كيف نقدم عليهم بليز محتاجين وظائف وخبرة

صدقت وانا اخووووك يمصوونك مص

انا متوظف عندهم وماخذها طقطقه ولي سنه ونص الحين معهم

الدوام سواء بالفروع او الحوالات كلها كرف بكرف والاختلاف فقط في الاجازة
ووالله اني حتى بالاجازة افككر بالدوام

ي رجال حتى بالحلم احلم بالعملاء

الراجحي اللي يدخله متعافي يطلع منه وبه امراض انا جابلي الزهايمر بدري ههههههههه


ولذلك اللي يبي يدخل مجال البنوك يبعد بعييييييييد عن الراجحي

فكروا بالبنك الاهلي رواتبهم جدا ممتاز

وعندكم حاليا بنك جديد بيفتح بالسعودية بنك الخليج الدولي يحتاجون لغة انقليزي




بالتوفيق للجمييييع
والله يرزقنا واياكم الوظائف الحكومية ,,

للرفع لـ يستفيد الجميع

انا كنت بالهاتف المصرفي في الراجحي يا انه كررف ما بعده كرر والله ما تقدر تشرب الموية
من العملاء اللي يتصلو والمشكلة ان الاتصالات مبرمجة مجرد ما يدق العميل يكون معك ع الخط
يعني ما يمديك ترتاح او حتى تاخذ نفس عميق تريح من العميل اللي قبله الا يجيك عميل ثاني تقول موظفين
مكاين مو بشر والالعن من كذا نك لو جلست مع عميل اكثر من 3 دقايق يجيك المشرف ويسجل اسمك انك اخذت وقت اضافي مع عميل
ولو كررتها تجيك افادة من الادراة ولازم ما يقفل العميل الا وتكون اعطيته كل استفساراته ولا يكون تقيمك سيئ من الادارة واخر الشهر يروح
عليك الحافز اللي الراتب بكره مع الحافز لو ماخصمو منه ما يوصل 6000 ريال