السلام عليكم
اخواني الموضوع بااختصار
قررت اسوي مخبز ايراني

ورحت كذا مخبز ايراني يشتغلون فيه هنود
واسالهم من وين يشترون ادوات المخبز ومن وين يشترون الفرن
يقولون (مافيه معلوم) ابي رقم كفيلهم اقول عسى انه يسنعني
يرفضون يعطوني الرقم

اخواني انا في الرياض
اللي يعرف لايبخل علي والله ياهالعماله انهم متعاونين علينا يالسعوديين
وانا اقولها من باب تجربه
مايبون تشتغل ولاتعرف الشغله او تسال

اللي يعرف ادوات المخبز وجره الفرن لان مثل مافهمت فيه ناس متخصصه بهالامور

(المخبز اللي اقصده حق خبز عادي ميزانيه ٢٥ الف )
شكرا لكم منتظر ردودكم ولو بدعوه

يالغالي اقدر لك حماسك لكن العماله الاجنبيه يختلفون باختلاف جنسياتهم كل ماعليك ان تاخذ الموضوع بطولة بال يعني ماهو اول ماتشوف لك خباز ع طول تهبده بالاسئله كذا بيحط رجله؟خل اسئلتك بالتدريج ولايمنع تكسبه ولو بشي بسيط وبعدها احشره واشغله بالاسئله .. والله الموفق

السلام عليكم ورحمة الله وبركاته

مشروعك حلو ولكن اعتقد انه يحتاج الى موقع مميز اما بالنسبة لما تحتاج وانا لست خبير بذلك وهي /

عجانه مستعملة
فرن يقوم ببناءه لك اهل المشبات والديكورات الجبسية
الواح الخشب تقدر تسأل فأنا لا اعرف في الحقيقة

وممكن الاخوان يساعدونك أكثر وخصوصا اهل الخبر فأنا في الحقيقة رأيت في هذا المنتدى صدق الاخوة وحبهم لبعض واسأل الله ان يبارك في الجميع

يجي من يفيدك ي الغـالي

اول مرة اشوف شخص يروح لصاحب مشروع يقول له اعطني ادوات واسرار نجاحك ؟


يااخي ابحث وتعلم واسال بدلا من ان تلقي بفشلك على العمالة

اعط الخبز خبازة ولو اكل نصفة ؟؟؟؟؟؟؟؟؟؟؟؟؟؟؟

1- القلوس ثم الفلوس هي الفصاحة لمن اراد تكلما , شف واحد عطة احش فمة وقلة درب عامل عندي واشرف بس ساعتين على الفرن وخلة يعلمك كيف العجينة والخميرة ثم قلة خلاص هذة اسمها استشارة وهو الخبير حقك

2- فر على المخابز وادخل وشوف

ياخوي تطب في شغلة اسرارها مابعد عرفتها وتحشر نفسك

علمت كيف السباحة ثم ارمني في البحر

ياكثر السعوديين يشوفون الزحمة على المحل في رمضان ويحسدونة ويقولون والله يدخل ذهب ابفتح محل مثلة ثم يروح رمضان ويقفل ويخسر المحل واخينا توهق وخسر

بالتوفيق انشاء الله

انا قد رحت محل معجنات ودققت في الفرن حصلت قطعة حديد بحجم الكرت

مكتوب فيها اسم المصنع ورقمهم .. يعني دقق بالافران وإن شاء الله تحصل الشركة المصنعة

انا سمعت ان فيه محلات في الشفا تبع هالامور
اللي يقدر يفيدني وين بالضبط

في محلات متخصصه بهالاشياء وكل اشياء المطاعم اذكر انها بالشمال بس وين مادري