11-11-2013, 11:15 PM
|
عضو جديد
|
|
تاريخ التسجيل: Sep 2013
المشاركات: 6
معدل تقييم المستوى: 0
|
|
اقتباس:
المشاركة الأصلية كتبت بواسطة مقام العز
اعوذ بالله وش ذا الحسد من جد عند البنات
ولا وحده تكلمت عن تجربتها هنا الا الاخت خريجه واخت ثانيه ورؤوس اقلام
وذا عذرهم قروب الواتس ما اتوقع هذا عذر
هم 24 ساعه اصلا في المنتدى يعني جت على مقابلات الاحوال المدنيه الحين تصير قروب واتس سبحان الله
ولكن الرازق بالسماء والحاسد بالارض والعبره في النهايه لكل حاسد واعوذ بالله من كل حاسد
|
ياحلوة الموضوع مو حسد ولا شئ بس تعب السفر لوحده يكفي ..
أنا مقابلتي كانت يوم الأحد طبعا رحت بالطيارة في نفس اليوم ووصلت الساعة 10 للأحوال المدنية .. دخلت وقالت موظفة الاستقبال هاتي أوراقك ونزلي عبايتك وبعدين جلست انتظر وشويه موظفة ثانية نادت عليا وقالت هاتي بطاقتك والشهادات الأصول عشان تطابق وأعطتني ورقة مكتوب فيها تعهد بعدم النقل من المكان اللي ح أتوظف فيه .. اللي يقهر في الموضوع انو البنت الأولى أخذوا معاها ساعة تقريبا في المقابلة وبعدين لما أذن الظهر فاقوا لنفسهم وصاروا يدخلوا البنات ومايطولوا بالكثير 10 دقايق
المهم ع الساعة 2 نادوا عليا .. دخلت وقلت السلام عليكم وجلست ( اللجنة مكونه من اربعة عضوات) سألتني وحده منهم عرفي عن نفسك وبعدين سألوا ايش رايك في نظام البطايق الجديد قصدهم نظام البصمة وبعدين سألوا عن الرغبات وانهم احتمال يحطوني في وحده من الرغبات وطبعا قالت المكان اللي راح تتعيني فيه ح يكون على طول ومافي نقل نهائي وانو مو زي الوظايف التعليمية وبعدين سألوا فين تحبي تكوني لما تتوظفي على الحاسب أو خدمة عملاء او مددققه بيانات وكمان سألوا ايش الخطوات اللي سويتيها لما طلعتي البطاقة وبس
بعدين خرجت على طول على المطار واستنيت شويتين وركبت الطيارة ورجعت مدينتي والحمد لله دحين في بيتي ومع أهلي
على فكرة سألتهم عن الدراسة قالوا في الرياض وح تكون 8 شهور وقالوا لي عندك اعتراض سكت ماقلت لهم شئ
البنات وهما خارجين كنت اسئلهم عن مقابلاتهم وحده قالوا لها جيبي موضوع دحين يدور في بالك وجلسوا يناقشوها فيه ووحده اوصفي نفسك و لو سالنا مديرك ايش ممكن يقول عنك و ماذا تعني بطاقة الشخصية لك .. ترى المقابلة تختلف من شخص لشخص حسب الشهادات اللي معاك والدورات.. وسلامتكم
نسيت شغله وانا في المقابلة أخويا كان جالس مع واحد من موظفي الأحوال وقال له المتقدمات فوق 300 وهما يبغوا 20 بنت بس وأكد له انو الدراسة في الرياض.. عالعموم الله يوفق الجميع ويكتب لنا اللي فيه الخير
|
العرض العادي
