السلام عليكم ورحمة الله وبركاته

ياناس ارجوكم ارحمو وراعو العاطلين من كلماتكم
الجارحة .
ما اردري حنا نحصلها من المجتمع ولا من الاهل
والله العاطلين مو مرتاحين لكن كاتمين بصدورهم
مثلا انا تقريبا كل يوم اسمع كلام يذبح والله يذبح من اهلي واقاربي انا عارف ان اكثرهم مايقصدون جرحنا لكن هالكلام والله مثل السكين
القلب . انا خريج بكالوريوس ولا لقيت اي وظيفه
تامن مستقبلي
نفسيتي صارت بالحضيض يوم عن يوم وفوق ذلك انا مريض بالكلى ومن كثر التفكير والله اهملت علاجي ولا اروح لمراجعاتي للمستشفى
زهقت وطفشت خلاص
والله الحرام سهل ولو لا خوفي من الله كان رحت له

وخلاصه كلامي ارجوكم راعو العاطلين لاتحسبونهم مرتاحين على حالتهم هذي

هذا كلام بصدري وحبيت افضفض لكم وبس

اخوي الله يشفيك ويقويك بس وانا اخوك الواحد مايجلس بالبيت لو اشتغل بالف ريال لين ربي يفرجها

اما اجلس بالبيت وانتظر الوظيفة تجي صعبه .. الواحد يسعى والرزق عند رب العالمين

والله يفرجها عليك ويسهلها

عندي فكرة لكل شخص مو متوظف ويبي يسعى لرزقهه

فيه موقع اسمه حراج طبعا يدخلوه ناس تجار وحقين تجارة بيع وشرا يعرضو بضاعه لهم من سيارات وعقارات وادوات واجهزة
حتى الحيوانات بساس وغيرهاا ههههههههه

وفي شباب ماشاء الله مكونين لانفسهم بضاعات ويعرضو وعليها طلبيات سواء نظارات ساعات تيشرتات وغيرهاا بس يفضل من خلال التعامل معهم يد بيد لأن في بعضهم نصابين

وسارت الحين التجارة الكترونية زي ماعلمني واحد من التجار لما استشرتهم بفتح محل وكيف الطريقة

وقال تقدري تتاجري من خلال حساب بالفيس او تويتر حساب خاص او عن طريق البلاك
وغيرهاا


والله يوفقني وياك والجميع ويرزقنااا من واسع فضله ويغنينا بحلاله عن حرامه

وأسأل من تجلى في علاه وتغنت باسمه الشفاه
وسجدت له الجباه
أن يكرمك من واسع فضله وكرمه وعظيم عطاياه

وأن يمدك جسدك بالصحة والشفاء من كل ألم وداء

اللهم آمين

الله يفرج همك ويشرح صدرك وينور حياتك

قوي قلبك. الدنيا فيها أكثر من كذا وخلك قريب من.ربك وتهون كل امورك

عننا وعندكم خير

لكن تعامل معهم بطريقة " أصم "


ابتعد عن محيطهم قدر الإمكان في الوقت اللي يتحدثون فيه عن هالشئ

راح ترتاح من كلامهم حتى وان كانوا مايقصدونه

وأسأل من تجلى في علاه وتغنت باسمه الشفاه
وسجدت له الجباه
أن يكرمك من واسع فضله وكرمه وعظيم عطاياه

وأن يمدك جسدك بالصحة والشفاء من كل ألم وداء

اللهم آمين

الله يفرج همكم وييسر أمركم

و لا تطلب الرحمة إلا من رب الرحمة ،
( أنت ) من عليك رحمة نفسك بعدم الإلتفات لكلامهم الذي لا يقدّم ولا يؤخر
لا تعطي الناس أكبر من حجمها ولا تسعى لرضاها سترتاح .

اسال الله ان يشفيك ..

عليك ب كثرة الاستغفار وطاعة الوالدين وصلاة ب وقتها
وما شاء الله أقسام الوظائف مليئة ب شركات والمؤسسات
ارسل سيرتك لهم وصدقني راح يتصلون ولكن عليك ب صبر ودعاء

موفق

ولا

تحسبن

الله

غافلاًّ

عما

يعمل

الظالمون

انما

يؤخرهم

ليوم

تشخص

فيه

الابصار

تقبل

مروري

الجميل