السلام عليكم


ابي مشورتكم في مشروع مؤسسة مقاولات

الفكرة جتني بعد التصحيح الي صاير ونقص العماله

فا جتني الفكره افتح مؤسسة واجيب عماله عليها


بس مشكلتي ما اعرف احد عنده مؤسسة واصحابي كلهم مالهم في هالمشروع ولا فيه معلومات

يعني .. معلوماتي بهالمشروع صفر ع الشمال .. كيف بستفيد من العماله مادري وكيف بحفظ حقي بعد مدري ..


وانا ظروفي العمليه شغال بقطاع خاص .. ودوامي مره مريح مره شاق يعني

انا ابي استفيد من الايام الي يكون فيها الدوام مريح .. في شي يطورني اكثر

وعندي بعض الاسئله ..


تقريباً كم بتكلفني المؤسسة بالوقت الحالي ..

وكم يعطوني تاشيره وكم تكلف



وكيف بالامكان اشتغل صح .. واستفيد من هالعمل

وانا لقيت ناس تبيع مؤسسات جاهزه وعليها تأشيرات ويقولون ب 25 الف


والي بيقولي انت مو عارف شي لاتفتحه .. بقوله لا تتعب نفسك وتقول هالكلام . الي عنده شي مفيد يقوله .. والي ماعنده ريحني بسكوته .. حولي كثير يحطمون جبال ..


وشكراً

وعليكم السلام
نفس الاستفسار نرجوا ممن لديه المعلومه يتحفنا بها

المقاولات مجال حلو خصوصاً الفتره الجايه
بس المشكله في مكتب العمل مايعطيك في البدايه الا ٣ او ٤ فيز
الا اذا لك طريق عليهم
اما المؤسسات اللي جاهزه وللبيع
انتبه لا يكون عليها التزامات
وعلى حسب العماله اللي على المؤسسة
اذا ٤ و ٥ لا افتح لك انت مؤسسة اوفر لك
وحاول تتخصص في البدايه في شي واحد
يعني مليسين ومبلطين والا كهربائيين وسباكين
اأو دهانات وجبس
بعدها تكبر مؤسستك شوي شوي

بالتوفيق

السلام عليكم
نظرتي مثل نظرتك أحسها فرصه الآن بعد الأنظمه الجديده بيكون فيه شح عماله والله اعلم.
غير كذا البنك كل فتره قصيره ينزل قروض.. يعني بتلقى من قرايبك والا اصحابك احد يبي يبني.. انا عن نفسي عندي 3 عيال عمي نزلت قروضهم واحد جالس يبني واثنين يدورون اراضي
انا بديت تأسيس المؤسسة من شهر ونص وانهيت جميع اجراءاتها وبكره ان شاءالله براجع مكتب العمل.
وخطتي في البدايه بناء عظم.. اول شهر بعد وصول العماله اذا ماحصلت شغل.. عندي ارض راح أبنيها عشان ادخل بالمجال وافهم فيه.
اللي اعرفه ياخوي في البدايه تخصص بشي معين لان عدد التاشيرات مايساعد

بالتوفيق ياخوي

أنصحكم اذا مالقيتوا شغل بالرياض ان تتجهون للمحافظات القريبة من الرياض لأن فيها شغل كثير ومافيها عمالة تشتغل ..

أتمنى لكم التوفيق .. سألحق بكم عما قريب ..

اخي اعتقد انها مجال لاباس فيه اذا لك رغبه وبتوظف سعوديين والله يكتب للجميع الفايده

الله يعطيكم العافيه شباب ..


بس كيف اتخصص .. يعني اول ثلاث تأشيرات اجيبها مثلا مبلطين او بناء ؟


كنت افكر اجيب اثنين نجارين واحد حداد ..


او اجيب اثنين سباكين واحد كهربائي ..


مشورتكم يا شباب .. افيدونا

ابعد عن العظم
خلك في البداية بلاط او سباكة لان اغلبهم الي يشتغلون فيها فاشلين ، وتدربهم بعلاقاتك شوف معلمين ودخلهم معاه يتعلمون كم شهر وبعدين تبدا تاخذ الشغل

كم تكلفة العامل ؟؟