السلام عليكم ورححمة الله وبركاته ..

قررت إن شاء الله أدرس بمعهد الجزيرة مدحوه لي أفضل من الخليج
..
ولكن محتاره بين

كامبردج

وإدخال بيانات ومعالجة نصوص ..

يقولون الفرق أن الأولى فقط أوفيس

اما الثانية فيها طباعه وغيره ..

وش رأيكم وش أفضل ووش المطلوب يعني في القطاع الخاص اللي ذبحونا فيه لازم خبرات ودورات
وأنا متمكنه صراحه من الحاسب ولاودي أبدأ من البداية
ابي شيء بسسرعة بأقصى وقت ممكن
لو تنشري شريتها

وسلامتكم

وعليكم السلام ورحمة الله وبركاته

* ترف قرار سليم ربي يوفقك لكل خير

بداية ادرسيها من كل النواحي :
صفّي ذهنك من جميع المؤثرات المثبّطة
و حدّدي بعض النقاط
حتى تكون الرؤية واضحة لديك


- (حددي) تريدين أي قطاع ؟
-تخصصك ماهو ؟
-مايناسبه ويدعمه ؟
-ميولك ؟ < نقطة مهمة لأنك ممكن ماتستمرين إذا ماحبيتي المحتوى اللي بتدرسينه
ولايكون همّك شهادة تفيدني وبس ! لا .. راح تستفيدين أنتِ شخصياً حتى من التعامل
مع فئات الناس المتنوعة ، راح تكتشفين فيك أشياء ماتعرفينها
كأني طلعت خارج الموضوع لكن عن تجربة استمتعي بكل ماتتعلمينه لنفسك ولإفادة من حولك

و في الأخير حلو الإستشارة لكن الوحيدة القادرة على إتخاذ هالقرار هو ( أنتِ ) لأنك أعلم بنفسك منّا
وأنصحك تزورين المعهدين كزيارة أولية قبل التسجيل واسألي الطالبات عنه بشكل غير مباشر
وشوفي طريقة تدريسهم والعوامل الأخرى ...الخ واستخيري قبل كل شيء و راح تطلعين بنتيجة إن شاء الله .

الله يوفقك تروفه
استعيني بالله وخذي معالجة نصوص انا اخذتها بعد ماتخرجت على ست شهور وطبعا لاننا عارفين في بعض الامور طلبنا من المدربه تضغط علينا في الوقت وتخلصها في اقل من يت شهور

يعني خراطين في الشهاده مكتوب ست شهور
وهي في الحقيقه ثلاثه او اراربعه بس شامله المنهج حقهم

وعالعموم لاغنى لك عن الاستخاره

ربي يوفقك ويغتحلك ابواب الخير من حيث لا تحتسبين