صباح النور والسرور

كل عام وانتم بخير يارب اجعلها سنة خير علينا ونتعين ياكريم


بشائر زينه قريتها والله يجزي أخت نوره كل خير ومن معها من البنات

يااااااا زين روح التفاؤل والأمل أحسن من التشاؤم اللي تعب نفسيتنا كثيررررر

مساء الخير يا بنات .. ارجو الاستمرار بدعم حملة #خريجات_جامعيات_قديمات_عاطلات ... قطعنا نص المشوار ووصلنا صوتنا للملك بدعم من نورة وبنات الرياض الرائعات ..ز لازم نكمل معهن المشوار بالضغط عالراي العام ... استمروا بالمطالبة على هالهاشتاق لا تقولون خلاص وصلت اصواتنا بنقعد ننتظر ,,, احنا قطعنا نص المشوار لانتزاع حقوقنا لازم نكمل خصوصا ان الميزانية عالابواب .

معليش لاحد يزعل علي ترا سالفة حملة خريجات قديمات عاطلات ما دخلت راسي مع اني خريجة قديمة تدرون ليه ما ادخلت راسي لانه البنات حددوا الخريجات القديمات من خمس سنوات وادعموا الحملة لكن لوبيجي قرار حصر مستحيل يحصر من خمس وفوق لان العدد بيكون كبير راح يحصر من عشر سنوات بحجة وقوف النقاط وبشرط اجتياز قياس لانه قياس شرط اساسي انسوا يتنازلون عنه مثلكم مثل البديلات بعدين صراحة وش هالعالم الواحد ما يتعين الا لما يفتح فمه ويتهاوش مع العالم عدوا معي الحملات واضحكوا حملة البديلات - حملة الكلية المتوسطة اللي ابلشونا بجدارة بسبب الدفعات وهما عارفين انه جدارة للجامعيات - حملة المعاهد- حملة الدبلومات الصحية هههههه والله حالة اقول الله يجيب الاحتياج الراهي ترا سالفة تعيين الجميع امر مستحيل افهموا الشق اكبر مكن الرقعه

^^^
يابنت الحلال كلن يغني على ليلاه الله يرزق الجميع الخوف من أمر ملكي مثل السابق وترجح كفة لخريجات دون الأخريات عموما الكل له حق يسوي حملة دام النظام عندنا كذا ماتمشي أمورك إلا بهالكم من التفاعل والاعتراض والمطالبات ولاحظنا كل من سوا حملة طلع له قرار والله يرزق ويوفق الجميع أنا لي ٤سنوات متخرجة وإن شاء الله ماتزيد وأتوظف هالسنة وأرتاااح والجميع يارب راح يستمرون بالمطالبات لحد مايحصلون اللي يبون ومعهم حق إلى متى يعني انتظار ٤ سنوات وطقت كبدي شلون هالبنات اللي ٨ و٩ و١٠ الله يرزقنا واياهن يارب .

^

اللي مااجتازت قياس تبيهم يلغونه
واللي اجتازت قياس عاجبها الوضع
والخريجه القديمه تبي تتوظف الآن
والخريجه الحديثه ماتبي تمشي على خطى القديمه

كلن يبي مصلحته .. بس الله كريم

وبصراحه انا كان عاجبتني سالفة قياس من قبل مااختبر ان شاء الله انه خير لنا

لان مثل ماشفنا الاسئله ماهي معقده واي وحده تقدر تجتاز الاختبار

اللهم العائق الوحيد ممكن يكون الوقت بس الاسئله مقدور عليها بإذن الله