يا ان هالجامعة علةة ..

رحت لهم قبل فترة ( تقريباً أسبوعين ) واضرب لي مشوار ..

وكل واحد ينطلني ع الثاني .. ( رح لعماده تقنية المعلومات " لأن فيها مكان وظيفتي إذا انقبلت ) ورحت يمهم قالوا ماعندنا شيء روح لشؤون الموظفين ، رحت لشؤون الموظفين قالوا لسى اللجنة ماعطتنا اوراق ..

قلت طيب متى بتعطيكم ، قال يعني احسب اسبوعين او ثلاثه من الان ، قلت طيب ممكن استفسر من اللجنة وش صار على قبولي ، قال انا مااعرف اللجنة :|


عموماً أنا مقدم على تحليل نظم مساعد ~

وإلى الان حالتي بموقع الجامعة ( دعوة لمقابلة شخصية ) والإيميل ماجاني شيء عليه ~

..

لعل في الأمر خيرة ~


---

اللي عنده رقم احد نستفسر منه ياليت يحطه لنا ~


لأن ناقلين لمبنى جديد والسنترال لسى ماركبوه حسب كلامهم ~

بإنتظـار مساعدتكم ~

^ الله يعينك ياشيخ تابع الموقع وشوله تعنى

^
جميع يا غالي,

المشكلة الموقع مافيه مواعيد عن متى بيتواصلون مع المقبولين~

كذا ، يقطونك على صخر على قولتهم~

..
وفيه شباب هنا يقولون تواصلون معانا عشان نكمل اوراقنا ~

وبعضنا ماجاه لا قبول ولا رفض .. يعني ماندري~ للحين

شباب ماتدرون امين مستودع المرتبه السادسه اتصلو افيدونا هالجامعه غامضه ومليئه بالفساد واكبر غلط ان المسابقه يدخل فيها موظفين يزاحمون العاطل المحتاج الله يصبرنا بس ويرزقنا من عنده ولا يحوجنا لاحد

وضع جامعة شقراء مريب جداً قياساً بجامعات ثانية

لا تنظيم ولا تنسيق ولا رسائل تطمين عن سير الوظائف

والوقت طويل جداً

الجامعات الأخرى اختبارها تصحيح الكتروني يعني مافيه لف ولا دوران

والنتائج سريعة والمقابلات الشخصية بعدها مباشرة

!!

وطارت ثم طارت

الان ادخل على الرابط :

emp.su.edu.sa

حسابي ، عشان اشوف وش صار،

امس كان ( دعوة لمقابلة شخصية )

واليوم : ليس لديك الصلاحية للوصول إلى هذه الصفحة .

!!

يعني راحت علينا ؟

ولا وش المقصود فيها ؟

لآ أبشركم رجعت لـ ( دعوة لمقابلة شخصية )

شباب اللي قدّم ووفقه الله وجاه قبول ياليت يقول لنا وش وظيفته ,

وياليت يسئلهم اذا سمح له , عن محللي النظم , لسى باقي ولا قد استلموا وظائفهم ~