حادث على طريق الرياض نقطة تفتيش صلبوخ ..

تقريبا ساعة وربع انتظار بالطريق :'(
الحمدلله ع كل حال + دعواتكم للمصابين وذويهم +
اسال الله ان يردنا إلى ديارنا سالمين امنين..

..الله يلطف ..بهم يارب ...من اي مدينه جايه ؟!

فعلاً موضوع الاختلاط يبعد كثير من الكفاءات ..
ياليت ينظر للموضع بجدية أكثر ..
يكون فيه شاشات لو احتاج الأمر للاجتماع ..
التكنولوجيا تطورت وتقدمت ..
احنا في النهاية نبغى تطور البلد و راحة النساء في مقر العمل لايكون موضوع الاختلاط عقبة ..

[align=center]السلام عليكم ،، صباح الخير
الحمدلله الذي بفضله تتم النعم
اجريت مقابلتي اليوم والحمدلله على كل حال ،، ما كان فيه وقت كافي للتعريف عن نفسي او بالاصح ما طلب مني تعريف
دخلت وسالوني اساله سريعه اسمك تخرجك وهكذا
اطلعتي على مهام الوظيفه ؟ وظيفتي طبعا ( مساعد مفتش )
باختصار المقابله مريحه ولو اني غير راضيه نوعا ما بسبب الوقت او انه ما كان فيه شي يسالوني عنه ههههههه يمكن قالو سيماهم في وجوههم

عموما اخواتي الموظف والموظفه الله يجزاهم خير جدا مريحين وما يربكونك
ومتعاونين كما عهدناهم ابناء الوطن بارك الله فيهم


اخيرا احبتي الرزق بيد الله سبحانه لذلك لا تنثني همتكم امام اي عقبه تفائلو وثقو بالله

اسال الله لي ولكم التوفيق [/align]

[align=center]الحمدالله كان عندي مقابلة اليوم الساعة 9
كل شي منظم ومرتب
واسئلة المقابلة مريحة جداً..
مع اني ارتبكت شوي
بس الحمدالله[/align]

فيه أحد يعرف شخص يشتغل بالقسم النسائي القانوني بوزارة العمل ؟ كيف طبيعة العمل القانوني هناك ؟

واللي يسلمكم ...

متى موعد مقابلات ... مساعد اداري - 6 - الرياض ؟؟؟


ياليت اللي عندها فكرة تخبرني ...؟

لسى ما وصلني ايميل .. وبتأكد منكم

جيت


الحمدلله الذي بنعمته تتم الصالحات أولا






تمت مقابلتي والحمدلله على كل حال


بعد رحلة
من القصيم 5 صباحا
الى الرياض 8:30
الى القصيم 11:45



الحمدلله متفائلة طول الطريق وكل شي تمام
قبل الرياض بيمكن 90 كيلو واجهنا حادث شنييييع
الله يلطف بهم ويعوضهم خير وجعني قلبي عليهم
الله لايفجعنا وأياكم بغالي ويكفينا شر الحوادث


وزود على الجو الحمدلله , اللهم أجرنا من حر جهنم
الشمس تصك الراس



وصلنا الرياض وعلى طول على وزارة العمل وموعدي 8 وأنا جيت 8:30
وأختكم في الله دقيقه في المواعيد نزلت من السيارة وعلى طول وأنا بوجه سكرتيرهم




المهم دخلت وكان المفترض أكون أول وحده بالترتيب بس عاد الشكوى لله وصلت متأخرة

وبدت المقابلة بصراحة كان أفضل لو أني أخذت أستراحة لو 15 دقيقه أستعد وأركز بعد عناء الطريق ومنظر الحادث


موجود أخ وأخت

الأخ هو اللي كان يسأل
مانتبهت الا لما قال عندك أي أسئلة


قلت متى النتيجة !


قال جبتي 6 من 10
قلت على أي أساس قال على أساس الأسئلة اللي سألناك
قلت طيب هي ماسئلتني ّ مادري ليه تمنيتها سئلتني

وقال هي تحط العلامات


وأنتهينا



جزاهم الله خير كانوا منظمين والوضع جدا مريح
خاصه المكتب أعجبني والله



أخيرا على طاري 6 من عشرة ي بنات من عندها سلف تنورة للدوام




يالله تمسوا على الخير






+ الله يسعد كل وحدة دعت لي سواء هنا أو على التقييم او الخاص
الله يسعد قلوبكن حبيباتي

اللي تسأل عن الوظيفة والتاسك


مساعد مفتش عمل / مافي تاسك



وعلى طاري التاسك كنت أسولف مع اهلي عنه البارح
قالوا أنتي تاسكك تجيبين لهم أثيوبي من منفوحة
تخيلت شكلي أسحب لي أثيوبي


يالله مع السلامه