السلام عليكم ورحمة الله وبركاته
سمعنا كثير حول نتائج الاستخبارات العامة يقولون طلعت النتائج
واذا دخلنا موقع الاستخبارات لا نشوف لا ارقام ولا هم يحزنون
بس نشوف الطلب تحت الاجراء وانا نظريتي انها اشاعة مع احترامي
للناس اللي تقول طلعت وعندي دلائل على ذلك وهي
1-انه البريد الالكتروني للاستخبارات
gip.gov.sa@*******
2-الاستخبارات لها موقع اذا فيه ارقام طلعت بتشوفونها على الموقع
ولا ليه حاطين موقع
3-عندي اثنين من اخواني في الاستخبارات يقولون انهم منشغلين بالترقيات
والعساكر اللي بيتقاعدون بعدين تطلع الارقام
4-واحد من الشباب قريبه برتبة رائد بالاستخبارات يقول ان الارقام ما تطلع
قبل شهر ثمانية
5-اذا واحد انقبل يرسلون انه انقبل وتجي بالموعد الفلاني ليه يرسلون ارقام
الطلبات الثانية له

هذا رأيي بالموضوع والله ولي التوفيق

ينقل للقسم المخصص

__________________
ومن يعمل من الصالحات وهو مؤمن فلا يخاف ظلما ولا هضما

يالحبيب انا اعرف واحد من الشباب قبلووووه وانتهى وضعه وانت الى الآن تحتري

بالنسبة للي معه ثانوي ماقبلو منهم الا قليل اما الباقيين جامعيين لا وطلبوا منهم انهم يستغنون عن شهادة الجامعة لأنهم بيعاملونه مثله مثل الثانوي ....

خويي اتصلوا عليه وقالوله تعال وحضر باليوم الفلاني وجب معك الشهادة والصور الخ.....
هو داخلها بواسطة يعني الي مامعه واسطه يردد..

وبانسبه للكفاءه مالهم نصيب

اللــه والعـالـم كـل شـي جايــز
يمكن الي انقبلو شغل واسطات قبل الزحمه والدوخه او حسب الافضليه في الشهادات
هذا على كلام مهجول المدينه اذكان صادق

خذوها مني مصدر موثووووووووووووووووق (( الاستخبارات بدأو بالاتصالات لهم اسبوعين ))
بالتووووووووووووووووفيق للجميع .......

السلام عليكم ورحمة الله وبركاته

اخي وحبيبي وصقيقي الصقوق << مسوي يعرفه هههههههههههههه


انا الي هو انا الي قاعد اكتب لك هذا الرد انا شفت كيف انا شخصياً اتصلو فيني

وحضرت المقابله الشخصيه في الرياض في ام الحمام وتم فحصي بالمستشفى

وبعدين يوم تقول اشاعه ماتوقع وانا اخوك انه فيه

شخص داخل هالمنتدى وبيقعد يوزع اشاعات لأنه ماراح يستفيد شي من كذبه

لاكن انا مثل ماقلت لك واحد من الي ارسلو لهم رساله على الجوال لاحظو انه الجوال

انا من يوم قدمت مارسلت لهم شي ولا حاجه هم ارسلو لي على جوالي هالرساله بالنص

موعد مقابلتك لوضيفة عسكرية
بالأستخبارات الاحد 3 رجب
لمعرفة المطلوب احضاره
ارسل اسمك
ورقم طلبك
وسجلك المدني
الى
gip1gov@gmail.com

هذه الرساله الي جاتني بالضبط

وقتها رحت وسويت لي ايميل على gmail وارسلت لهم

اسمي ورقم طلبي ورقم السجل المدني على هذا الايميل الي تشوفه

وردو علي برساله اليوم الثاني الصباح وهذا الكلام قبل المقابله بثلاث ايام

ومكتوب فيها كالتالي

1- تأكد من وجود رقم سجلك المدني أدناه ورقم طلبك ( الأرقام موجودة آخر هذه الرسالة).
- الرجاء تأكيد استلام هذه الرسالة

2- عليك بتنفيذ التعليمات التالية بدقة:

الحضور :
الساعة الثالثة والنصف فجراَ,
على العنوان التالي: الرياض
رئاسة الاستخبارات العامة مبنى الشئون الإدارية والمالية
حي المعذر الشمالي
تقاطع طريق الأمير تركي بن عبدالعزيز الثاني
مقابل صناعية علي بن علي بأم الحمام
جنوب شرق جامع الملك خالد بأم الحمام
مبنى رخام رصاصي دورين
تجد عليه حراسة عسكرية
وتسأل عن مقر لجنة القبول والتسجيل
مدخل المبنى من الجنوب من داخل الحي
القبول خاص بمن تم الإتصال به فقط.
مطلوب إحضار الآتي:
1- استمارة طلب القبول مطبوعة من الإنترنت.
2- صورتين مصدقتين من جميع الأوراق الخاصة بالمؤهلات العلمية والعملية الخاصة بالطالب.مع كتابة الإسم بخط اليد والتوقيع على كل ورقة. مع إحضار الأساسات - إن وجدت - .
3- أصل بطاقة الأحوال مع صورتين واضحتين جداَ(تكبير 200%) وكتابة البيانات عليها بخط اليد والتوقيع عليها.
4- أن تكون صائم على الأقل من الساعة العاشرة مساءَ .
5- ارتداء زي رياضي مناسب ومريح ولائق و لا يوجد به كتابات أو شعارات من أي نوع.
6- صورتين مصدقتين من حسن السيرة والسلوك.
7- صورتين مصدقتين من الشهادات الفنية والسجلات الأكاديمية – إن وجدت – .
8 – صورتين واضحتين لدفتر عائلة والد الطالب.
9- صورتين لبطاقة أحوال الجد - إن وجدت - .
10- صورتين من بطاقة ولي أمر الطالب في حالة وفاة والد الطالب .
11 - عدد 8 صور شمسية ملونة مكشوف الرأس 3 x 4.
ممنوع إحضار الجوال داخل مقر اللجنة وسيتم منع من لم يلتزم بتعليمات لجنة القبول.


وعلى فكره كل شخص يبي يشوف هو مقبول ولا لا يرسل لهم على الايميل الي ذكرته

الي هو هذا

gip1gov@gmail.com

وسبق وذكرت الي سار معي بالتفصيل في موعد المقابله

وهذا كان ردي على احد المواضيع

لما جاء يوم الأحد رحت لهم الرياض ودخلت عليهم الساعه 3 ونص فجراً

طبعن ممنوع الجوال

اول مادخلت خذو مني بطاقة الأحوال

وعلقو على رقبتي رقم

دخلت صلينا صلاة الفجر الحمدلله

بعدها جلس يتكلم الرئيس رقباء ويلقي التعليمات الي نسويها خلال الفتره الي موجودين عندهم

بعدها توجهنا الى قاعه وكل واحد يجلس على الكرسي الي فيه الرقم الي معلقينه برقبته

يعني 1 يجلس على كرسي 1 و 2 على 2 وهاكذا الى 40

لأن هي ينادون الطلاب دفعات على 40 طالب كل يوم

المهم وزعو علينا اوراق موجود عليها اسأله والأجوبه اختيارات أ.ب.ج.هـ

ولك 20 دقيقه فترت الأمتحان

وبعدها يسحبون الأوراق

وقالو لنا الأن راح نتوجه الى للخدمات الطبيه لأجراء الكشوفات والتحاليل

طلعنا من القاعه لقينا باصين في انتضارنا ركبنا في الباصات وكانت قدامنا دوؤيه

<< حس انه يجي منه فايده في الوطن عشان كذا خايفين عليه

هههههههههههههههههههههههه
هههههههههههههههههه
هههههههههه

وصلنا المستشفى الساعه 5 ونص فجراً

وكان الكل بأنتضارنا ماشالله استقبلونا افضل استقبال

بيض الله وجيهم وماقصرو

دخلنا المستشفى وللدور الثاني وجلسنا في الصاله الكبيره وكانت الكراسي على الجدار

طلبو منا نرفع البنطلونات الى فوق الكربه ونفصخ الجزمات تكرمون

سوينا الي طلبوه والأن بدينا برحله بترتيب على اقسام المستشفى

بدينا اولاً بتدوين اسامينا والتوقيع على التعهد بأنك مستعد للفحص وتستلم بطاقتك الأحوال

ثانياً اخذو منا الوزن والطول حسب ترتيب الارقام

ثالثاً اتجهنا بترتيب حسب الارقام الى المختبر لأخذ علبتين مستطيله من الدم
وعلبه كبيره للبول وانتو بكرامه

بعدها يخلونكم تفطرون لأنكم صايمين بعد الفطور

رابعاً اتجهنا بالترتيب وحسب الأرقام الى عسادة النفسيه
يعجونك ورقه مكتوب فيها جمله تقرائها ويكون فيه كلمه مو صعبه بس كلمه عربيه فصحأ
يخلونك تعطيهم معناها
مثلن انا عطوني

أتق شر الحليم اذا غضب

قالو وش معنى ( اتق ) << جوابي كان احذر او ابتعد << والحمدلله صح هع

خامساً الى الجراحه بالترتيب حسب الأرقام << وهنا مربط الفرس وهنا قام البقس

ههههههههههههههههههههه
هههههههههههههههه
ههههههههه

طلبو مني امد يدي بشكل مستقيم وطلبو مني اضم رجلي جنب بعض مدري ليه بس هم يبون كذا

واخر طلب هو الزبده << يحس انه مايقدر يقول << ااااااااه راح الشرف

ههههههههههههههههههههههههههههه
ههههههههههههههههههههههههه
ههههههههههههههههههههه
هههههههههههههه

لا امزح الرجال مايعيبه شي هع << يقنع نفسه هههههههههههههههههههه

طلبو مني اطيح البطلون الى الركبه :o << وخذا فره على نفسه بشكل سريع

بس ترى الدكتور كان مغمض لا تحسبون انه يطالع

هههههههههههههههههههههههههه
هههههههههههههههههههه

سادساً توجهنا الى العيون وفحص النظر حسب الترتيب بالأرقام

وبعد فحص العيون

سابعاً توجهنا الى الأشاعه حسب الترتيب بالأرقام

وسوينا اشاعه على الصدر والظهر وافلحنا

ثامناً توجهنا للمقابله الشخصيه حسب الترتيب بالأرقام

وقابلت ثلاثه منهم الدكتور العقيد .. والدكتور المقدم .. والدكتور النقيب << حتى الدكاتره الي يفحصون عسكر كلهم ضباط

وبعدها رجعنا الى الصاله خويتنا الي قبل

وجاء دكتور الباطنيه ودكتور الأسنان ودكتور الأذن وتم الأنتها هذي مايطولون بسرعه يخلصون ..

بكذا انتهينا بشكل كامل من الخدمات الطبيه الساعه 11 الظهر

وركبنا باصاتنا ولاحظو انه فيه دوريه قدامنا

ههههههههههههههههههههه
هههههههههههههه

ورجعنا للأداره وجلسنا على كراسينا المرقمه

وعطونا خاطبين واحد موجه للأحوال والثاني لهيئة التحقيق

وعطونا ملف كبير بداخله كتاب اسمه المعلومات الشخصيه

هذا تسجل فيه جميع معلوماتك المطلوبه وفيه شهود وفيه تصديق من الشرطه

انتو بتشوفونه وتعرفون

هذا تاخذونه معكم كل الملفات الي يعطونكم وكل واحد يخلص من تعبأتها يسلمها
في نفس المدينه الي هو ساكن فيها

يعني اذا ساكن بالشرقيه يسلمها لأدارة الاستخبارات بالخبر

وهاكذا لباقي المدن

وخلاص انتهاء المشوار

هل يعتبر الان اني مقبول؟

طبعاً اذا كانت فحوصاتي كلها سليمه

ولا باقي فيه قرعه ؟

والله مادري الي عنده خبر يعلمني

وان شالله عطيتكم نضره مبسطه للأجراءات الي بتسير لكم

ههههههههههههههههههههه
ههههههههههههه

<< ايه هين مبسطه

بس والله ماخلاني اكتب الا حبي لكم يالغالين

الي يشوف ردودكم وربي انه يتعب نفسياً من جد والله

الله يعلم ان ودي كل شخص ينقبل اي وربي

الله يوفقكم ان شالله وان ماحصلت الأستخبارات الله يعوضكم باللي هي افضل منها

وسامحوني على الأطاله وشاكر لكم متابعتكم

والسلام عليكم ورحمة الله وبركاته


وعلى فكره ودي اوضح شي للجميع وللي ارسلو لي على الرسائل الخاصه

ترى كلامي هذا اني اعلمكم وش سار معي مافيه شي ابد انه يضر قطاع الاستخبارات

او بعض ماقال الناس هذي اسرار عمل

لا هذيه مو اسرار هذه اجراءات روتينيه يتخذونها جميع القطاعات

وانا ماتوقع اني ذكرت شي فيه خطر او شي بلعكس

كل كلامي هذا عشان اخواني الي بالمنتدى

حبيت اني اعلمهم باللي سار عشان اذا جاء موعدهم يروحون وهم فاهمين

مو مثلي رحت مدري وش السالفه ماغير ادخل من قسم لقسم ولا ادري وش يسير

عشان مايسير معهم الي سار معي حبيت اعلمهم بالخطوات الي بيتخذها القطاع خلال الموعد

والله على ما اقول شهيد

واتمنى للجميع التوفيق والسداد في في خطاهم

والسلام عليكم ورحمة الله وبركاته

أخوي أطلق واحد
أبغى أسئلك هم الإستخبارات دقو عليك ولااااا فقط رسالة بالجوال اوالبريد لانهم ارسلوا ليه رسالة على البريد محددين الموعد لكن كاتبين آخر الرساله الحضور لمن تم الإتصال بهم فقط وأنا لاااااااا أتصلوا ولا أرسلوا ليه رسالة على الجوال فقط على البريد كانت الرسالة وجزاك الله خير على نقل تجربتك بإنتظار ردك

اللبس رياضي وش تعرف عن الدورة مدتها صعوبتها مكانها راتبها مكان التعين

هلا اخوي حياك الله

شوف انا جاتني رساله على الجوال اصلن الايميل كنت كاتبه غلط

بس مادام ارسلو لك على الايميل وعطوك موعد المقابله هذا يعني اقبلوك مبدئي

الرساله الي ارسلوها لك فيها ارقام السجلات المدنيه للمقبولين ؟

اذا كانت فيه ارقام دور رقمك معهم اذا لقيته فأنت مقبول

وللتأكيد ارسل رساله على ايميلهم الي في Gmail الي هو هذا

gip1gov@gmail.com

واكتب بالرساله

اسمك الكامل

ورقم سجلك المدني

ورقم طلبك

وان شالله انهم يردون عليك برساله يوم السبت

لان خميس وجمعه مايداومون

وان شالله تضبط معك

او خلاص روح نفس الموعد الي عطوك وهناك يوضح كل شي

اما من ناحية الدوره انا مو متأكد ابد

الي وصلني مجرد كلام ولا تعتمد على كلام في مثل هذه الأمور

عشان ماتتأمل على حاجه ولما يجي تلاقي عكس راح تتحطم

بس الي اقدر اقوله اتوقع ان مدة الدوره 6 اشهر

لأن واحد من الشباب متخرج من نفس الدوره

وكان وقتها شهر 10 والمتوقع هذي الدوره بعد شهر 10

اما من ناحية التمارين ومالتمارين راح نتعب شوي بالبدايه

تدري ليه لأن ياطويل العمر ان الله رزقنا هالدوره راح ندخل لياقتنا 0%

انا اتكلم عن نفسي هههههههههههههههههه يمكن انت رياضي

وهذا ووزني مناسب في حدود 82 بس اللياقه مهمه جداً

اتوقع هذا الي راح نعانيه اول اسبوع

وترى الطايف جوها جداً رووووووعه يساعد على الحماس بالدوره والتمارين والحركات

مو مثل بعض المساكين الي في القطاعات الاخرى دورتهم شهر 7 الي حنا فيه

وبالدمام بعد في هالشموس وعز الحر الله يعينهم

لا وقتنا جداً حلو

والله يوفقنا ويوفق الجميع ان شالله