحل كان صغير ايجاره غالي ..
والافضل تبحث لك عن سعر اقل ويكون موقعه على شارع عام او موقعه فيه كثافه سكانيه..

اما اذا قال الايجار 5الاف بالسنه هنا في الامر شك لانه الايجار قليل جدا وتطلب منه اوراق تثبت انه المحل له..

والله يختارلك الخيرررر

جزاكم الله خير

لمده خمس سنوات ممتاز يضمن لك الطرف الثاني بعدم زياده اﻻيجار في الخمس السنوات وانصحك اﻻبتعاد عن العقد المفتوح