08-11-2013, 05:31 AM
|
 |
عضو متواصل
|
|
تاريخ التسجيل: Jul 2007
المشاركات: 104
معدل تقييم المستوى: 36
|
|
اقتباس:
المشاركة الأصلية كتبت بواسطة مرار السنين
السلام عليكم ورحمة الله وبركاته
ياجماعة المقاولات مشروع رائع جدا ولكن مو سهل اذا ماعندك علاقات بتكون بدايتك صعبة ما اقول انك ماراح تنجح
ولاتنسى أن وزارة العمل ذبحتنا بقرار ال 2400 ريال يعني راتب العامل راح يكون مكلف عليك وبيني وبينك وللأمانه
نادر ماتجد من يعمل في المقاولات بالراتب لايمكن أن تجد نجار او حداد يعمل بالراتب وان عمل بالراتب لن يتم انجاز
العمل لأن اكثر السوق يعملون بالمتر .... قبل أن تتخذ القرار يجب عليك أن تتأكد من وجود العمالة الذي تحتاجهم سواء هنا او في بلادهم وتتفق معهم . ولاتنسى اشتراطات السعودة يعني خلنا واضحين جبت لك موظف سعودي
وشغلته في اي وظيفه راتبه يجب أن لايقل عن 3000 ريال لتحقق النسبة المطلوبة للتوطين . واقل مدة هي 3 أشهر يعني حط في بالك انك بتدفع اقل شيء شهريا 2200 ريال اذا فتحت ملف في صندوق الموارد البشرية بيدفعون معك نصف راتب الموظف ، وغير كذا رواتب العمال هذا ( إن وجدت عمال بالرواتب ) والاجار الشهري والمصاريف يعني انت تتكلم عن مصاريف شهرية لاتقل عن 2200 راتب سعودي مع التأمينات + 3060 على افتراض انها راتب عاملين مع التأمينات الاجتماعية
يعني شهريا 5260 ريال
ولاتنسى تحسب الاجار + الكهرباء والماء + رسوم الاقامة وكرت العمل والتأمين الطبي للعاملين
اقامات العمال الاثنين + التأمين الطبي + كرت العمل = 634 ريال شهريا
الاجار والكهرباء والماء على اقل تقدير شهريا 1500 ريال
فواتير واوراق وزكاة والخ الخ الخ ومصاريف نثرية شهريا 1000 ريال
الاجمالي 8394 شهريا ولاتنسى اجار سكن العمال وانا بفترض بأن الاجار من ضمن هذا المبلغ
يعني قول تحتاج مصاريف شهرية تبدأ من 6000 اذا كنت اقتصادي الى ابعد مدى إلى متوسط 8000 وانت طالع
انا ما احبطك ولا احبط غيرك لكن اقولك اذا ماترى أنك بعلاقات وبعد توفيق الله عز وجل لاتستطيع أن تؤمن هذا العمل فالافضل لك ان تعيد حساباتك لكن الفكرة هي أن تبدأ بالبسيط مثلا
ابدأ بالجبس والديكور تكلفة المتر عليك بالعمال والاجار والخ ،، 50 ريال انت خل مكسبك من 3 الى 5 الى 10 ريال
وابدأ باعمال الجبس والديكور والدهانات والترميمات والحجر الطبيعي والصناعي وشوي شوي الى أن تصل لمبتغاك وإلى ان يوفقك الله بمقاول ينقل على كفالتك او تجيبه من بلده بفيزا جديدة ونجارين وتبدأ تاخذ مشاريع بالباطن من مقاولين تتعرف عليهم وبعد كذا تبدأ تسعى انك تستقل شوي شوي والله يكتب لك وللجميع اللي فيه الخير.
هذا اللي يحضرني الان وإن اصبت فمن الله ، وإن اخطأت فمن نفسي والشيطان
اخوك المخلص
|
االسؤال // لازم اوظف سعودي قبل اخذ الفيز .. ؟؟؟
انا فكررت اوظف احد من العاطلين الي اعرفهم سعوده لفترره اخذ الفيز واطيرهـ
او اني اخليه مدام الموارد البشريه بيدفعون نص الراتب ياخذ الي يعطونه الموارد البشريه
وبالنسبه للمكتب .. بسويه بس للواجهه .. عشان الرخص وهالسوالف يعني ماراح اجلس فيه دائم
واذا كلف اجاره بالمنطقه الي انا فيها 6 الاف ريال بالسنه
وبالنسبه للعمال .. انا اصلاً ما ابي ادفع راتب
ابي اخذ منهم نسسبه ,, وهم يتحملون مصاريفهم .. وهالشي بتفق معاهم من البدايه قبل انقلهم ..
وافكرر اجيبهم على ماقالوا الشباب تخصص واحد ..
وحالياً ادور شي بهالافكارر ..
اذا في كلامي اشياء ماتمشي بالنظام الحالي ياليت تفيدوني .. انا بس افكرر بدون معلومات عن الانظمه الجديده ,, وتوقعات
ننتظر الافادهـ ..
{مرور السنين } تشكرر يالغالي على الاضافه .. وانتظر تعقيبك ع كلامي
|
العرض العادي
