19-11-2014, 08:49 PM
|
عضو جديد
|
|
تاريخ التسجيل: Nov 2014
المشاركات: 18
معدل تقييم المستوى: 21
|
|
مرحبا ياحلوات
اليوم كانت مقابلتي تقريبا عدد البنات ١٧ ..المقابله حلووه وسهله وخفيفه وبالعربي
طبعا براحتكم اللي بتقعد بعبايتها واللي بتنزل براحتكم انا خليت عباتي
قبل تدخلون فيه وحده تطابق اوراقكم اهم شي جيبوا معكم الاصول من الوثيقه وشهاده السيره والدورات وبطاقتك الاحوال
اما المقابله
سالتني اسئله مثل عرفينا بنفسك
وين ساكنه ؟باي منطقه
متى تخرجتي ؟ طبعا انا لي ثلاث سنوات متخرجه فسالتني ليش ماتوظفتي كل هالفتره
او اخذتي دورات ومن هالاشياء
سألتني كمان وش تعرفين عن الاحوال او مهامها
بعدين قالت من وين طلعتي بطاقتك حقت الاحوال ؟ قلت لها من رويال مول فقالت بما انك رحتي لهم
وشفتي تعاملهم فيه شي شفتيه وما اعجبك ؟ ابغاك تنقدينهم لي
قلت لها ان عيبهم كان العشوائيه مافيه تنظيم ردت سألتني طيب لو كنتي مكانهم شلون بتحلين هالمشكله ؟
بعدين قالت لي شفتي البنات اللي معاك اليوم وسوو مقابله وش انطباعك عنهم ؟ وليش نختارك انتي مو هم
طبعا انا جاوبت كل اسئلتها بنظرتي واللي اشوفه ولاحظت ان هالشي اعجبهم
بعدين قالت لي اذا عندي شي بتستفسرين عنه تفضلي
فسالتها متى بتردون علي ؟ قالت اننا نطول ناخذ شهور قلت يعني اسافر قالت سافري ههههه
وسالتها ايش الوظيفه اللي انا مقدمه عليها قالت نفس "بنت قحطاني" نفس الموظفات اللي طلعتي
عندهم بطاقه احوال او في المكاتب الخلفيه
المقابله كلها كنها سوالف مع بنات عادي يضحكون
فيه بنات سالوهم عن الدورات وهذي الاشياء انا ماسالوني بعني ترى الاسئله تختلف من بنت
لبنت وعلى حسب شخصيتك اتوقع يسالونك
اهممم شي بينو لهم انكم متحمسين للوظيفه وتبونها باي شكل
انا قالت لي ان فيه بنات قلنا لهم بنحطكم في الارشيف وزعلوا قالوا شلون ارشيف واحنا انجليزي!!
انا قلت لها ماعندي مانع لاني حسيت ان هالسؤال استفزازي بس ههههههه
عاد كل وحده وظروفها وشخصيتها تحدد ايش اللي تبي وايش اللي ماتبي
وبالتوفيق لكم
|
(((
العرض العادي
