السلام عليكم

كيف الشباب عساكم بخير
يا طوال الاعمار كلمني امس واحد من العمال اللي اعرفهم اكثر من 15 سنة يشتغل بمحل
عرض علي ني انقل كفالته مقابل مبلغ رمزي يعطيني اياها شهريا يقدر بمئات الريالات صحيح مبلغ بسيط لكن نعمة ممكن الواحد يتصدق فيها او يسوي فيها شيء يفيده وبما انه ماعندي علم بهذه الامور
سئلته هل هذا يعتبر قانوني ووو قال اي وانه هو بيتحمل اي تكاليف

وانا طبعا عندي سجل تجاري لكن ما املك محل
فهل مافيها مشاكل الشغلة وماهي الطريقة غالبا حتى انقله لكفالتي
ونستفيد بشوركم وتجاربكم

هذا تستر أخي الكريم

أتمنى اخوي الغالي توضحلي اكثر اذا ماعليك امر حتى اذا تبينلي الشغله مخالفة للانظمة اتركها
والرجال هو يشتغل بمحل وعنده كفيل وكفيله يبغى يفتك منه ويصير انياكفله ويستمر يشتغل بالمحل هذا حتى تتضحلك الصورة من طرفي ايضا

بعد الانظمة الجديدة العامل لازم يشتغل عند كفيله
وكيف تنقل كفالة عامل وهو يشتغل في محل ثاني

اعتقد لو قبض عليه راح تكون عليك غرامه

اذا كفيله بيقبل المحل عليك وتنقله لكفالتك كل شئ يكون رسمي

لكن نصيحة لوجه الله ماراح تستفيد شئ وبتدفع اكثر من اللي بيجيك

لازم تفتح ملف بمكتب العمل علشان تنقل الكفاله عليك

ولازم تضيف سعوده لو انت موظف ومسجل بالتأمينات وتمشي للسعودي راتب حتى لو تضيف اخوك لازم تسجله بالتأمينات وتدفع 600 ريال اتوقع وعلى ما اذكر للتأمينات علشان راتب السعودي مايقل عن 3000

ولو اضفت سعودي تحتاج وقت على ما تجمع نقاط وتنقل كفالته

وكفيله الاول مافكر يتخلص من الشغله الا لأنه عارف ان ماوراها مكسب ومو مستاهله

الله يوفقك بالرزق الحلال

[align=center]هذا تستر تجاري
ويعاقب عليه القانون
في نظام حماية الاجور بيراقبون التحويلات واذا كشفو الموضوع.. ( راجع عقوبات التستر التجاري في موقع وزارة التجارة )

الافضل لي ولك حول العامل عندي وانا اعطيك عموله وادور للعامل كفيل في اقل من اسبوع [/align]

نصيحه اخو محب
ابعد عنه وربي مايجيك من وراه الا التعب والغرابيل

اذا تبي تخليه يشتغل تحت نظر عينك والمحل باسمك واوراقك رسميه توكل على
غير كذا ابتعد
لان النظام الجديد متشددين فيه والعقوبات والغرامه انت بغنى عنها

ماتركه كفيله عبث !!

بسم الله الرحمن الرحيم

اول شي يا غالي توكل على الله وانقله على كفالتك
المطلوب منه انه ينقل المحل باسمك وهم معه

وثاني شي هذا ما فيه لا مخالفه ولا شي

واللي يقولون هذا مخالف للأنظمه غير صحيح.....

والله لو انه جاي واحد منكم كان على طول بدون اي استفسار انقل وعطنا النسبه ...!
نصيحه مني لك توكل على الله والعامل اذا شاف تعامله معك ممتاز راح يجيب ربعه وينقلون عليك والله يرزقك
تحياتي