بسم الله الرحمن الرحيم


السلام عليكم ورحمة الله


ذات يوم تناقشنا انا والعضوة العزيزة حجابي عن امر يعتبر من العادات والتقاليد واختلفنا فيه اختلافاً شاسعاً
فقلت لها ما رايك نأخد رأي الاعضاء ومع من ولماذا رجحت الكفه لهذا الرأي عن ذاك ؟

لو تزوج رجل يسكن مثلاً بالطائف مثلاً بزوجة من جدة من يزف عند الاخر ؟


أترجة تقول

الذي يزف هي الزوجة تزف من جدة ويكون القصر في مدينة فيها مسكنها وزوجها هذا رأيي ~!


أما حجابي تقول لا
الزوج يزف الى زوجته اين ما كانت ولايكون الفرح الا بأرض بها الزوجة واهلها !

وانا اناقضها تماماً تماماً

فأي رأيي أنتم ويا حبذا ذكر المنطقة حتى نشوف اين يقع الاختلاف بالضبط بين المناطق !


يومكم سعيد


اترجة ولا تهون حجابي

وعليكم السلام ورحمة الله وبركاته
كالعادة مستحيل تخلو ساحة الواحة من مواضيع الزواج
ماعلينا موضوعك حلو وسبق أن تناقشت فيه مع أختي

في نظري إن الزفة تكون في بلد الزوجة لعدة أسباب :
1- أشوف إنه هو اللي دق بابهم وخطب وهو اللي يجي يأخذها من منطقة أهلها معززة مكرمة مو هي اللي تروح لعنده ..أحسها صعبة شوية.

2- إنه صعب عليها وعلى أهلها يشيلون جهازها وأغراضهم كمان ويحجزون في شقة ويعرضون أنفسهم لمشاغل وزحمة مالها داعي... يجي العريس خفيف ومعه أهله راح يكون أفضل.

3- بحسب عادات المجتمع الآن العروس بتكون تبي تزين قاعة زواجها حسب ذوقها وتبي المصورة والكوافيرة الفلانية بالذات لأنها ممكن ماتعرف أحد مضمون في منطقة الزوج ..وطبعا لو بتطلبهم بيخرجون بذاك المبلغ مثلا من القصيم للرياض..ولو بتحجز في منطقة الزوج يبيلها تسافر من بدري...فبلاش تكاليف .


فيه حالة وحدة أقول ممكن العروس تروح لمنطقة العريس وهي إنهم يكونوا من عائلة واحدة مثلا أبناء عم وتكون أغلب جماعتهم وأهلهم في منطقة العريس للتخفيف على المدعوين.
وبس
تقاسميها مع حجوبة

وعليكم السلام ورحمة الله
بصراحة انا مع حجابي الزوج هو من يزف الى الارض التى بها الزوجه واهلها ولايعمل الفرح الابارضها هذا ماجرت عليه العاده

<~فاجئتني مراقبتكم المتقاعده
لي عوده اقرى

__________________
"لله دُر أمي إذا ابتسمت
تهادت جروح قلبي والتئمت"

راح اجاوب بلعادات الي عندنا موجوده ربما تكون بس عندنا يعني في نفس القبيله ع العموم
السائر عندنا ان الزوجه هلي الي تزف الي زوجها يعني الزوج يضع الزواج في منطقته او فلمكان الي يبي طبعا الاسباب ليه لان لو يعزم ابو البنت مستحيل الرجال يرحون للعرس يودون اهلهم بس اما يدخل هو للعرس لا وفيه شي اسمه القدمه يعني قبل العرس باسبوع يسوي عشاء عند اهل البنت يعزمون فيه جيرانهم يعني يكون مصغر

وانا اشوف انها تدخل بعادات القبائل اكثر من المناطق يعني ممكن الفرق 100 كيلو لاكن الزوجه هي الي تزف مذكر احد اخذ جماعته وعزمهم في منطقه اخرى او بلاصح حتي لو عزم محد يروحله ممكن عيال عمه ومو كلهم يرحون يعني ثنين ثلاث من عيال كل رجال

احنا عاداتنا الزوجه تتبع زوجها بااي ديره ساكن زوجته تتبعه

وعليكم السلام ورحمة الله وبركاته
الحكاية تبدأ لم خطبنا لأخوي من جده قلت لها وش عاداتكم ياأهل الغربية بأمور الزواج أترجة قالت حنا كيت وكيت ويوم قلت لها حنا الزفاف يكون بديرة البنت كل اقارب الطرفين يجون من كل مكان للمنطقة اللي فيها الزوجة ويكون العرس بقاعة أوقصر والبعض يحطه بفندق ..قالت حنا البنت تجي واهلها وجماعتهم لمكان العرس حد العريس .. قلت مدري يمكن أنتم غيرنا
قامت الا شوي وتسطرني حتى تقنعني برأيهاوأنا متمسكة بكلامي اجيها يمين تجيني شمال..
المهم طنت براسها فكرة الا تحط موضوع بالمنتدى عن هالشيء وأنا رافضة اقول ماصدقنا تتسكر سيرة الزواج تعرفون ذيك اﻷيام الواحة تعج بذا المواضيع
هي اصرت ورتني صيغة موضوعها قلت لا حطي الموضوع عامي والا نقلته ..
المهم طفى الموضوع وهذا لنا اكثر من شهرين واشوف الموضوع مسطر على ارض واحتنااا..
وبصراحة انا والله مادريت الا بعد المغرب وأترجه مرسلة الموضوع علي من العصر تستئذني أنها تطرحه لكن شكلي تأخرت عليها وضربت برأئي عرض الحائط ونزلته

ويش فيها مواضيع الزواج تفتح النفس

وبعدين المشكله بلموضوع ----> العناااد


هنا المشكله الحقيقيه العناد ..أما الزواج سهلاااات وأهم شئ التراضى وأقتناع جميع الاطراف

ومثل ماجرت عليه العاده يكون فرح مصغر (( االملكه ...العروسه تتكفل بكل شئ والعريس عليه الذبائح )) عند أهل العروسه و (( العرس لليلة الدخله

عند أهل العريس علشان يمكن يحتاج فزعتهم خخ)) طيب ليه العرس عند أهل العريس ؟!


السبب بسيط يجمع الرفد ويختصر على أبناء قبيلته المشوار ...وأغلب الناس أذ زوج ولده يعزم القاصى والداني ...أما بنته ما يعزم عليها الا المقربون من جماعته

وسلامتكم ~))

كنت واثقة انه في اختلاف في الرأي

جميل نشوف الشريحه الأكبر من الردود ماذا يقولون

أهلا وسهلاً