السلام عليكم ورحمة الله وبركاته
اخواني انا من زمان عن المنتدى كنت مدمن عليه ادمان غير طبيعي لظروف عملي السابقة كنت اشتغل في شركه وكنت فاضي
لا كن الأن في وظيفة حكومية وطول وقتي مشغول والراتب ما يكفي الحاجه لا كن الحمد لله الامور ماشية
ابغى مشوركم في فتح محل قطع غيار خارج منطقة الرياض 150 كيلو في احد القرى
ابغى المحل كم يكلف وش مميزاته وش سلبياته وتنصحون فيه ولا لا
مع العلم ان الديرة الي انا فيها يوجد بها محل وصاحب المحل مهمله لانه يبيع القطع التجارية بسعر الأصلي بالرياض واموره ماشيه

ﻻتستهين بمحل قطع الغيار فاتكلفه عالبه جدا فاذا ارادت ان تفتح لك محل صغير ﻻيقل المبلغ عن 500الف ريال كبدايه

كذا تحطيم
نبي احد يشجع

ماعندي خلفية عن التكلفة اخوي

لكن ما اعتقد توصل التكلفة الى 500 ألف اتوقع اقل بكثير لي زميل عنده محل قطع غيار بالرياض السلي وكلفه 150 الف تقريباً واموره ماشيه عال العال

ابحث عن دراسات جدوى جاهزة لقطع الغيار وربي يوفقك

لكن الأفضل تفتح المحل بجانب منطقة ورش صناعية يكثر فيها اعمال صيانة السيارات ويكثر الطلب على قطع الغيار

بالتوفيق

جزاك الله اخوي وائل على الرد
وننتظر المزيد من اهل الخبرة ونصائحهم

اهلا اخي

مثل ماقال اخي المعلوي نايف قطع الغيار تحتاج الى راس مال كبير

والقطع الغيار فيها خير كثير وهي تعتمد على الدين واغلب اللي تشوفهم في القطع الغيار كلها بضاعتهم دين حاول تدور لك على مندوب وتتفق ينزل لك بضاعة وتعطيه دفعة كبيرة اول مرة وحاول تركز على نوع معين مثلا تويوتا او هونداي وركز اكثر شئ على القطع الاستهلاكية

اتمنى لك التوفيق

بالتوفيق