السلام عليكم ياعسولات
اخباركم خواتي الحلوات اخبارك اختي الرائعة ترف
معليش تحملوني بغثكم شوي وبكتب لكم نبذة عن يومياتي مع انتظار نتائج قياس
للاسف لي اكثر من اسبوعين مانام الا والجوال بجنبي عشان اول ماصحى اشيك ع طول على موقع قياس من يوم اصبح لحد النوم وانا اشيك على النتيجة
مين مثلي يعني بحدود العشرين مره اشيك تزيد وتنقص
ولا اخفيكم لا طول وهو يبحث عن النتيجة عبال ماتطلع جملتهم الحلوه لاتوجد نتائج بحث متطابقة هنا تبدا الايادي بالارتعاش والقلب بالخفقان وخوف شديد وسرعة في التنفس تعلو وتهبط
وثم تطلع عبارتهم الجميلة وثم ابدا بالغضبمنهم على الاطاله واقول لهم وكأنهم يسمعوني والله لو انكم تبلطوا الربع الخالي يمديكم خلصتوا وسكنتوا

ودي اشوف الاجتياز وارقص
تعبنا من الانتظار
والا اقولكم خلاص الحين ابغى النتيجة تطلع والسلام سواء مجتازه او لا
شاركوني بيومياتكم الحلوه مع قويسان اللي اشغلنا حتى عن العيد

ههههههههه انا كنت احسب إنى انا بس اللي اسوي كذا وازيدك من الشعر بيت انا من يوم اصبح وانا ادق على مركز قياس وما فية احد يرد بس مرة وحده ردو وبعدها ما عاد ردو ......الله يعينا ويوفقنا يارب اجمعين

الحال من بعضه يا اختي طوولوها وهي قصيرة
وربي تعبت من الانتظار ماكفاهم كرفنا في المذاكرة ومن قبلها انتظار تحديد مو عد اختبار الدفعه الثالثة اللي ما جاء الابعد طلوع الروح ماقول غير صبر جميل والله المستعان

عاد تدرون انا ماشلت همه ولا شي بس ابغى اشوف كم نتيجتي واشوف وش هببت لاني ماذاكرت ولا سويت ولا شي دخلت على عماب لانه كان قبله مقابله لوظايف ديوان المظالم وصرت مثل الغراب اللي ضيع مشيته لا تجهزت للمقابله زين بس احس طلعت وانا راضيه عن نفسي تمام الرضى اما القياس من لحست المخ ماذكر شي واذا ذكرت يطلع علي غلط الاختيار وبس هذي يومياتي

الله يصبرنا عليهم يارب انا احس بكأبه حاده من يوم اختبرت لحد الحين وطفش والدنيا مسوده في عيوني حتى العيد ماحسيت فيه كله تفكير بنتيجه . وخايفه بقوه من اني ماجتاز ولا عاد لي نفس اختبر مره ثانيه صار الاختبار لي كابوس يداهمني ماعاد ودي اسمع طاريه مره ثانيه .حسبي الله ونعم الوكيل فيهم

وكليها لله اذا لنا رزق بناخذه

يالله يااخوات سوى اجتزنا او مااجتزنا عاالمكتوب وكل واحدة نتظر له ان اختبار دنيا
فالله يعين عااختبار الاخرة يوم لاينفع فيه مال ولابنون
والله يوفق الجميع

انا من اختبرت وام الركب صاكتني لليوم وستين الف مره افتح ع الموقع وكل ماجاء مسج ع جوالي اصيح واقول كفايات وف الاخير يطلع مسج من موبايلي واحلف بعده ماعاد اشيل همه ولا فاي فايده ارد لعادتي القديمه

تجي وقت ماتجي

بصراحه ما اشتغلت نفسي فيها لاني انشغلت عنها بأمور ثانية

ان شاء الله الجميع مجتاز