السلام عليكم ورحمة الله وبركاته
ارجوا افادتي
شخص عرض علي 2000 حبه اكسسورات جوالات ( اغلفة ) بسعر الجملة
ما الذي افعل ؟؟
وكيف لو شريتهم طريقة تسويقهم وبيعهم في المحلات في اسرع وقت وكيف المحلات تثق فيني
لاهل الخبرة ارجوا افادتي وشكراً لكم

ما عطيتنا الارقام

اقصد كم التكلفة؟ وكم سعر البيع

السلام عليكم
شوف غالبا مثل هذه العروض تكون البضاعة ناشبه بحلقه ومهو قادر يصرفها
قول له أخذها منك على التصريف، او اشتر نسبة ٢٠٪ من البضاعه وحاول تسويقها
والأفضل
خذ عينه من كل صنف وابدأ التسويق لها في محلات الجوالات قبل ان تدفع اي مبلغ ، وشوف الإقبال عليها

خذ لك عينة وقول أبي أعرضها على شخص يمكن يقتنع فيها ويشتريها وتكون لي نسبة منها طبعاً هو رايح يوافق
أنت خذ العينة ومباشرة روح اعرضها على محلات الجوال اذا وافقوا يشترونها انت مباشرة روح اشتريها وصرفها عليهم أما إذا ماوافقوا اعرف انه مبتلش فيها.




في حالة رفض يعطيك العينة اعرف انه نصاب .
أهم شي حاول تعرف ان البضاعة نفس العينة اللي بيعطيك اياها .

طبعاً أنت سعودي وتلاقي بعض المحلات أجانب أول مايخطر في بالهم انك انك مانت فاهم في السوق وهم بأي طريقة يحاولون يحطمونك حتى تبيع إما بخسارة أو برأس المال أو بمكسب لايكاد يذكر .
إذا كان كذا دور لك مصرف ( موزع ) أجنبي وقوله صرف لي البضاعة وابي منك في كل قطعه مبلغ كذا والزايد لك طبعاً وهو أكيد ماهو خسران لانه مصرف أو موزع .

انصحك باﻻبتعاد عنها اذا انت تبيع بالجمله في السوق في غيرك يبيع بجمله الجمله للمحﻻت فبكذا انت خسران ميه في الميه

بعض الأجانب من شدة مافي قلوبهم من حقد وحسد ومن شدة خوفهم من دخول ابن البلد في عالم التجارة يقولون لك لاتدخل السوق وترى السوق مليان هوامير أنت سوي الطريقة اللي قلت لك وبإذن الله تنجح معك .



أتمنى وصلت الرسالة

يا ناس لا تخوفون الرجال والأجانب مو كلهم سوى
انا كذا مره رحت أسوق ولا شفت الشي هذا
مره دجاج ومره معاميل با العكس شفت تشجيع من بعضهم بحكم إن عمري صغير ونسبة المحطمين قليل
أفضل طريقه اللي قالها أخونا بن هديبان خذ عينه من كل صنف وابدأ التسويق لها في محلات الجوالات وإعرض عليهم السعر والعين اذا شفت فيها اقبال من بعضهم بحيث إنه يخارجك ولو بمكسب قليل توكل على الله
أقل شي اكسب ثقتهم والمسأله مسألة وقت وتورد للسوق كله بإذن الله

السلام عليكم
مداخله خارج الموضوع
عبدالرحمن اا افتح موضوع جديد للرد من قبلي او اخرين
البريد عندي لا يرسل بسبب عدد المشاركات