السلام عليكم
كيف حالكم يا اخوان
انا عندي شي بقولة لكم بما ان هذا المنتدى الاغلاب فيهم عاطلين
انا ودي اقلكم شي
انا كنت عاطل تقريبا 3 سنوات وكل ما اقدم على وظيفة اما بالرفض او القبول واذا جاني قبول ما تتم الفرحة والسبب طولي 167 انطرد والسبب سانتي
قلت بدال ما اجلس عاطل لية ما اكمل دراستي اقلها دبلوم واذا جاني قبول بااي جهة عسكرية قبول نهائي سحبت ملفي وراحت للعسكرية اما اذا ما جاني شي خلاص انا ضامن دراستي
دخلت الكلية طبعا تخصص ماهو مرغوب تسويق حاولت اغير قالوا لك محاولة حيث انك تجيب معدل فوق 3:75 قلت انا جلست 3 سنوات عاطل وايقنت ان ما ينفعني الا شهادتي مع ان معاية حاسب 6 شهور بعد الثانوية قلت خليني اشد حيلي ولله الحمد جبت معدل فوق 4 وحولت الى تخصص مرغوب جدا من ناحية الشركات او من جهة القطاعات الحكومية طبعا التخصص تبريد وتكييف والحمد لله انا حاليا بالترم الثاني وباقي لنا اقل من 5 اسابيع ونخلص الترم وتبدا بعدها بالترم الثالث
اخر تقديم راح يكون لي البحرية اذا ربي زانها ومشيت اموري رحت لها اما اذا ما جاني قبول بكمل دراستي وماني مشغل بالي بالوظيفة
والدراسة والله والله انها سهالة والجميع متسالهين معنا
نصيحة مني لكل الاخوان التقديم حاليا مفتوح بالكلية التقنية
قدموا اذا جالكم قبول باحد الوظايف اتجهوا لها اما اذا ما جاكم شي خلاص انتم ضامنين الدراسة وكملوا
العذر من ادارة الموقع ادري ان الموضوع ماهو مكانة
لاكن يشهد علي الله اني ابغا الخير لاخواني حيث ان اكثر العطالين يتواجدون في قسم استفسارات العسكرية
التقديم بالكلية مفتوح http://coladmission.tvtc.gov.sa/Prereg.aspx وهذا رابط التقديم
اتمنى من الجميع انهم ياخذون بنصيحتي
وبالتوفيق للكل