ربحي ريال فقط

ناجح بلاحدود · #1 (**permalink**) 31-10-2013, 04:45 AM

السلام عليكم

هذي أول مشاركة لي بالمنتدى اللي الجميع استفاد منها .....

أنا طالب مشورتكم ...

عرض علي واحد صاحب محلات جملة ....... طحينية أبو نار .....المعروفة و المشهورة

العرض ب6 ريال للعلبة أنا اشتريها منه ......

لفيت كذا محمصة وقالوا خلاص نأخذها منك بــ7 ريال ...فقط

فيه اللي يعطي كاش وفيه اللي على التصريف .. وتم الاتفاق على بكرة ان شاء الله تكون عندهم.

أنا جالس أفكر لحالي ... وأقول كل التعب هذا عشان ريال ...

أترك الرأي لكم وش تنصحوني فيه....
وعتبـــــــــر نفسك مكاني

مرار السنين · #2 (**permalink**) 31-10-2013, 05:06 AM

السلام عليكم ورحمة الله وبركاته

اخوي استخير الله وتوكل على الله ولا تستهين بهالريال اسمع كلام اخوك انا لي تجربة مريرة الريال على الريال يكبر والكبير الله . اهم شيء احسب مصاريفك في البانزين والروحة والجيه وجب لك دفتر استاذ واكتب فيه وخلك دقيق في مواعيدك وافتح حساب حط فيه هالريالات وجاهد نفسك في الصرف واي مساعدة انا حاضر وفي الخدمة اخوك المخلص

المعلوي نايف · #3 (**permalink**) 31-10-2013, 05:32 AM

اول شي حياك الله بالمنتدى ...ثانيا المليون لو اخذت منه ريال صار مش مليون ارجو ان تكون وصلت الفكره

خالدوالحب خالد · #4 (**permalink**) 31-10-2013, 05:48 AM

خوي تبي الصراحه
ابدا وشف وضعك
منت خسران شي
ثانيا لو تبيع الف حبه بيكون مكسبك الف ريال وشف
وبصراحه ياليت تقدر تتواصل معاي
بحاول اشتغل مثلك اذا فيه امكانيه..

فكيتور · #5 (**permalink**) 31-10-2013, 10:58 AM

أخي الكريم
الريال في هالبيعه يبلغ اكثر من ١٠٪ من راس المال
وهو هامش ربح ممتاز
المهم في التجارة كم نسبة الأرباح لرأس المال
لا تتردد استخر الله أولاً
وبأذن الله تكون انطلاقة قويه للتجارة

محب الجغرافيا · #6 (**permalink**) 31-10-2013, 11:11 AM

الفوائد الناتجة عن هذه المشاوير تساوي 100000 ريال

نصيحيتي لك توكل على الله ولاتتردد ولاتستمع للمحبطين اليائسين

مباشر وبس · #7 (**permalink**) 31-10-2013, 11:40 AM

ارى انها شغله متعبة بدون فائدة الا بشرط واحد اذا كنت تصرف كميات كبيرة أنا معك توكل على الله

عبدالله الدويني · #8 (**permalink**) 31-10-2013, 11:52 AM

توكل على الله
وعليك بالاستخاره

فورد شنر · #9 (**permalink**) 31-10-2013, 12:33 PM

لا تفكر كثير جرب فيها اليوم ريال بكره 10 وبكره تنفتح لك امور كثيره تكون جاهل عنها وبعدها يبداء اسمعك ينعرف بالسوق وتلقي نفسك مو ملحق ( لا تحقرن صغيره انا الجبال من الحصا)