المشاركة الأصلية كتبت بواسطة أم أديم

خلصت مقابلتي من ساعة تقريبا. وهذا اللي صار معاي

* اول شي كانوا راسلين لي المقابلة 10 ، استاذنت من دوامي على اساس انه عشرة بس انهم لطعوني لين ونص وخمس تقريبا ! اللي جبني كانت وقتها 11 صح انها جاية بدري لكن دخلوها قبلي. مافيه نظام من هالناحية.

* المقابلة كانت حليوة وكانوا لطيفين بس ماهم معاي، يعني ابو قصي مشغول بالابتوب حقه والاخت تسالني وعينها على احد بالجهة الثانية حسيت اني اتكلم مع نفسي.

* ابو قصي سالني عن راتبي وطارت عيونه شوي كان فرق عن راتب المرتبة السادسة، قلتله الراتب مو كل شي فيه اولويات ثانية بس شكله ماقتنع بالاجابة
* انا صريحة مع نفسي ومعاهم قلتلهم السبب اللي مو عاجبني بشغلي الحالي انه اختلاط لدرجة زميلي مكتبه جنبي بس برضه ماجاز لهم كلامي، شوفوا انا ماعندي مشكله بالاختلاط بالاجتماعات، لكن اصير كني بسجن مقدر اكل على راحتي اتكلم على راحتي حتى صلاة صعبة، لدرجة اذا بغيت اكلم اهلي بموضوع خاص اروح الحمام تكرمون :/

*طلبوا مني تاسك اكتبها على ورقة بالبداية حسبت انهم يبغونها الحين فجلست افكر شوي لكن قالت لي نحتاجها الخميس ، طبعا انا حفظت وش يبغون بس هي اصرت اني اكتب، وقالت لي ارسليه على هالايميل.
فطبعا انا لازم يطلع مني شي عفوي يخرب ام المقابلة ههههههه قلت لها هذا ايميلكم حفظته صم من كثر مارسل، فجاة ابو قصي يقول كيف صمتيه، عاد قلتله سالفة الاختبار واني كنت اراسلهم عليه وبلغتهم بالمشكلة اللي صارت ، فجاة يرد ابو قصي بس هذا مو مبرر انك تحفظينه مره حبيت السوال حسيته مستفز شوي كل مقابلتي اللي قبل اسئلتهم عادية ومافيه استفزاز فماعرف كيف ردة فعلي، اشوا هالمره استفزوني وردي كان مقنع انه ارسلت لهم اكثر من مره لين حفظت الايميل.
بالاخير كنت بنسى الورقة اللي كتبت عليها التاسك لاني حفظت وش يبغون وعرفت المطلوب مايحتاج ورقة بس قالوا لي اخذها. احس اني ازعجتهم بسالفة الحفظ بس انا احب اعتمد على عقلي كثير.
وخلصنا،
كان ودي يسالوني عن الانقلش علشان اتكلم شوي.

والحمدلله على كل حال، راضية بما سيكتبه الله لي ، ان كان فيها خير الله يجعلها من نصيبي وان كان فيها شر الله يصرفها عني
شكرا لابو قصي ولجميع من ساعدنا الله يوفقكم ويجزاكم خير ، تذكروا ان الله لايضيع اجر المحسنين.

المشاركة الأصلية كتبت بواسطة أباقصي