مرحبا انا مشكلتي راتبي 3000 فقط واطمح اتزوج واكون نفسي لكن كل شوي الوالده و الوالد يطلبون مني فلوس وطبعا الفلوس ماتعترف بالام او الاب لما يطلبوا واعطيهم راحت لاهي سلف ولا هي شي (طبعا يستاهلون الوالدين ) بس تخيلوا انا راتبي 500 يروح تاكسي ( لان حاليا مامعي سياره ومصدوم على سيارتي قبل ) و 300 يروح غداء بالمطعم والوالد و الولدة كل شهر يطلبون من 300 الى 500 يعني بالشهر مايصفى من راتبي الى 2000 او 1500 تقول راتب هندي مو سعودي ؟؟ وانا اتعب في دوامي 9ساعات كل الايام ماعدا الجمعه






وانا اعترف ان اهلي محصليني نقطة ضعف لان اخيو الكبير راتبه اكثر مني ومايطلبون منه دايم الطلبات لي لاني ما اقصر ما ارفض والطيبه مانفعتني
تخيلوا سلفت اخوي 4 الاف وشرى منها سياره وانا بحاجه السلف وكل شوي يتعذر وبصراحه فرقت 4 الاف معي ومعه هو طلع فيها سياره وانا الحين مامعي سياره كل يوم تاكسي احس باهانه لي كمواطن سعودي تخيلوا 7 شهور اداوم على تاكسي وجزء من راتبي يروح لتكاسي من 7 شهور








ابي استقلاليه براتبي يا ناس ابي اشتري سياره مثل الشباب واعيش حياتي ابي اكون نفسي و اتزوج انا ذبحتيني الطيبه والتخاذل
تكفووون ابي حل ما لجئت بعد الله الا لكم

بصراحه كل ماعرف انهم محصليني نقطة ضعف لاني يطب معهم افكر كل شهر لما ينزل الراتب اطير الراتب ( عبث ) اسافر البحرين او اروح اي مكان

وانا اقولها لك نقطة قوة كل مااعطيت اهلك فلوس قل لهم ادعولي ان الله يرزقني بوظيفة براتب افضل من ذي

ماتدري يمكن تستجاب دعوتهم احمد ربك ان يبقى معك 1500 من راتبك على الاقل فيه بركة

مو انا اخر الشهر على الحديدة

يبقى 1500 كل شهر عزالله عنسنا ههههههههه هذا وحنا نفكر نتزوج

1500 راتب هندي البقالة

الحل سهل اشتغل مندوب تسويق وبكذا يكون عندك دخل اضافي فيه شركات ماتطلب بياناتك ولاتسجلك بالتأمينات ولا بمكتب العمل فقط بقدر ماتجيب عمل تاخذ نسبه وصدقني عمل واحد تجيبه لشركه تاخذ كثر راتبك اضعاف

والله كلنا نبي نعرس ونفتح أبيوت

لكن الله كريم وبعدين مدام رايحه في اهلك خير وبركه ، وعليك بالصبر

صبرن جميل والله المستعان لا تشكي فـ : أنا أبكي

معليش بس كيف التاكسي 500 اتفاق مسبق ولا كيف وكم المشوار الواحد وهل انت في الرياض ؟
والغدا 300 قسمتها ع 25 يوم طلع 12 ريال الغدا
انت تعطيني افكار اوفر فيها (:

واقولك وسع صدرك الحين خل الزواج ومشاكله
وحاول تطور نفسك وتمسك وظيفه احسن من هذي
حط لك هدف وخطه لسنه سنتين وكذا
ع اساس ماتمشي في مكانك وماكنت سويت شي بعد سنتين يكون حالك افضل,



الاهل يستاهلون بس القهر لما يصرفون الفلوس للضيوف الي هم اخوانك الي مايدفعون شي ههههههه
الفكره انك تكذب كذبه بيضا وتقول انا جالس اقسط شي ومامعي ولا ريال وروح لهم وقول ابي سلف عشان يستعبون انك مره مطفر ومحتاج الفلوس بعدها مراح يطلبوونك .

ولو فيه امكانيه دوام ثاني مندوب زي ماقال الاخ حلوو تزيد دخلك بدل الفراغ

بالعكس انت فيك خير وبركة ومتأكده ان امك بكل لحظه تدعي لك بالرزق لانك بريتها وذكرتها بشي من راتبك
لاتتحسف ولاتتذمر ابداً دام جزء من راتبك يروح لجيب امك وابوك بدعواتهم الله يبارك لك في ٢٥٠٠ ولاتقول ليش انا اعطيهم واخوي مايعطيهم ..المهم انك تذكر امك وابوك من راتبك والاهم انك تدبر ال٢٥٠٠ الباقين من راتبك ..ادخل جمعيه ب١٠٠٠ او انت بنفسك جمعهم في البنك كل شهر جمع ١٠٠٠ ..وبيبقى لك مصروف ١٥٠٠ شيل منهم للتاكسي ..وشيل منهم للسياره عشان يمديك تشتريها وتفتك من هم التاكسي ..والاكل بيبقى له من راتبك ..وبتستاتس ب٢٥٠٠ بس خلها عاده عندك انك تعطي امك وابوك ٥٠٠ كل شهر والله بيبارك لك ولاتنسى الصدقه ..

هههههههه ذكرتني بأيام الجامعه . . كنت أعطي أبوي 300 وأمي200 من غير ما يطلبوو مني شي

و300 اتصرف فيها مصروف ومتطلبات والله أستنى يوم المكافأة بفارغ الصبر لأن لما أعطيهم أحس بفرحة
واحسااس ححلووو يكفي تكسب منهم دعوة

الحين أتمنى أتوظف لو يروح راتبي كله لهم مايغلى بس أهم شي أقابل بشششر

واستانس بشوفتهم مو مقابلة جدر


شي أحسن من لا شيء