أولاً تحية طيبة ،

يا أخوان موضوعي عن البطالة وعن طلب الوظيفة وما أحب اطول عليكم أنا شاب
عندي ثانوية عامة علمي اخذت فيها نسبة ضعيفه "جيد" وعندي دبلوم حاسب
سنتين وبعد مقبول وكل ما أقدم على وظيفة أرفض أو أقبل وبعد الاختبار يتم
أستبعادي ، والسبب يمكن يكون نسبتي وتقديري السيئ ، فـ فرصتي في
الوظيفة قليله جداً ، ودراسة ما أقدر أكمل ولا على الثانويه لان مر عليها سنوات
فاما أقدر أقدم على الجامعات "الحكومية" وماعندي القدرة على المعاهد والكليات
الاهلية او الخاصة ، و انا صغير بنسبة للناس العاطلين عمري 20 سنة فقدمو لي نصيحة
ماذا أفعل هل فيه مكان أو جهه أقدر أقدم فيها او أدرس فيها على حالتي ولا وش السوات ..؟!

اخوي والله عمرك مره صغير يعني لو كنت مكانك صدق لو اكرف ليل ونهار اكمل دراسه بي طريقه ممكن تدخل التعليم عن بعد . شوف ونا اخوك الحين القرار لك وسلبيات ولاجابيات انت الي بتجني ثمارها شف انت ماذا تريد ان تكون ترى تقدر تقدم بلعسكريه ومو شرط تختار القطاع الي تبي لاكن انا لا انصحك فيه لانك صغير حول ثم حاول ثم حاول ثم حاول والله ان تعبت الان بترتاح بعدين نصيحه من اخ الي اخوه حول ان تبداء باي طريقه توصلك الي اكمال تعليمك هي اصعب عقبه بتواجهها لاكمال تعليمك نسبتك ربما تكون اخطائة يوم جبة نسبه ضعيفه لاكن اتاكد لو تبحث ستجد حل
وفي الاخير اسال الله ان يوفقك شف انا دايم انصح باكمال الدراسه طبعا اكمالها لو عندي انا لا يتوقف ابد يعني حتي لو تتوظف كمل العلم سلاح وتاكد انه يفيدك لا يضرك

نصيحتي لك
اشتغل في اي شركة ولو براتب قليل وكمل دراسة جامعية بتخصص ادارة اما انتساب او تعليم عن بعد

وأنا مع الجميع أقولك نصيحة لوجه الله كمل دراستك بأي طريقة كانت .. أنا اعرف شخص ضاقت فيه الدنيا وسجل جندي بالشرطة العسكرية بالشرقيه وأهله بالقصيم وكان يتردد مابين الشرقيه والقصيم كل ويكند لكن هالإنسان طموحه كبير ويشوف نفسه مكانه مو عسكري وسجل انتساب بجامعة الإمام ادارة عامة ودرس وأخذ الشهادة وسحب على العسكرية والآن موظف بالقصيم بمصنع ياخذ راتب ممتاز ومرتاح وأزيدك بعد ناوي يكمل الله يوفقه .. خل طموحك كبير وكافح عشان توصله

يعطيكم العافيه كلكم على نصائحكم و ماقصرتو وأعطيتوني أمل
وأن شاء الله اعمل بنصائحكم .

بالتوفيق لك ياعسل

بعد سنوات... الحمد لله على كل حال، راضي عن نفسي بشكل جيد، الآن متوظف في القطاع العسكري وعلى رتبة عريف والراتب حدود ال تسعة لكن..

اقتباس:

المشاركة الأصلية كتبت بواسطة امل ح نصيحتي لك اشتغل في اي شركة ولو براتب قليل وكمل دراسة جامعية بتخصص ادارة اما انتساب او تعليم عن بعد