بسم الله الرحمن الرحيم

اسرد لكم قصتي بعد ماكنت نكره في المجتمع والحين الحمد لله دخلي في الشهرمايقارب 37000 الف ريال اول اتخرجت الثاويه كان معدلي زين وياما نصحني الوالد بالجامعه وعييت مابي الدراسه ولو بريال المهم الله يسلمكم جلست عاطل 3 سنوات دشره وسهر ومره من المرات كنت راجع للبيت الساعه 6 الصبح وقابلت الوالد وهو مداوم للمدرسه وقالي كلمه اقسم بالله انها اثرت في حياتي وغيرتني من حياة اللهو للجد واسف لاني لن اقول الكلمه المهم جلست افكرفي الكلمه الئ قالها الوالد الله يعطيه العافيه وقلت مالي جلسه بالديره كلمت واحد من اصحابي في الرياض ودبر لي شغل في شركة متعاقده مع المستشفى العسكري براتب 2500وجلست سته شهور وانا في الشركه وتعرفت على عميد الله يحفضه بالخير المهم دبرلي واسطه في القوات الجويه ورحت الظهران ودرست بالمعهد 3سنوات وبعدها تخرجت فني صيانة طائرات وتعينت في الخميس وكيل رقيب هههه من قدي المهم تزوجت ومع الزمن زادت المصاريف وراتبي يادوب يغطي المهم قلت مالي الا التجاره وجلست ابحث عن اي مشروع اترزق منه قمت اصلح لخوياي في العمل جوالتهم فرمته وتنزيل برامج المهم اشتغلت لدرجه اني وربي تاجيني ايام مارتاح فيها من كثر الضغط الظاهر العسكر الى معي في القاعده صلحت لهم جوالتهم ههههههههه ومره من المرات نصحني واحد من اعز اخوياي في العمل قالي ليه ماتفتحلك محل وتشتغل فيه وسمعت نصيحته وقمت استاجرت محل وشفت كيف المنافسه والعنصريه من العماله الوافده الئ مايبون ابناء البلد تشتغل بس ربي يسرها كان لي زبائن من اخوياي العسكر واخذت شهره والحمد لله بدات اشتهر جاني واحد من الجاليه اليمنيه وقالي باعطيك الئ تبي بس تاجرني المحل والله الرجال عرض علي15000 بالشهر وانام بالبيت الرجال عنده 8 محلات وخايف اتوسع ورفضت المهم الشغل ماشي زي العسل وفتحت محل ثاني وبدات اتوسع اليمني انجلط ههههه وشغله الشاغل انا بس يبي يطلعني من السوق باي وسيله لك عطيته اشكل وقلت رزقي على الله وشفت سوق الاستكرات والكفرات والاكسسوارات ماشي زي العسل بدات افكر ليه اخذ بالجمله الشركات وقمت وبحثت في النت وحصلت الشركات الئ تنتج اكسسوارات الجوالات وراسلتهمم كتبت انا تاجر عندي موسسه وابي اخذ وكاله واخذ بسعر الجمله المهم راسلت اكثر من 6 شركات جاني الرد من 3 شركات وعطيتهم معلوماتي واشترطو علي اني مابيع بسعر اقل من سعر الشركه ووافقت وكل شركه ارسلت لي كتلوج باسعارها وكانت المفاجئه اسعار ولا في الاحلام ارباح 80% وقلت خلني اطلب طلبيه بسيطه واشوف كيف الشغل مابي اغامر من البدايه يمينا بالله اول طلبيه تصرفت في يومين وتوسعت وبدات ابيع للمحلات بالجمله وارباح خياليه وصرت الموزع الوحيد بالجنوب وفصلت من العسكريه وتوسعت وعندي 9 عمال كلهم سعوديين ومستحيل اني اشغل عامل من الاجانب بعد الحقد الئ شفته منهم ويعلم الله اني اكرمتهم في الرواتب ولاهو منه مني اني قلتلكم لا والله بس ولد البلد يستحق اكرم السعودي بالراتب وشوف كيف الانتاجيه
هذ قصتي كامله وسلامتكم واسف على عدم التنسيق في الموضوع لاني كتبته على عجاله
نصائحي للي يحب يدخل سوق العمل
1\التوكل وتقوى الله والصلاه وبر الوالدين
2\ عدم الاتكال على الاجانب
3\ اكرام السعودي بالراتب
تحياتي لكم اخوكم\ ابوحمدان الشبيلي

ماشاء الله عليك

الله يرزقك من واسع فضله

__________________
ومن يعمل من الصالحات وهو مؤمن فلا يخاف ظلما ولا هضما

ماشاء الله

الله يوووفقك

بيض الله وجهك

الله يرزقك من واسع فضله

الله يزيدك من فضله
لكن كيف لي ان اخطي خطاك

علما انني من اهل الشمال


قولي اول خطوة؟

الله يوفقك ويرزقك من واسع فضله
شي ممتاز ان توظف أبناء بلدك برواتب مجزية

الله يبارك لك

انت الان عندك تجربة ياليت تفيدنا

انا كنت بدور محل اتصالات ولاكن مجمع كبير في الدمام مسيطرين علية ابو يمن والي قاهرني انة راعي غنم وماسك لابتوب ويخرب ام الشغلة ويقلون علية الخبير وما في راسة

الى درجة تعاونوا مع بعض ويستوردون عن طريق المستعودين ابناء العمومة وكالات باسمهم

لا حسد ولاكن اذا وصلت انهم يطفشون ابن البلد فلا بد من ان نتحد والان فرصة التصحيح

1- عطنا سر المهنة وتجارة الجوال كيف نبدا
2- هل عامل واحد يكفي وكيف اضبطة ,
3- كم اطلب جهاز وماهو الشغل الناري في البيع
4- لماذا لا تعمل فروع للشباب ونحن نساعدك بفتح الاسم ولاكن الله الله في المساندة

الكل هنا يريدك في اعطائنا الاسرار وسوف نقتحم السوق باذن الله

ربي يوفقك عجبتني ( تاجيني ) ديراوية . الله يسعد ذا الوجة

مشكور على سرد القصه وكان يحتاجلها تنسيق
لاكن التنسيق مو شيء رئيسي علشان الناس ماتسرد قصصها
وبخصوص العضو " قرنبشه "
ابوي كان عنده محل جوالات
ومرا سألته قلتله وش اللي يكسبك بالمحل
قال الجوالات المستعلمه والاكسسوارات
..
واللي اعرفه ان الجوالات الجديده ماتكسب منها الا 10 الى 20 ريال " على حد علمي "
وشكرا

اشكر كل الى شاروكو في موضوعي ولكن يعلم الله اني ما طرحت الموضوع الا اني ابي اساعد ابناء البلد يستفيد وانا مستعد اساعد كل شخص يبي يستفيد من خبرتي وراح اعطي نصائح للي يبي يستفيد
1\بيع الجوالات الجديده الفائده تكون فيها قليله اما المستعمله طبعا راح تكون فيها فائده
2\ تنزيل البرامج والفرمته مربحه جدا
3\ الاكسسوارت والكفرات والاستكرات هي الئ ارباحا عاليه جدا بس يبيك تجيب استكرات عصريه لانها تتغير من وقت لوقت والزبون معروف يبي احدث شيئ
عندك عده شركات تنتج الاكسسوارات امريكيه صينيه لها مواقع على النت انصحك تراسلهم وتتفق معهم وتاخذ الوكاله منهم اسعارهم مغريه جدا جدا